Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Tito 3:1-15

3  Kɔ so kae wɔn sɛ wɔmmrɛ wɔn ho ase+ nyɛ osetie mma nniso ne tumi horow,+ na wonsiesie wɔn ho mma adwuma pa+ biara,  wɔnnka obiara ho asɛmmɔne, wɔnnyɛ ntɔkwapɛfo;+ wɔnyɛ nnipa a wɔte asɛm ase,+ na wonnwo koraa mma nnipa nyinaa.+  Efisɛ yɛn nso bere bi a atwam no na yenni adwene, na yɛn aso yɛ den, na yɛayera; akɔnnɔ ne anigyede de yɛn yɛɛ nkoa, na yɛtenaa nnebɔne ne anibere mu, yɛɛ nneɛma a ɛyɛ abofono, na yɛtentan yɛn ho.+  Nanso bere a yɛn Agyenkwa+ Nyankopɔn ayamye+ ne ɔdɔ a ɔwɔ ma nnipa daa adi+  a ennyina trenee nnwuma+ a yɛyɛe so+ na mmom egyina ne mmɔborɔhunu so+ no, ɔnam aguare+ a ɛde yɛn baa nkwa+ mu ne honhom kronkron+ a ɛyɛɛ yɛn foforo no so gyee yɛn nkwa.  Saa honhom no na ɔnam yɛn Agyenkwa Yesu Kristo so hwie guu yɛn so ma ebuu so,+  sɛnea ɛbɛyɛ a sɛ wɔnam n’adom+ so bu yɛn bem+ a, yɛbɛyɛ adedifo+ sɛnea daa nkwa+ anidaso no kyerɛ no.  Nsɛm no yɛ nokware,+ na eyinom na mepɛ sɛ wokɔ so hyɛ mu den sɛnea ɛbɛyɛ a wɔn a wɔagye Onyankopɔn adi no de wɔn adwene besi nnwuma pa so na wɔakɔ so ayɛ.+ Eyinom ne nneɛma a eye na ɛso wɔ mfaso ma nnipa.  Nanso twe wo ho fi akyinnyegye a nyansa nnim+ ne abusua santen+ ho nsɛm ne ntawntawdi+ ne Mmara+ ho ntɔkwaw ho, efisɛ mfaso biara nni so, na ɛyɛ adehunu. 10  Na obi a ɔkyerɛkyerɛ atosɛm+ de, bere a woatu no fo+ nea edi kan ne ne mprenu so no, po no;+ 11  hu sɛ onipa a ɔte saa no afom kwan na ɔreyɛ bɔne, na wabu ne ho fɔ.+ 12  Sɛ mesoma Artema anaa Tihiko+ ba wo nkyɛn a, bɔ mmɔden bra me nkyɛn wɔ Nikopoli, na ɛhɔ na mabɔ me tirim sɛ mɛtena awɔw bere+ no mu. 13  Hwɛ na ma Sena a ne ho akokwaw Mmara no mu no ne Apolo nea wohia ma wɔn akwantu no, na biribiara anhia wɔn.+ 14  Na ma yɛn nkurɔfo no nso nsua sɛ wobekura nnwuma pa mu na wɔde adi nneɛma a ehia denneennen ho dwuma,+ na wɔanyɛ nnipa a wɔnsow aba.+ 15  Wɔn a wɔwɔ me nkyɛn nyinaa kyiakyia wo.+ Kyiakyia wɔn a wɔdɔ yɛn wɔ gyidi mu no ma me. Adom nka mo+ nyinaa.

Ase Hɔ Nsɛm