Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yeremia 9:1-26

9  Sɛ me ti yɛ nsu na m’aniwa yɛ nusu asuti ɛ!+ Anka awia ne anadwo nyinaa mesu me man babea atɔfo no.+  Sɛ mewɔ akwantufo+ tenabea wɔ sare so ɛ! Anka megyaw me man na mafi wɔn nkyɛn akɔ, efisɛ wɔn nyinaa yɛ awaresɛefo,+ nkontompofo kuw.+  Wokuntun wɔn tɛkrɛma mu sɛ agyan de di atoro,+ na wonni nokware asase no so. “Wofi bɔne mu kɔ bɔne mu, na me de, wobu wɔn ani gu me so,”+ Yehowa asɛm ni.  “Obiara nhwɛ ne ho yiye ne yɔnko ho,+ na mommfa mo ho nnto mo nuanom so.+ Efisɛ onua betwitwa ne nua nantin,+ na ɔyɔnko bɛnenam asɛe ne yɔnko din.+  Obiara daadaa ne yɔnko,+ na wɔnka nokware koraa. Wɔakyerɛ wɔn tɛkrɛma atorodi.+ Bɔneyɛ na wɔde hyɛ wɔn ho brɛ.+  “Nnaadaa+ mu na mote. Nnaadaa nti, wɔmpɛ sɛ wohu me,”+ Yehowa asɛm ni.  Ɛno nti, nea asafo Yehowa aka ni: “Hwɛ, merebɛnan wɔn, na mahwehwɛ wɔn mu;+ sɛ manyɛ saa a, dɛn bio na mɛyɛ, me man babea nti?+  Wɔn tɛkrɛma yɛ awudi agyan.+ Nnaadaasɛm na ɛka. Onipa de n’ano kasa asomdwoe so kyerɛ ne yɔnko, nanso ɔtetɛw no wɔ ne mu.”+  “Eyinom nti, merentua wɔn ka anaa?” Yehowa asɛm ni. “Na me kra rentɔ were, ɔman a ɛte sɛ eyi so anaa?+ 10  Mɛma me nne so asũ na matwa adwo mmepɔw no ho,+ na mmoa adidibea a ɛbɛdan sare so nti, mɛto kwadwom, efisɛ wɔbɛhyew ne nyinaa,+ na onipa biara rentwam wɔ hɔ; wɔrente nyɛmmoa nne wɔ hɔ.+ Ewim nnomaa ne mmoa nyinaa beguan, wɔn nyinaa bɛkɔ.+ 11  Mɛma Yerusalem adan abokuw,+ sakraman tenabea,+ na mɛdan Yuda nkurow amamfõ a obi ntena mu.+ 12  “Hena ne onyansafo a ɔbɛte eyi ase? Hena na Yehowa akasa akyerɛ no ama ɔno nso aka akyerɛ?+ Dɛn nti na ɛsɛ sɛ asase yi sɛe na ɛhyew sɛ sare, a obi mfa so bio?”+ 13  Ɛnna Yehowa kae sɛ: “Wɔagyaw me mmara a mede maa wɔn sɛ ɛnkyerɛ wɔn kwan no; wɔantie me nne na wɔannantew mu.+ 14  Wɔn koma+ bɔne atuatew mu na wɔnantewee, na wokodii Baal anyame+ a wɔn agyanom kyerɛɛ wɔn no akyi.+ 15  Ɛno nti, nea asafo Yehowa, Israel Nyankopɔn aka ni, ‘Hwɛ, mɛma ɔman yi awɔnwene adi,+ na mede nsu a awuduru wom ama wɔn anom.+ 16  Mɛbɔ wɔn apete aman a wɔne wɔn agyanom nyinaa nnim so no so,+ na mɛma nkrante atiw wɔn akosi sɛ mɛtɔre wɔn ase.’+ 17  “Nea asafo Yehowa aka ni, ‘Momfa ntease nyɛ mo ade, na momfrɛ mmea a wonim agyaadwo twa mmra,+ na monsoma nkɔfrɛ mmea a wonim sũ yiye mmra,+ 18  na wɔnyɛ ntɛm mmetwa agyaadwo mma yɛn, na nusu nsen mfa yɛn aniwa mu, na yɛn aniwa mporow nsu.+ 19  Na wɔte agyaadwo wɔ Sion sɛ:+ “O hwɛ sɛnea wɔafow yɛn!+ Hwɛ sɛnea yɛn anim agu ase! Efisɛ yɛagyaw asase no, na wɔadwiriw yɛn tenabea no agu.”+ 20  Mmea, muntie Yehowa asɛm ɛ. Momma n’anom asɛm nkɔ mo asom. Afei monkyerɛ mo mmabea agyaadwo twa+ na ɔbea biara nkyerɛ ne yɔnko sɛnea wotwa kwadwom.+ 21  Efisɛ owu afa yɛn mfɛnsere mu aba yɛn abankɛse mu sɛ ɛrebetwa mmofra afi mmorɔn so na atwa mmerante afi mmɔnten so.’+ 22  “Ka sɛ, ‘Nea Yehowa aka ni: “Adesamma afunu begugu hɔ sɛ asase so sumina ne awi foforo a awitwafo atwitwa agu wɔn akyi a obiara nni hɔ a ɔbɛboaboa ano.”’”+ 23  Nea Yehowa aka ni: “Mma onyansafo mmfa ne nyansa nnhoahoa ne ho,+ mma ɔhoɔdenfo mmfa n’ahoɔden nnhoahoa ne ho,+ na mma ɔdefo mmfa n’ahonyade nnhoahoa ne ho.”+ 24  “Nea ɔhoahoa ne ho no, sɛ ɔwɔ me ho nhumu+ ne nimdeɛ, sɛ mene Yehowa,+ Nea ɔyɛ adɔe na obu atɛntrenee na ɔyɛ adetrenee wɔ asase so no a,+ ɛno mmom na ɔmfa nhoahoa ne ho, efisɛ eyi na ɛsɔ m’ani,”+ Yehowa asɛm ni. 25  “Hwɛ! Nna bi reba,” Yehowa asɛm ni, “na obiara a watwa twetia nanso ɔda so wɔ ne momonoto mu no, mebu no atɛn;+ 26  Egyptfo+ ne Yudafo+ ne Edomfo+ ne Ammonfo+ ne Moabfo+ ne obiara a ɔte sare so a watwitwa ne bogyesɛ no,+ mebu wɔn nyinaa atɛn, efisɛ amanaman nyinaa yɛ momonotofo na Israel fie nyinaa nso yɛ komam momonotofo.”+

Ase Hɔ Nsɛm