Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yeremia 32:1-44

32  Yehowa asɛm baa Yeremia nkyɛn wɔ Yuda hene+ Sedekia afe a ɛto so du a ɛyɛ Nebukadresar+ afe a ɛto so dunwɔtwe no mu.  Saa bere no, na Babilon hene asraafodɔm abetwa Yerusalem ho ahyia.+ Odiyifo Yeremia de, na wɔakyere no atom wɔ Awɛmfo Aban+ mu wɔ Yuda hene fie;  ná Yuda hene Sedekia akyere no atom+ sɛ: “Dɛn nti na wohyɛ nkɔm+ sɛ, ‘Nea Yehowa aka ni: “Hwɛ, mede kurow yi bɛhyɛ Babilon hene nsa, na ɔbɛfa,+  na Yuda hene Sedekia nso, ɔrenguan mfi Kaldeafo no nsam, efisɛ hyɛ de, wɔde no bɛhyɛ Babilon hene nsa, na ɔne no bɛkasa ano ne ano, na ɔde n’ani behu n’anim,”’+  ‘na ɔde Sedekia bɛkɔ Babilon, na ɛhɔ na ɔbɛtena kosi sɛ mɛdan m’ani abɛhwɛ no,’+ Yehowa asɛm ni, ‘na mo ne Kaldeafo bɛko de, nanso morenni nkonim’?”+  Na Yeremia kae sɛ: “Yehowa asɛm aba me nkyɛn sɛ,  ‘Hwɛ, wo papa nua Salum ba Hanamel reba abɛka akyerɛ wo sɛ: “Tɔ m’asase a ɛwɔ Anatot+ no efisɛ wo na wowɔ hokwan sɛ wugye.”’”+  Ɛnna me papa nua ba Hanamel baa me nkyɛn wɔ Awɛmfo Aban+ mu hɔ sɛnea Yehowa kae no, na ɔka kyerɛɛ me sɛ: “Mesrɛ wo, tɔ m’asase a ɛwɔ Anatot,+ Benyamin+ asase so no efisɛ wo na ade no di ne ne gye wɔ wo. Enti tɔ.” Ɛhɔ na mihui sɛ ɛyɛ Yehowa asɛm.+  Enti metɔɔ asase a ɛwɔ Anatot+ no fii me papa nua ba Hanamel+ nsam. Na mekarii sika+ no maa no, nnwetɛbona ason ne dwetɛ du. 10  Afei meyɛɛ ɛho adanse krataa,+ na mesɔɔ ano,+ na mefrɛɛ adansefo+ bere a merekari+ sika no nsenia so no. 11  Ɛnna mefaa adanse nkrataa no, nea wɔasɔ ano ne nea ano da hɔ no, sɛnea mmara ne ahyɛde no kyerɛ+ no. 12  Na mede adanse krataa no maa Maseia ba Neria+ ba Baruk+ wɔ me papa nua ba Hanamel ne adansefo a wɔde wɔn nsa hyɛɛ adanse krataa+ no ase no nyinaa anim ne Yudafo a wɔwɔ Awɛmfo Aban+ mu hɔ no anim. 13  Afei mehyɛɛ Baruk wɔ wɔn nyinaa anim sɛ: 14  “Nea asafo Yehowa, Israel Nyankopɔn no aka ni, ‘Gye adanse nkrataa yi, nea wɔasɔ ano ne nea ano da hɔ yi,+ na fa kɔhyɛ kuku mu, na akyɛ nna pii.’ 15  Efisɛ asafo Yehowa, Israel Nyankopɔn aka sɛ, ‘Nkurɔfo bɛtotɔ afie ne nsase ne bobe nturo wɔ asase yi so bio.’”+ 16  Na bere a mede adanse krataa no maa Neria+ ba Baruk+ no, mebɔɔ Yehowa mpae+ sɛ: 17  “O Awurade Tumfoɔ Yehowa!+ Hwɛ, wo na wode wo tumi+ ne wo basa a woateɛ mu+ yɛɛ ɔsoro ne asase. Wo de, asɛm no nyinaa mmoro w’ahoɔden so,+ 18  wo a woyɛ mpempem adɔe,+ na wutua agyanom bɔne so ka gu wɔn mma a wodi wɔn akyi kokom;+ wone nokware Nyankopɔn, Otumfoɔ+ ne Opumpuni+ no, na asafo Yehowa+ ne wo din.+ 19  Wo na wosõ, afotu+ ne nnwuma+ mu, na w’ani abue hwɛ nnipa mma+ akwan nyinaa sɛ wubetua obiara ka sɛnea n’akwan ne ne nneyɛe so aba te.+ 20  Wo na woyɛɛ nsɛnkyerɛnne ne anwonwade Egypt asase so ne Israel ne nnipa nyinaa mu+ de abesi nnɛ da yi, na wode agye din ama wo ho sɛnea ɛte nnɛ yi.+ 21  Na wode nsɛnkyerɛnne ne anwonwade+ ne nsa a ɛyɛ den ne basa a woateɛ mu ne ahude+ akɛse na eyii wo man Israel fii Egypt+ asase so. 22  “Akyiri yi, wode asase a wokaa wɔn agyanom ntam sɛ wode bɛma wɔn no maa wɔn,+ asase a nufusu ne ɛwo sen wɔ so+ yi. 23  Ɛnna wɔba bɛtenaa so,+ nanso wɔantie wo, na wɔannantew wo mmara mu nso.