Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Romafo 12:1-21

12  Enti anuanom, menam Onyankopɔn mmɔborɔhunu so srɛ mo sɛ momfa mo nipadua mma+ sɛ afɔrebɔde+ a ɛte ase+ a ɛyɛ kronkron+ na ɛsɔ Onyankopɔn ani,+ ɔsom kronn+ a adwene wom.+  Na mommfa wiase nhyehyɛe yi su,+ na mmom munnya adwensakra mfa nyɛ mo ho foforo,+ na moasɔ ahwɛ+ ahu Onyankopɔn pɛ a eye na ɛsɔ ani na edi mũ.+  Na menam adom a wɔde ama me no so ka kyerɛ mo mu biara sɛ ommmu ne ho nntra nea ɛsɛ;+ na mmom onnwen nnya anidahɔ adwene,+ sɛnea Onyankopɔn asusuw+ gyidi+ akyekyɛ ama obiara no.  Na sɛnea yɛwɔ akwaa bebree wɔ nipadua koro mu,+ na akwaa no nyinaa nni dwuma koro no,  saa ara na yɛn nso, ɛwom sɛ yɛdɔɔso de, nanso yɛyɛ nipadua koro+ wɔ Kristo mu, na yɛyeyɛ yɛn ho yɛn ho akwaa.+  Ɛnde esiane sɛ ɛsonsono yɛn akyɛde+ sɛnea adom+ a wɔde adom yɛn te nti, sɛ ɛyɛ nkɔmhyɛ a, momma yɛnhyɛ nkɔm sɛnea gyidi a wɔasusuw ama yɛn no te;  anaa sɛ ɛyɛ ɔsom adwuma a, momma yɛntena ɔsom adwuma no mu;+ anaa nea ɔkyerɛkyerɛ+ no, ma ɔntena ne nkyerɛkyerɛ no mu;+  anaa nea otu fo no, ma ɔntena n’afotu mu;+ nea ɔkyekyɛ nneɛma no, onyi ne yam nyɛ;+ nea ɔyɛ ɔhwɛfo+ no, ɔmfa mmɔdenbɔ nyɛ; nea ohu mmɔbɔ+ no, ɔnyɛ no anigye so.  Mommma nyaatwom+ mmma mo dɔ+ mu. Munkyi bɔne,+ mommata papa ho.+ 10  Momma mo yam nhyehye mo mma mo ho wɔ onuadɔ mu.+ Munni kan mfa nidi+ mma mo ho mo ho. 11  Monnyɛ mo adwuma anihaw so.+ Monyɛ hyew honhom mu.+ Monsom Yehowa.+ 12  Munni ahurusi anidaso no mu.+ Munnyina pintinn wɔ ahohia mu.+ Munkura mpaebɔ mu denneennen.+ 13  Momma akronkronfo nea wohia.+ Momma mo ani nnye ahɔhoyɛ ho.+ 14  Monkɔ so nhyira wɔn a wɔtaa mo;+ munhyira,+ na monnnome.+ 15  Mo ne wɔn a wodi ahurusi nni ahurusi;+ na mo ne wɔn a wosu nsu. 16  Adwene a mowɔ wɔ mo ho no, munnya saa mma afoforo;+ munnnwinnwen nneɛma akɛse ho,+ na mmom munni nneɛma a ɛba fam akyi.+ Monnyɛ mo ani so anyansafo.+ 17  Mommfa bɔne nntua obiara bɔne so ka.+ Munnwen nneɛma a ɛyɛ fɛ wɔ nnipa nyinaa ani so. 18  Sɛ ɛbɛyɛ yiye a, mo fam de, mo ne nnipa nyinaa ntena asomdwoe+ mu. 19  Adɔfo, munnni mo ho were,+ na mmom munnyaw mma Onyankopɔn abufuw;+ efisɛ wɔakyerɛw sɛ: “Aweredi wɔ me; me ara metua ka, Yehowa na ose.”+ 20  Mmom no, “sɛ ɔkɔm de wo tamfo a, ma no biribi nni; sɛ osukɔm de no a, ma no biribi nnom;+ na wonam saayɛ so bɛboaboa nnyansramma ano agu n’atifi.”+ 21  Mma bɔne nnni wo so nkonim, na mmom kɔ so fa papa di bɔne so nkonim.+

Ase Hɔ Nsɛm