Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Yeremia 13:1-27

13  Nea Yehowa aka akyerɛ me ni: “Kɔ na kɔpɛ nwera abɔso, na fa bɔ w’asen, nso mfa nka nsu.”  Ɛnna midii Yehowa asɛm no so kɔpɛɛ abɔso, na mede bɔɔ m’asen.  Na Yehowa asɛm baa me nkyɛn ne mprenu so sɛ:  “Fa abɔso a wunyae a ɛbɔ w’asen no, na sɔre kɔ Eufrate+ ho fa kohintaw ɔbotan tokuru mu.”  Enti mekɔe, na mede kohintaw Eufrate ho sɛnea Yehowa hyɛɛ me no.  Na nna pii akyi no, Yehowa ka kyerɛɛ me sɛ: “Sɔre kɔ Eufrate ho, na kɔfa abɔso a mehyɛɛ wo sɛ fa kohintaw hɔ no bra.”  Ɛnna mekɔɔ Eufrate ho kotutu yii abɔso no fii baabi a mede kohintawee no, na hwɛ! na abɔso no asɛe a wɔde yɛ hwee a ɛnyɛ yiye.  Ɛnna Yehowa asɛm baa me nkyɛn sɛ:  “Nea Yehowa aka ni, ‘Saa na mɛsɛe Yuda ahantan+ ne Yerusalem ahantan dodow no. 10  Saa ɔman bɔne a wɔmpɛ sɛ wotie me nsɛm yi,+ wɔnam wɔn koma atuatew+ mu akodi anyame foforo akyi sɛ wɔbɛsom wɔn akotow wɔn.+ Wɔn nso bɛyɛ sɛ abɔso a wɔde yɛ hwee a ɛnyɛ yiye yi.’ 11  ‘Sɛnea onipa bɔ abɔso ma ɛfam n’asen no, saa na mede Israel fie nyinaa ne Yuda fie nyinaa fam me ho,’+ Yehowa asɛm ni, ‘sɛ wɔnyɛ me man+ ne m’anuonyam din+ ne m’ayeyi ne m’ahoɔfɛ, nanso wɔantie.’+ 12  “Na ka asɛm yi kyerɛ wɔn sɛ, ‘Nea Yehowa, Israel Nyankopɔn aka ni: “Ahina de, wɔde nsã na ɛhyɛ no mã.”’+ Na wɔn nso bɛka akyerɛ wo sɛ, ‘Yɛn de, yennim sɛ nsã na wɔde hyɛ ahina mã anaa?’ 13  Afei ka kyerɛ wɔn sɛ, ‘Nea Yehowa aka ni: “Hwɛ, asase yi sofo nyinaa ne ahene a wɔte Dawid agua+ so ne asɔfo ne adiyifo ne Yerusalemfo nyinaa, mɛma wɔabobow titãã.+ 14  Agyanom ne mma, mɛkeka wɔn nyinaa ti abobom,”+ Yehowa asɛm ni. “Me yam renhyehye me, na ɛrenyɛ me awerɛhow, na merenhu mmɔbɔ sɛ meresɛe wɔn.”’+ 15  “Muntie na monyɛ aso. Monnyɛ ahantan,+ na Yehowa na wakasa.+ 16  Monhyɛ Yehowa mo Nyankopɔn anuonyam+ ansa na wama esum aba,+ ansa na mo nan apempem mu wɔ mmepɔw so adesae.+ Na mobɛhwɛ hann kwan,+ nanso ɔbɛma adan sunsuma;+ ɔbɛdan no esum kabii.+ 17  Sɛ moantie a,+ mo ahantan no nti, me kra besu ahintawee mu na atew nusu;+ Yehowa nguankuw a wɔafa wɔn nnommum nti,+ nusu bɛsen afi m’aniwam. 18  “Ka kyerɛ ɔhene ne ɔhemmaa sɛ,+ ‘Montena fam,+ efisɛ mo abotiri fɛfɛ no befi mo ti atɔ fam.’+ 19  Wɔatoto anafo nkurow mu, na obiara nni hɔ a obebue. Wɔde Yuda nyinaa kɔ nkoasom mu. Wɔde wɔn kɔ nkoasom mu korakora.+ 20  “Ma w’ani so na hwɛ wɔn a wofi atifi fam reba no.+ Nguankuw a wɔde maa wo no, wo nguankuw fɛfɛ no, ɛhe na wɔwɔ?+ 21  Sɛ wɔn a mfiase no wo ne wɔn dii atirimsɛm, na wokyerɛkyerɛɛ wɔn no dan ba wo so a,+ dɛn na wobɛka?+ Anka awoko yaw renkyere wo sɛ ɔbea a awo aka no anaa?+ 22  Na sɛ woka wo komam sɛ,+ ‘Dɛn nti na eyi nyinaa aba me so?’+ a, hu sɛ wo bɔne dodow nti na wɔapa wo ho ntama;+ ɛno nti na wɔahyɛ wo nantin brɛ no. 23  “Kusni+ betumi asesa ne honam? Ɔsebɔ nso betumi asesa ne ho nworanworan no?+ Ɛnde anka mo nso mubetumi ayɛ papa, mo a wɔakyerɛkyerɛ mo bɔneyɛ no.+ 24  Enti mɛbɔ wɔn ahwete+ sɛ ntɛtɛwa a sare so mframa huw kɔ.+ 25  Wo kyɛfa ni, wo kyɛfa a masusuw ama wo,”+ Yehowa asɛm ni, “efisɛ wo werɛ afi me,+ na nkontompo na wode wo ho ato so.+ 26  Enti meyi wo ntama abua w’anim, na wɔahu w’animguase:+ 27  w’awaresɛe+ ne wo nteɛm,+ w’ahohwi ne w’aguamammɔ. Nkoko so ne wuram nyinaa, mahu w’atantanne no.+ O Yerusalem, due! Wo ho ntumi ntew+—ɛbɛkɔ so akosi da bɛn?”+

Ase Hɔ Nsɛm