+ Nneɛma a wohyɛe sɛ wɔnyɛ nyinaa wɔanyɛ;+ ɛno nti na woama mmusu yi nyinaa aba wɔn so no.+ 24  Hwɛ! Mmarima bɛba abɛto kurow no ho mpempe+ sɛ wɔbɛko afa.+ Wɔde kurow no bɛhyɛ Kaldeafo a wɔne no redi ako+ no nsa, nkrante+ ne ɔkɔm+ ne owuyare+ no nti. Nea wokae no aba mu ma w’aniwa ahu.+ 25  Nanso Awurade Tumfoɔ Yehowa, wuse, ‘Fa sika kɔtɔ asase+ na fa ho adansefo,’+ bere a wunim sɛ wɔde kurow yi bɛhyɛ Kaldeafo nsa.”+ 26  Ɛnna Yehowa asɛm baa Yeremia nkyɛn sɛ: 27  “Me Yehowa, mene ɔhonam nyinaa Nyankopɔn no.+ Biribi wɔ hɔ a ɛboro m’ahoɔden so anaa?+ 28  Enti nea Yehowa aka ni, ‘Hwɛ, mede kurow yi bɛhyɛ Kaldeafo ne Babilon hene Nebukadresar nsa, na ɔbɛfa.+ 29  Kaldeafo a wɔne kurow yi redi ako no bɛba de ogya abɛto kurow yi mu, na wɔahyew+ ɛne afie a wɔhyew afɔrebɔde wɔ n’atifi ma Baal na wohwie afɔrebɔ nsa wɔ hɔ ma anyame foforo de hyɛ me abufuw no.’+ 30  “‘Na Israelfo ne Yudafo de, bɔne nko ara na wofi wɔn mmeranteberem ayɛ wɔ m’anim;+ abufuw nko na Israelfo de wɔn nsa ano adwuma hyɛ me,’+ Yehowa asɛm ni. 31  ‘Saa kurow yi, efi da a wɔkyekyee de besi nnɛ, abufuw nko na ahyɛ me ma m’abufuhyew adɛw,+ na meyi afi m’anim,+ 32  bɔne a Israelfo+ ne Yudafo+ ayɛ de ahyɛ me abufuw+ nyinaa nti; wɔne wɔn ahene+ ne wɔn mpanyimfo+ ne wɔn asɔfo+ ne wɔn adiyifo+ ne Yuda mmarima ne wɔn a wɔtete Yerusalem na ayɛ. 33  Wɔn akyi na wɔdan maa me, na ɛnyɛ wɔn anim.+ Mekyerɛkyerɛɛ wɔn; mesɔree anɔpahema kyerɛkyerɛɛ wɔn, nanso wɔn mu biara antie nteɛso.+ 34  Wɔde wɔn akyide no akosisi ofie a me din da so no mu de agu ho fĩ.+ 35  Afei nso wɔasisi Baal sorɔnsorɔmmea+ wɔ Hinom ba bon+ no mu, na wɔama wɔn mma afa ogya+ mu ama Molek,+ nanso menhyɛɛ wɔn saa,+ na ɛmmaa me komam da sɛ mɛma wɔayɛ akyide a ɛte saa,+ na wɔmaa Yuda yɛɛ bɔne.’+ 36  “Enti afei, nea Yehowa, Israel Nyankopɔn aka wɔ kurow a moka sɛ wɔnam nkrante ne ɔkɔm ne owuyare so de bɛhyɛ Babilon hene nsa no ho ni,+ 37  ‘Hwɛ, mɛboaboa wɔn ano afi nsase a mebɔɔ wɔn hwetee so m’abufuw ne m’abufuhyew ne m’anibere mu no nyinaa so,+ na mɛsan de wɔn aba ha ma wɔabɛtena ase dwoodwoo.+ 38  Na wɔbɛyɛ me man+ na me nso mayɛ wɔn Nyankopɔn.+ 39  Mɛma wɔn koma koro,+ na mɛma wɔahu ɔkwan koro na ama wɔasuro me daa ma asi wɔne wɔn mma a wobedi wɔn akyi aba no yiye.+ 40  Me ne wɔn bɛyɛ daa apam,+ na merennan mfi wɔn akyi, na mɛyɛ wɔn yiye;+ mede me ho suro bɛhyɛ wɔn koma mu na wɔannan amfi m’akyi.+ 41  M’ani begye wɔn ho na mayɛ wɔn yiye.+ Mede me koma nyinaa ne me kra nyinaa bedua wɔn wɔ asase yi so,+ nokwaredi mu.’” 42  “Nea Yehowa aka ni, ‘Sɛnea mede mmusu kɛse yi nyinaa reba ɔman yi so no, saa ara na mede adepa a maka wɔ wɔn ho no nyinaa bɛbrɛ wɔn.+ 43  Na ɔman+ yi a mobɛka ho asɛm sɛ: “Adan amamfõ+ na onipa ne aboa bi nni so, na wɔde ahyɛ Kaldeafo nsa”+ no, wɔbɛtotɔ nsase wɔ so.’ 44  “‘Nnipa de sika bɛtotɔ nsase, na wɔbɛyeyɛ ho adanse nkrataa+ na wɔasosɔw ano afa ho adansefo+ wɔ Benyamin+ asase so ne Yerusalem+ ho nkurow mu ne Yuda+ nkurow mu ne mmepɔw so nkurow mu ne nkurow a ɛdeda fam+ mu ne anafo nkurow mu,+ efisɛ mɛsan de wɔn atukɔfo no aba,’+ Yehowa asɛm ni.”

Ase Hɔ Nsɛm