Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Romafo 5:1-21

5  Enti, afei a wofi gyidi mu abu yɛn bem+ yi, momma yɛne Onyankopɔn nnya asomdwoe+ denam yɛn Awurade Yesu Kristo so,  nea yɛnam ne so nso de gyidi anya adom a yegyina mu seesei yi mu kwan+ no; na momma yenni ahurusi wɔ Onyankopɔn anuonyam ho anidaso+ no mu.  Na ɛnyɛ ɛno nko, na mmom momma yenni ahurusi bere a yɛwɔ ahohia mu,+ efisɛ yenim sɛ ahohia de boasetɔ ba;+  boasetɔ nso de anisɔ ba;+ anisɔ nso de anidaso ba,+  na anidaso no nni huammɔ;+ efisɛ wɔnam honhom kronkron+ a wɔde ama yɛn no so ahwie Onyankopɔn dɔ+ agu yɛn koma mu.+  Nokwarem no, bere a yɛda so yɛ mmerɛw+ no, Kristo wu maa amumɔyɛfo wɔ bere a wɔahyɛ no mu.+  Na ɛbɛyɛ den sɛ obi bewu ama onipa trenee;+ ɛwom, ebia onipa pa+ de, obi besi ne bo sɛ obewu ama no.+  Nanso Onyankopɔn yi ne dɔ+ a ɔdɔ yɛn no kyerɛ, efisɛ yɛda so yɛ nnebɔneyɛfo no, Kristo wu maa yɛn.+  Enti nea ɛkyɛn saa no, esiane sɛ afei wɔnam ne mogya so abu yɛn bem+ nti na wɔnam ne so begye yɛn afi abufuw mu.+ 10  Na sɛ bere a na yɛyɛ atamfo+ no wɔnam ne Ba no wu so pataa yɛne Onyankopɔn ntam+ a, nea ɛsen saa no, afei a wɔapata yɛne ne ntam yi, wɔnam ne nkwa so begye yɛn.+ 11  Na ɛnyɛ ɛno nko, na mmom yɛnam yɛn Awurade Yesu Kristo a yɛafa no so anya mpata+ no so di Onyankopɔn mu ahurusi nso. 12  Ɛno nti ɛnam onipa biako+ so na bɔne baa wiase, na owu+ nam bɔne so bae, ma owu trɛw kaa nnipa nyinaa, efisɛ wɔn nyinaa ayɛ+ bɔne. 13  Ansa na Mmara no reba no, na bɔne wɔ wiase, nanso sɛ mmara nni hɔ a, wommu obiara fɔ wɔ bɔne ho.+ 14  Nanso owu dii hene fii Adam so besii Mose so,+ na edii wɔn a wɔanyɛ bɔne te sɛ Adam,+ a na ɔsɛ nea ɔbɛba no,+ mmarato no mpo so. 15  Na ɛnyɛ sɛnea mfomso no te no na akyɛde no nso te, efisɛ sɛ obiakofo bɔne nti na nnipa bebree wui a, ɛnde Onyankopɔn adom ne n’akyɛde abu so akyɛn so ama nnipa bebree. Na wɔde akyɛde yi ne adom no nam onipa biako,+ Yesu Kristo, so ama.+ 16  Afei nso ɛnyɛ sɛnea nneɛma nam onipa biako a ɔyɛɛ bɔne so bae no+ na akyɛde+ no nso te. Na bɔne biako a ɛde atemmu+ bae no kowiee afobu+ mu, nanso akyɛde a edii bɔne pii akyi no kowiee bembu mu.+ 17  Na sɛ onipa biako no bɔne+ na ɛmaa owu nam no so dii hene+ a, ɛnde nea ɛsen saa no, wɔn a wonya adom+ ne trenee akyɛde+ boro so no nam obiakofo no, Yesu Kristo,+ so bedi hene+ wɔ nkwa mu. 18  Enti afei, sɛnea bɔne biako de afobu baa nnipa ahorow nyinaa so no,+ saa ara na adetrenee biako+ ma wobu nnipa ahorow nyinaa+ bem ma nkwa.+ 19  Na sɛnea onipa biako no asoɔden maa nnipa bebree+ bɛyɛɛ abɔnefo no, saa ara na obiakofo no setie+ bɛma nnipa bebree+ ayɛ treneefo.+ 20  Afei Mmara+ no bɛkaa ho na bɔne adɔɔso.+ Nanso bere a bɔne+ dɔɔso no, adom+ dɔɔso boroo so. 21  Atirimpɔw bɛn ntia? Nea ɛbɛyɛ a sɛnea bɔne ne owu dii hene+ no, adom+ nso nam trenee so bedi hene, na ɛnam yɛn Awurade Yesu Kristo so akowie daa nkwa+ mu.

Ase Hɔ Nsɛm