Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yeremia 27:1-22

27  Asɛm yi fi Yehowa hɔ baa Yeremia nkyɛn wɔ Yosia+ ba Yehoiakim a ɔyɛ Yuda hene no ahenni mfiase sɛ:  “Nea Yehowa aka akyerɛ me ni, ‘Yeyɛ kɔndua+ ne nea esuso mu, na fa to wo kɔn ho.+  Fa hyɛ asomafo a wɔreba Yuda hene Sedekia nkyɛn wɔ Yerusalem no nsam na wɔmfa nkɔmoma Edom+ hene ne Moab+ hene ne Ammonfo+ hene ne Tiro+ hene ne Sidon+ hene.  Na fa ahyɛde yi ma wɔn na wɔmfa nkɔma wɔn wuranom sɛ: “‘“Nea asafo Yehowa, Israel Nyankopɔn+ aka ni; nea monkɔka nkyerɛ mo wuranom ni,  ‘Me na mede m’ahoɔden+ kɛse ne me basa a mateɛ mu+ yɛɛ asase+ ne adesamma+ ne mmoa+ a wɔwɔ asase so, na mede ma obiara a ɛteɛ m’ani so sɛ mede bɛma no.+  Na me na mede nsase yi nyinaa ahyɛ Babilon hene Nebukadnesar,+ m’akoa no nsa;+ mede wuram mmoa nso ama no sɛ wɔnsom no.+  Na ɔno na aman nyinaa bɛsom no,+ ɔne ne ba ne ne banana, kosi sɛ n’asase bere bɛsõ+ ma aman ne ahene akɛse pii de no ayɛ akoa ma wasom wɔn.’+  “‘“‘Na ɛbɛba sɛ ɔman ne ahenni biara a wɔrensom Babilon hene Nebukadnesar, na wɔremfa wɔn kɔn nhyɛ Babilon hene kɔndua ase no, nkrante+ ne ɔkɔm+ ne owuyare+ na mede bɛba saa ɔman no so, kosi sɛ menam ne nsa so bɛma wɔasa,’+ Yehowa asɛm ni.  “‘“‘Na mo de, mo adiyifo+ ne mo akɔmfo ne mo adaesofo+ ne mo nkonyaayifo ne mo asumanfo+ a wɔka kyerɛ mo sɛ: “Morensom Babilon hene”+ no, munntie wɔn. 10  Nkɔntoro na wɔhyɛ mo na ama wɔatu mo afi mo asase so akɔ akyirikyiri; mɛbɔ mo ahwete, na mobɛyera.+ 11  “‘“‘Ɔman a wɔde wɔn kɔn bɛhyɛ Babilon hene kɔndua ase na wɔasom no no de, me nso mɛma wɔahome wɔ wɔn asase so,’ Yehowa asɛm ni, ‘na wɔbɛdɔw na wɔatena so.’”’”+ 12  Yuda hene Sedekia+ mpo, mekaa nsɛm yi nyinaa kyerɛɛ no+ sɛ: “Momfa mo kɔn nkɔhyɛ Babilon hene kɔndua ase na monsom ɔne ne man, na moatena nkwa mu.+ 13  Dɛn nti na wo ne wo man rebewuwu nkrante+ ne ɔkɔm+ ne owuyare+ ano sɛnea Yehowa asɛm a ɔka kyerɛɛ amanaman a wɔnsom Babilon hene no te no? 14  Na adiyifo a wɔreka nsɛm yi kyerɛ mo sɛ, ‘Morensom Babilon hene’+ no, munntie wɔn, efisɛ nkɔntoro na wɔhyɛ mo.+ 15  “‘Mensomaa wɔn,’ Yehowa asɛm ni, ‘nkɔntoro na wɔhyɛ wɔ me din mu na ama mabɔ mo ahwete,+ na moayera,+ mo ne adiyifo a wɔhyɛ mo nkɔm no nyinaa.’”+ 16  Asɔfo ne ɔman yi nyinaa nso, meka kyerɛɛ wɔn sɛ: “Nea Yehowa aka ni, ‘Mo adiyifo a wɔhyɛ nkɔm kyerɛ mo sɛ: “Hwɛ, wɔde Yehowa anwenne no befi Babilon aba nnansa yi ara”+ no, munntie wɔn nsɛm no, efisɛ nkɔntoro na wɔhyɛ mo.+ 17  Munntie wɔn. Babilon hene na monsom no, na moatena nkwa mu.+ Dɛn nti na ɛsɛ sɛ kurow yi dan amamfõ?+ 18  Na sɛ wɔyɛ adiyifo ampa na Yehowa asɛm wɔ wɔn anom a, ɛnde momma wɔnsrɛ asafo Yehowa ɛ,+ na wɔammɛfa anwenne a aka wɔ Yehowa fie ne Yuda hene fie ne Yerusalem no ankɔ Babilon.’ 19  “Adum+ ne po+ ne nsutwe nnaka+ ne anwenne a aka wɔ kurow yi mu no,+ nea asafo Yehowa aka wɔ ho ni, 20  nea Babilon hene Nebukadnesar gyawee bere a ɔbɛfaa Yehoiakim ba Yekonia+ a ɔyɛ Yuda hene no ne Yuda ne Yerusalem mmapɔmma nyinaa fi Yerusalem kɔɔ nkoasom mu+ no, 21  nea asafo Yehowa, Israel Nyankopɔn no aka wɔ anwenne nkae a ɛwɔ Yehowa fie ne Yuda hene fie ne Yerusalem nyinaa ho ni,+ 22  ‘“Babilon na wɔde bɛkɔ,+ na ɛhɔ na ɛbɛka de akosi da a mɛdan m’ani aba so,”+ Yehowa asɛm ni. “Na mɛkɔ akɔfa asan de aba ha.”’”+

Ase Hɔ Nsɛm