Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yeremia 6:1-30

6  O Benyamin mma, mompɛ baabi nhintaw, munguan mfi Yerusalem; monhyɛn abɛn+ wɔ Tekoa.+ Momfa ogya ahyɛnsode nsi Bet-Hakerem,+ efisɛ mmusu fi atifi fam reba, ɔsɛe kɛse.+  Sion babea te sɛ ɔbea hoɔfɛfo a wɔagyigye no so asɛe no.+  Ne nkyɛn na nguanhwɛfo ne wɔn nguankuw aba. Ne ho na wobesisi ntamadan ahyia,+ na obiara bedidi wɔ n’afã.+  Wɔahyira ɔsa+ so atia no sɛ: “Monsɔre mma yɛmforo nkɔ no so awia ketee!”+ “Yennue, efisɛ adekyee kɔ n’anim, na anwummere sunsuma mu atwe!”  “Monsɔre mma yɛmforo nkɔ no so anadwo nkɔsɛe n’abankɛse no.”+  Nea asafo Yehowa aka ni: “Muntwitwa nnua+ na monto Yerusalem ho akoban,+ na ɛyɛ kurow a ɛfata asotwe.+ Hwee nni ne mu sɛ nhyɛso nko.+  Sɛnea asubura ma emu nsu yɛ nwini no, saa na ɔma ne bɔne yɛ nwini. Wɔte basabasayɛ ne afowfa nka wɔ ne mu;+ ɔyare ne ɔhaw na ɛwɔ m’anim daa.  O Yerusalem, ma wɔnteɛ wo so,+ na anyɛ me kra tan amma mantwe me ho amfi wo ho,+ na manyɛ wo amamfõ, asase a obiara nte so.”+  Nea asafo Yehowa aka ni: “Wɔbɛsesaw Israel nkae akɔ sɛnea wɔsesaw bobe ase no.+ Ma wo nsa nni akɔneaba sɛ obi a ɔretew bobe afi bobe dua so.” 10  “Henanom na menkasa nkyerɛ wɔn na memmɔ wɔn kɔkɔ mma wontie? Hwɛ! wontwaa wɔn aso twetia enti wontumi ntie.+ Hwɛ! Yehowa asɛm adan ahohorade wɔn ani so,+ enti wonni ho anigye bi.+ 11  Ɛno nti na Yehowa abufuhyew ahyɛ me ma no. Makura mu abrɛ.”+ “Hwie gu abɔnten+ so abofra ne mmerante guabɔ so bere koro mu, na wɔbɛkyere ɔbarima ne ne yere nyinaa, ne akwakoraa ne nea nna amee no.+ 12  Wɔn afie bɛyɛ afoforo dea, na wɔn nsase ne wɔn yerenom nso saa ara,+ efisɛ mɛteɛ me nsa aka asase no sofo,” Yehowa asɛm ni.+ 13  “Efi wɔn mu akumaa so kosi ɔkɛse so, obiara pɛ mfaso bɔne;+ efi odiyifo so kosi ɔsɔfo so, wɔn nyinaa nni nokware.+ 14  Wɔsa me man akuru biara biara,+ na wɔka sɛ, ‘Asomdwoe wɔ hɔ! Asomdwoe wɔ hɔ!’ bere a asomdwoe biara nni hɔ.+ 15  Wɔn ani wui sɛ wɔyɛɛ akyide anaa?+ Asɛm no ne sɛ, wɔn ani anwu koraa, na wonnim fɛre nso.+ Ɛno nti, wɔbɛfra atɔfo mu atotɔ,+ na ɛda a mɛba abebu wɔn atɛn no, wobehintihintiw,” Yehowa na waka. 16  Nea Yehowa aka ni: “Munkogyina akwan so na monhwɛ, na mummisa tete atempɔn no, nea mprempren ɔkwan pa no wɔ,+ na momfa so,+ na munnya ɔhome mma mo kra.”+ Nanso wɔkae sɛ: “Yɛremfa so.”+ 17  “Mede awɛmfo+ sisii mo so sɛ, ‘Monyɛ aso ntie abɛn nnyigyei no!’”+ Nanso wɔkae sɛ: “Yɛrenyɛ aso ntie.”+ 18  “Ɛno nti, amanaman, muntie ɛ! Na asafo, munhu nea ɛrebɛto wɔn. 19  Asase, yɛ aso ɛ! Hwɛ, mede amanehunu reba ɔman+ yi so sɛ wɔn nsusuwii so aba,+ efisɛ wɔanyɛ aso amma me nsɛm, na me mmara nso, wɔpoe.”+ 20  “Ɛhyɛ a mode fi Saba+ ne demmire huamhuam a mode fi akyirikyiri asase so reba yi, dɛn na ɛyɛ ma me? Mo hyew afɔre nyɛ me fɛ,+ na mo ayɛyɛde nso nsɔ m’ani.”+ 21  Enti nea Yehowa aka ni: “Mede hintidua+ bɛto ɔman yi anim, na agyanom ne mma, ne ofipamfo ne ne yɔnko nyinaa ahintihintiw wɔ so, na wɔn nyinaa bɛsɛe.”+ 22  Nea Yehowa aka ni: “Hwɛ! ɔman bi fi atifi asase so reba; wɔbɛhwanyan ɔman kɛse bi afi asase ano nohoa aba.+ 23  Wɔde agyan ne peaw na ɛbɛba.+ Wɔn tirim yɛ den; wɔrenhu mmɔbɔ. Wɔn nne begyigye sɛ ɛpo,+ na wɔbɛtenatena apɔnkɔ so.+ Wɔatwa ɔko mpasua sɛ ɔkofoni a ɔne wo rebɛko, O Sion babea.”+ 24  Yɛate ho asɛm. Yɛn nsam agow.+ Ahohia aso yɛn mu, awoko a ɛte sɛ ɔbea a ɔrewo de.+ 25  Mummfi adi nnkɔ afuw mu, monnkɔnantew ɔkwan so, efisɛ ɔtamfo nkrante wɔ hɔ, na ahude atwa yɛn ho ahyia.+ 26  O me man babea, fura atweaatam,+ na munumunum wo ho wɔ nsõ mu.+ Di awerɛhow sɛ obi a ɔretwa adwo di ne bakoro ho awerɛhow,+ efisɛ mpofirim na ɔsɛefo no bɛba yɛn so.+ 27  “Mede wo asi hɔ sɛ sɔ dade hwɛ wɔ me man mu na hwehwɛ nneɛma mu yiye, na wubehu na woasɔ wɔn akwan ahwɛ.+ 28  Wɔn nyinaa aso yɛ den dodo;+ wɔnenam sɛe nkurɔfo din,+ wɔte sɛ kɔbere ne dade. Wɔn nyinaa asɛe.+ 29  Afa no ahyew.+ Sumpii nko na wonya fi wɔn gya mu.+ Wɔayere wɔn ho anan no kwa, efisɛ wonyii abɔnefo mfii wɔn mu.+ 30  Nnipa bɛfrɛ wɔn sɛ dwetɛ a wɔapo,+ efisɛ Yehowa apo wɔn.”+

Ase Hɔ Nsɛm