Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Sefania 1:1-18

1  Yehowa asɛm a ɔka kyerɛɛ Sefania a ɔyɛ Kusi ba Gedalia ba Amaria ba Hesekia ba ni. Amon+ ba Yosia+ a ɔyɛ Yuda hene no bere so na ɔkaa eyi kyerɛɛ no sɛ:  “Mɛsɛe biribiara afi asase so,” Yehowa anom asɛm ni.+  “Mɛsɛe onipa ne aboa.+ Mɛsɛe wim nnomaa ne po mu mpataa+ ne hintidua ne nnebɔneyɛfo+ nyinaa. Na metwa adesamma afi asase so,”+ Yehowa anom asɛm ni.  “Mɛteɛ me nsa wɔ Yuda ne Yerusalemfo nyinaa so,+ na metwa Baal+ nkaefo ne akɔmfo ne asɔfo din afi ha,+  ne wɔn a wɔkɔ adan atifi kɔkotow ɔsoro asafo,+ ne wɔn a wɔbɔ wɔn mu ase+ ka Yehowa+ ne Malkam+ ntam;  ne wɔn a wɔatwe wɔn ho afi Yehowa ho,+ ne wɔn a wɔnhwehwɛ Yehowa na wommisa n’ase nyinaa.”+  Monyɛ komm wɔ Awurade Tumfoɔ Yehowa anim;+ Yehowa da no abɛn,+ Yehowa asiesie n’afɔre,+ na watew+ wɔn a wafrɛ wɔn no ho.  “Sɛ da a Yehowa bɛbɔ afɔre no du a, mɛma m’ani asã mmakoma ne ahenemma,+ ne wɔn a wɔhyɛ ananafo atade+ nyinaa.  Saa da no, mɛma m’ani asã obiara a ɔforo bamma* ne wɔn a wɔde basabasayɛ ne nnaadaasɛm+ hyɛ wɔn wuranom afie mã no. 10  Saa da no,” Yehowa asɛm ni, “wɔbɛte osu dennen afi Mpataa Pon+ no ano, ne agyaadwo afi kurow no fã a ɛto so abien+ no mu, ne ɔsɛe kɛse afi nkoko so.+ 11  Maktesfo, muntwa adwo,+ efisɛ wɔama aguadifo nyinaa ayɛ komm,+ na wɔatwa wɔn a wɔkari dwetɛ nyinaa afi hɔ. 12  “Saa bere no, mede akanea bɛhwehwɛ Yerusalem baabiara,+ na mɛma m’ani asã wɔn a wɔada te sɛ nsã a ne puw ada ase,+ ne wɔn a wɔka wɔ wɔn komam sɛ, ‘Yehowa renyɛ papa, na ɔrenyɛ bɔne’+ no. 13  Nkurɔfo bɛfa wɔn ahode na wɔn afie adan afituw.+ Wobesisi adan nanso wɔrentena mu;+ wɔbɛyeyɛ bobe nturo nanso wɔrennom mu nsã.+ 14  “Yehowa da kɛse no+ abɛn.+ Abɛn na ɛrepere pɛ ntɛm.+ Yehowa da no de nne a ɛyɛ nwene+ reba. Ɛhɔ na ɔkwabran bɛteɛm asu.+ 15  Saa da no yɛ abufuhyew da, ahohia ne ahoyeraw da,+ ahum ne amamfoyɛ da, esum ne kusuuyɛ da,+ omununkum ne esum kabii da, 16  abɛnhyɛn ne nteɛteɛm da,+ na ɛbɛba nkurow a ɛyɛ den ne aban atenten+ so. 17  Mɛma nnipa ho ahiahia wɔn na wɔanantew sɛ anifuraefo,+ efisɛ Yehowa na wɔayɛ no bɔne.+ Na wobehwie wɔn mogya agu te sɛ mfutuma+ na wɔn nsono ayɛ sɛ sumina.+ 18  Na wɔn dwetɛ ne wɔn sika rentumi nnye wɔn Yehowa abufuw da no,+ na n’anibere gya mu na asase no nyinaa bɛhyew+ na ɔde ɔsɛe a ɛyɛ hu atɔre asase no sofo nyinaa ase.”+

Ase Hɔ Nsɛm

Ebetumi akyerɛ pato, anaa ɔdampan. Ebia baabi a ɔhene agua si.