Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yeremia 14:1-22

14  Yehowa asɛm a ɛbaa Yeremia nkyɛn osu a antɔ no ho ni:+  Yuda redi awerɛhow,+ na n’apon agyigya.+ Ayeyɛ basaa atutu agu fam,+ na Yerusalem sufrɛ nso, wɔate.+  Wɔn mu atitiriw somaa nkumaa no sɛ wɔnkɔ nsu.+ Wɔkɔɔ nsuka no mu, nanso wɔannya nsu.+ Wɔde wɔn nhina san bae kwa. Wɔn ani awu,+ wɔn nsa asi fam, na wɔakatakata wɔn ti.+  Osu a ɛntɔ asase no so nti asase no apaapae,+ ɛno nti akuafo ani awu, na wɔakatakata wɔn ti.+  Wuram ɔforote mpo awo, nanso wagyaw ne ba hɔ, efisɛ sare momono biara nni hɔ.  Sare so mfurum+ nso gyinagyina nkoko pradada so; wɔtwe mframa sɛ sakraman. Wura a wonnya nti,+ wɔn aniwa atotom.  O Yehowa, sɛ yɛn bɔne di adanse tia yɛn mpo a, wo din nti yɛ ho biribi,+ na yɛn mmarato adɔɔso;+ wo na yɛayɛ wo bɔne.+  O Israel anidaso+ ne n’ahohia mu+ Ogyefo,+ dɛn nti na woadan sɛ ɔhɔho asase yi so, na woayɛ sɛ ɔkwantuni a wakɔsoɛ baabi anadwo?+  Dɛn nti na woayɛ sɛ ɔbarima a ne ho adwiriw no, dɔmmarima a ontumi nnye ne man yi?+ Nanso yɛn mu na wowɔ,+ O Yehowa, na wo din da yɛn so.+ Mma yɛn nsa nnsi fam. 10  Nea Yehowa aka afa ɔman yi ho ni: “Saa na wɔpɛ sɛ wokyinkyin basabasa.+ Wonsiankaa wɔn anammɔn.+ Ɛno nti na Yehowa nso ani nnye wɔn ho bio no.+ Afei ɔbɛkae wɔn amumɔyɛ no, na wɔn bɔne no nso, ɔde n’ani besi so.”+ 11  Na Yehowa ka kyerɛɛ me sɛ: “Mmɔ mpae nsrɛ adepa mma ɔman yi.+ 12  Sɛ wodi mmuada a, merentie wɔn sufrɛ;+ sɛ wɔbɔ ɔhyew afɔre ne aduan afɔre a, m’ani rensɔ,+ na nkrante ne ɔkɔm ne ɔyaredɔm na mede bewie wɔn koraa.”+ 13  Ɛnna mekae sɛ: “O Awurade Tumfoɔ Yehowa! Hwɛ, adiyifo no reka kyerɛ ɔman no sɛ, ‘Morenhu nkrante, na ɔkɔm renka mo; nokware asomdwoe na mede bɛma mo wɔ ha.’”+ 14  Ɛnna Yehowa san ka kyerɛɛ me sɛ: “Nkɔntoro na adiyifo no rehyɛ wɔ me din mu.+ Mensomaa wɔn, menhyɛɛ wɔn, na me ne wɔn nkasae.+ Atoro anisoadehu ne abosonkɔm ne adehunu+ ne wɔn komam nnaadaasɛm na wɔde hyɛ mo nkɔm.+ 15  Ɛno nti, adiyifo a mensomaa wɔn a wɔde me din hyɛ nkɔm ka sɛ nkrante anaa ɔkɔm biara remma asase yi so no, nea Yehowa aka afa wɔn ho ni, ‘Nkrante ne ɔkɔm na ɛde saa adiyifo no awiei bɛba.+ 16  Na ɔman a wɔhyɛ wɔn nkɔm no, ɔkɔm ne nkrante no nti, wɔbɛtow wɔn agu Yerusalem mmɔnten so, na obiara rensie wɔn, wɔne wɔn yerenom ne wɔn mmabarima ne wɔn mmabea nyinaa.+ Na mehwie wɔn mmusu agu wɔn atifi.’+ 17  “Asɛm a ka kyerɛ wɔn ni, ‘Ma nusu nsen mfa m’aniwam awia ne anadwo, na mma ennnyae,+ efisɛ me man babea, ɔbaabun no, ahwe ase kɛse abubu,+ na n’apirakuru nni sabea koraa.+ 18  Sɛ mekɔ afuw mu a, hwɛ, wɔn a wɔatotɔ nkrante ano ni!+ Meba kurow mu nso a, hwɛ, nnipa a ɔkɔm abɔ wɔn yare ni!+ Adiyifo ne asɔfo nyinaa akyinkyin kɔ asase a wonnim so so.’”+ 19  Enti woapo Yuda koraa?+ Anaa wo kra kyi Sion?+ Dɛn nti na woabɔ yɛn na yennya ayaresa yi?+ Yɛhwɛɛ asomdwoe kwan, nanso adepa bi amma; yɛhwɛɛ ayaresa kwan, nanso hwɛ! ahude na ɛbae!+ 20  O Yehowa, yɛagye yɛn mfomso atom, amumɔyɛ a yɛn agyanom yɛe no;+ yɛayɛ wo bɔne.+ 21  Wo din nti, mmu yɛn animtiaa;+ mmu w’anuonyam ahengua no animtiaa.+ Kae; mmu apam a wo ne yɛn ayɛ no so.+ 22  Amanaman no abosonhuhuw+ no bi betumi atɔ osu? Na ɔsoro ankasa betumi ama asusow atue?+ O Yehowa yɛn Nyankopɔn, ɛnyɛ wo anaa?+ Wone yɛn anidaso, efisɛ wo na woayɛ eyinom nyinaa.+

Ase Hɔ Nsɛm