Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Rut 4:1-22

4  Na Boas kɔtenaa kurow no pon ano.+ Boas bɛhwɛ a, abusua mu ogyefo a ɔkaa ne ho asɛm no+ na ɔretwam yi. Ɛnna ɔfrɛɛ no sɛ: “Asiamasi ee, man bra ha bɛtena ase.” Enti ɔman kɔtenaa ase.  Afei ɔfrɛɛ kurow no mu mpanyimfo+ du bae, na ɔkae sɛ: “Montena ase.” Na wɔtenatenaa ase.  Ɛnna ɔka kyerɛɛ ogyefo+ no sɛ: “Naomi a ofi Moab asase so+ bae no retɔn yɛn nua Elimelek+ asase no.  Mayɛ m’adwene sɛ mɛbɔ wo amanneɛ sɛ, ‘Tɔ+ wɔ kurom hafo ne me man mpanyimfo yi anim.+ Enti sɛ wubegye a, gye; na sɛ worennye nso a, ka kyerɛ me ma minhu, efisɛ obiara nni hɔ a obetumi agye sɛ wo,+ na sɛ wunni hɔ a, me na mewɔ hɔ.’” Na ɔkae sɛ: “Megye.”+  Ɛnna Boas kae sɛ: “Da a wobɛtɔ asase no afi Naomi nsam no, ɛkyerɛ sɛ woatɔ afi Moabni Rut a ne kunu awu no nso nsam, na ama owufo no din aba n’agyapade so.”+  Ɛnna ogyefo no kae sɛ: “Merentumi nnye na mansɛe m’ankasa m’agyapade. Kogye, mama wo kwan sɛ gye efisɛ merentumi nnye.”  Saa bere no sɛ wɔregye biribi anaa wɔredan biribi ama obi wɔ Israel a, nea na wɔyɛ de hyɛ mu den ni: Ná onipa no yi ne mpaboa+ de ma ne yɔnko no, na eyi na na wɔde yɛ adanse wɔ Israel.  Enti bere a ogyefo no ka kyerɛɛ Boas sɛ: “Tɔ” no, oyii ne mpaboa.+  Ɛnna Boas ka kyerɛɛ mpanyimfo no ne nkurɔfo no nyinaa sɛ: “Mone adansefo+ nnɛ sɛ matɔ biribiara a ɛyɛ Elimelek ne Kilion ne Malon de afi Naomi nsam. 10  Na Moabni Rut, Malon yere nso, meretua ne ho ka aware no na owufo no din+ aba n’agyapade so, na owufo no din anyera amfi ne nuanom mu ne ne kurow pon ano. Mone adansefo+ nnɛ.” 11  Ɛnna nkurɔfo a wɔwɔ kurow no pon ano ne mpanyimfo no nyinaa kae sɛ: “Yɛyɛ adansefo! Yehowa mma ɔbea a ɔreba wo fie no nyɛ sɛ Rahel+ ne Lea+ a wɔn baanu akyekye Israel fie+ no; yɛ onipa a odi mu wɔ Efrata+ na nya din pa wɔ Betlehem.+ 12  Na asefo a Yehowa de bɛma wo afi ababaa+ yi mu no mma wo fie nyɛ sɛ Peres a Tamar woo no maa Yuda+ no fie.” 13  Ɛnna Boas waree Rut, na ɔkɔɔ ne ho. Na Yehowa ma onyinsɛnee+ na ɔwoo ɔbabarima. 14  Na mmea no ka kyerɛɛ+ Naomi sɛ: “Nhyira nka Yehowa+ a wamma ogyefo ammɔ wo nnɛ no; ma wɔmmɔ ne din wɔ Israel. 15  Ɔno na wama wo kra ho asan no, na ɔno na wawowaw wo wɔ wo mmerewabere mu,+ efisɛ wo sew a ɔdɔ wo,+ na ɔsen mmabarima baason+ no na wawo abofra yi.” 16  Ɛnna Naomi faa abofra no de no bɔɔ ne bo, na ɔno na na ɔhwɛ no. 17  Na mpɔtam hɔfo mmea+ no too no din kae sɛ: “Wɔawo ɔbabarima ama Naomi.” Na wɔfrɛɛ no Obed.+ Ɔno na ɔwoo Dawid papa Yese.+ 18  Peres+ awo ntoatoaso ni: Peres woo Hesron;+ 19  na Hesron woo Ram; na Ram+ woo Aminadab; 20  na Aminadab+ woo Naason;+ na Naason woo Salmon; 21  na Salmon+ woo Boas; na Boas+ woo Obed; 22  na Obed woo Yese;+ na Yese woo Dawid.+

Ase Hɔ Nsɛm