Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yeremia 18:1-23

18  Asɛm a efi Yehowa hɔ baa Yeremia nkyɛn ni:  “Sɔre sim kɔ ɔnwemfo+ fie, na ɛhɔ na mɛma woate me nsɛm.”  Ɛnna misiim kɔɔ ɔnwemfo fie, na hwɛ, na ɔreyɛ adwuma wɔ ɔnwemfo afiri so.  Ɔnwemfo no nsa sɛee anwenne a na ɔde dɔte reyɛ no, enti ɔsan de yɛɛ anwenne foforo sɛnea ɛteɛ ɔnwemfo no ani so sɛ ɔbɛyɛ.+  Na Yehowa asɛm san baa me nkyɛn sɛ:  “‘O Israel fie, merentumi nyɛ mo sɛnea ɔnwemfo yi ayɛ yi anaa?’ Yehowa asɛm ni. ‘Hwɛ! sɛnea dɔte te wɔ ɔnwemfo nsam no, saa ara na mo nso mote wɔ me nsam, O Israel fie.+  Bere biara a mɛkasa atia ɔman bi ne ahenni bi sɛ metutu ase na madwiriw agu asɛe no+ no,  sɛ ɔman no dan fi ne bɔne a mekasa tiae no ho+ a, me nso migyae mmusu a mebɔɔ me tirim sɛ mede bɛba wɔn so no.+  Na bere biara nso a mɛka ɔman ne ahenni bi ho asɛm sɛ mɛkyekye na masiesie no,+ 10  sɛ wɔyɛ bɔne m’ani so, na wɔantie me nne+ a, me nso migyae adepa a mebɔɔ me tirim sɛ mɛyɛ ama wɔn no.’ 11  “Enti afei, mesrɛ wo, ka kyerɛ Yuda mmarima ne Yerusalemfo sɛ, ‘Nea Yehowa aka ni: “Hwɛ, mabɔ me tirim sɛ mede mmusu bɛba mo so; manya mo ho adwene bi.+ Monnan mfi mo akwammɔne ho ɛ, na munsiesie mo akwan ne mo nneyɛe.”’”+ 12  Na wɔkae sɛ: “Mfaso biara nni so!+ Yɛn ankasa nsusuwii mu na yɛbɛnantew, na obiara bɛyɛ ne koma bɔne atuatew so ade.”+ 13  Enti nea Yehowa aka ni: “Munkobisa amanaman no mu ɛ. Hena na wate ade yi bi pɛn? Ahodwiriwde paa na Israel ɔbaabun no ayɛ.+ 14  So Lebanon sukyerɛmma betumi asã wɔ kwae mu ɔbotan so? Na amannɔne nsu nwininwini a ɛretene betumi ayow? 15  Me man de, wɔn werɛ afi me,+ na wɔhyew afɔrebɔde ma ade a mfaso nni so,+ na wɔto nnipa hintidua wɔn akwan mu,+ wɔ tete akwan no so,+ sɛnea ɛbɛyɛ a wɔbɛfa atempɔn a ɛso yɛ mmonkyimmɔnka so, 16  na wɔn asase no ayɛ ahodwiriwde+ ne ade a wɔhwɛ bɔ hwirema daa.+ Obiara a obetwam wɔ hɔ no de ahodwiriw bɛhwɛ na wawosow ne ti.+ 17  Mɛyɛ sɛ apuei mframa abɔ wɔn ahwete atamfo anim.+ Wɔn ahohia da mu, mede m’akyi na ɛbɛkyerɛ wɔn, na ɛnyɛ m’anim.”+ 18  Ɛnna wɔkae sɛ: “Mommra mma yɛnkɔbɔ Yeremia ho pɔw,+ efisɛ mmara renyera mfi asɔfo nkyɛn,+ na afotu remfi anyansafo nsam, na asɛm rempa adiyifo anom.+ Mommra mma yɛmfa yɛn tɛkrɛma+ mmoro no, na mommma yenntie n’asɛm biara.” 19  O Yehowa, yɛ aso ma me, na tie m’atamfo nsɛm no.+ 20  Bɔne na wɔde retua papa so ka anaa?+ Wɔn de, wɔatu amoa ama me kra.+ Kae sɛnea migyinaa w’anim kaa wɔn ho asɛmpa sɛ dan w’abufuw fi wɔn so+ no. 21  Ɛno nti, yi wɔn mma hyɛ ɔkɔm nsa,+ na fa wɔn hyɛ nkrante nsa.+ Ma wɔn yerenom nhwere wɔn mma na ma wɔnyɛ akunafo.+ Ma owuyare nkunkum wɔn mmarima, na wɔmfa nkrante mmobɔ wɔn mmerante ɔko mu. + 22  Ma wɔnte osu wɔ wɔn afie mu bere a wode afowfo aba wɔn so mpofirim no,+ efisɛ wɔatu amoa de repɛ me ayi me, na wɔasunsum mfiri ahintaw me nan.+ 23  O Yehowa, wo ara wunim me ho pɔw a wɔabɔ sɛ wobekum me no.+ Nkata wɔn bɔne so, na wɔn amumɔyɛ no, mpopa mfi w’anim.+ Ma wɔnhwe ase w’anim. W’abufuw mu na wo ne wɔn nni.+

Ase Hɔ Nsɛm