Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Romafo 4:1-25

4  Sɛ saa na ɛte a, dɛn na yɛbɛka afa yɛn honam fam agya Abraham+ ho?  Sɛ nhwɛso no, sɛ efi nnwuma mu na wobuu Abraham bem+ a, anka obenya nea ɔde bɛhoahoa ne ho; nanso ɛrenyɛ Onyankopɔn fam.  Na dɛn na kyerɛwsɛm no ka? “Abraham gyee Yehowa dii, na wobuu no trenee maa no.”+  Afei nea ɔyɛ nnwuma+ no, wommu n’akatua sɛ adom,+ na mmom sɛ ɛka a wɔde no.+  Nanso nea ɔnyɛ nnwuma na mmom ogye nea obu ɔdebɔneyɛfo bem di+ no, wobu ne gyidi sɛ adetrenee+ ma no.  Saa na Dawid nso ka anigye a obi nya bere a Onyankopɔn bu no ɔtreneeni a ennyina nnwuma so no ho asɛm sɛ:  “Anigye ne wɔn a wɔde wɔn mmarato afiri wɔn+ na wɔakata wɔn bɔne so;+  anigye ne onipa a Yehowa mmu ne bɔne ngu no so.”+  Ɛnde so anigye yi ba twetiafo nkutoo anaa momonotofo nso so?+ Efisɛ yɛka sɛ: “Wobuu Abraham gyidi sɛ trenee maa no.”+ 10  Ɛnde tebea bɛn mu na wobuu no saa? Bere a ɔwɔ twetiatwa mu anaa momonotoyɛ mu no?+ Ɛnyɛ twetiatwa mu, na mmom momonotoyɛ mu. 11  Na onyaa sɛnkyerɛnne+ a ɛne twetiatwa sɛ nsɔano maa ne trenee a egyina gyidi a onyae wɔ ne momonoto mu no so, na wayɛ momonotofo a wɔwɔ gyidi+ nyinaa agya+ na wɔabu wɔn treneefo; 12  na wayɛ agya ama asefo a wɔatwa wɔn twetia, a ɛnyɛ wɔn a wɔbata twetiatwa ho nko, na mmom wɔn a wɔnantew pɛpɛɛpɛ di saa gyidi no anammɔn akyi wɔ momonotoyɛ mu sɛnea na yɛn agya+ Abraham te no nso. 13  Na ɛnyɛ mmara so na Abraham anaa n’aseni nam nyaa bɔhyɛ+ sɛ obenya wiase bi sɛ agyapade, na mmom ɛnam trenee a efi gyidi mu so.+ 14  Na sɛ wɔn a wɔbata mmara ho no yɛ adedifo a, ɛnde na gyidi adan adehunu, na wɔagu bɔhyɛ+ no. 15  Nokwarem no, Mmara no de abufuw ba,+ nanso nea mmara nni no, mmarato biara nso nni hɔ.+ 16  Ne saa nti efi gyidi mu, sɛnea ɛbɛyɛ a ebegyina adom+ so, na ama bɔhyɛ+ no atim ama n’asefo+ nyinaa, ɛnyɛ nea ɔbata mmara ho nko, na mmom nea ɔbata Abraham gyidi ho nso. (Ɔyɛ yɛn nyinaa agya,+ 17  sɛnea wɔakyerɛw sɛ: “Mapaw wo sɛ aman bebree agya.”)+ Eyi sii Nea onyaa ne mu gyidi, Onyankopɔn a onyan awufo+ na ɔfrɛ nneɛma a ɛmmae sɛ nneɛma a ɛwɔ hɔ,+ no anim. 18  Ɛwom sɛ na anidaso nni hɔ de, nanso ogyinaa anidaso so gye dii,+ na wayɛ aman bebree agya+ sɛnea wɔkae sɛ: “Saa ara na w’asefo bɛyɛ”+ no. 19  Na ɛwom sɛ ne gyidi anyɛ mmerɛw de, nanso osusuw n’ankasa nipadua a na agow+ dedaw no ho, efisɛ na wadi bɛyɛ mfirihyia ɔha,+ ɛne Sara yafunu nso a na awu+ no. 20  Nanso Onyankopɔn bɔhyɛ+ nti, gyidi a onni amma wannye kyim,+ na mmom ne gyidi ma onyaa ahoɔden,+ na ɔhyɛɛ Onyankopɔn anuonyam, 21  a na ogye di yiye sɛ nea wahyɛ ho bɔ no, obetumi ayɛ+ nso. 22  Enti “wobuu no trenee maa no.”+ 23  Nanso ɛnyɛ ne nkutoo nti na wɔkyerɛwee+ sɛ “wobuu+ no saa maa no,” 24  na mmom yɛn a etwa sɛ wobu no saa ma yɛn no nso, efisɛ yegye nea onyan yɛn Awurade Yesu fii awufo mu no di.+ 25  Yɛn mfomso nti na woyii no mae,+ na yɛn bembu nti na wonyan no.+

Ase Hɔ Nsɛm