Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Obadia 1:1-21

 Obadia anisoadehu: Nea Awurade Tumfoɔ Yehowa aka afa Edom ho ni:+ “Yɛate amanneɛbɔ bi afi Yehowa hɔ, na watu abɔfo kɔ amanaman no mu sɛ, ‘Monsɔre, momma yɛnsɔre ne no nkɔko.’”+  “Hwɛ, mayɛ wo ketewa wɔ amanaman no mu.+ Na wɔmfa wo nyɛ hwee koraa.+  Wo komam ahantan na adaadaa wo,+ wo a wode abotan+ ayɛ wo fie, faako a ɛhɔ korɔn, na woka wɔ wo komam sɛ, ‘Hena na ɔbɛtwe me aba asase so’?  Sɛ woma wo ho so kɔ soro sɛ ɔkɔre, anaa woyɛ wo berebuw wɔ nsoromma mfinimfini mpo a, mɛtwe wo afi hɔ aba fam,”+ Yehowa asɛm ni.  “Sɛ akorɔmfo na ɛbaa wo so, anaa adwowtwafo na wɔbaa wo so anadwo a, anka wɔbɛsɛe wo akosi he?+ Anka wɔremfa nea wɔpɛ nkutoo? Anaa sɛ wɔn a wɔtew bobe na wɔbae a, anka wɔrennyaw bi wɔ so?+  O, hwɛ sɛnea wɔatwee Esau mu!+ Wɔanunu n’akorade mu!  Wɔakogyaw wo ɔhye so tɔnn. Wɔn a wɔne wo ayɛ apam no adaadaa+ wo. Wɔn a wɔne wo te asomdwoe mu no adi wo so.+ Wɔn a wɔne wo to nsa didi no asum wo afiri sɛ obi a onni nhumu.+  So ɛnyɛ saa da no?” Yehowa asɛm ni. “Mɛsɛe Edom anyansafo+ na mayi nhumu afi Esau bepɔw so.  Ehu bɛka wo nnɔmmarima,+ O Teman,+ na wobekunkum wɔn+ na wɔatɔre wɔn nyinaa ase+ afi Esau bepɔw so. 10  Atirimɔdensɛm a wode dii wo nua Yakob nti,+ w’anim begu ase,+ na wobetwa wo afi hɔ koraa.+ 11  Da a wugyinaa nkyɛn na ahɔho faa n’asraafo nnommum+ na ananafo hyɛn ne kurow pon+ mu na wɔbɔɔ Yerusalem so ntonto+ no, woyɛe sɛ wɔn mu biako ara. 12  “Ɛnsɛ sɛ anka wode anigye hwɛ wo nua,+ n’amanehunu da; ɛnsɛ sɛ anka wudi ahurusi Yuda mma no sɛe da no;+ na ɛnsɛ sɛ anka wobae w’anom di wɔn ho fɛw, wɔn ahohia da. 13  Ɛnsɛ sɛ anka wohyɛn me manfo kurow pon mu, wɔn amanehunu da.+ Ɛnsɛ sɛ anka wode anigye hwɛ ne brɛ, n’ahohia da; na ɛnsɛ sɛ anka woteɛ wo nsa ka n’agyapade, n’amanehunu da.+ 14  Ɛnsɛ sɛ anka wugyina nkwanta so twitwa wɔn a wɔreguan no gu,+ na ɛnsɛ sɛ anka wuyi wɔn a aka no ma, ahohia da no.+ 15  Da a Yehowa bɛsɔre atia amanaman no abɛn.+ Nea woayɛ no, wɔde bi bɛyɛ wo.+ Wo nneyɛe bɛdan aba wo so.+ 16  Na sɛnea monom nsa me bepɔw kronkron so no, saa ara na amanaman no bɛkɔ so anom.+ Wɔbɛnom na wɔamene, na wɔayɛ sɛ nea wɔntenaa ase da. 17  “Na Bepɔw Sion so na wɔn a wɔreguan no bɛkɔ,+ na ɛbɛyɛ ade kronkron,+ na Yakob fie bɛfa nea ɛyɛ wɔn dea.+ 18  Yakob fie bɛyɛ ogya,+ na Yosef fie ayɛ ogyaframa, na Esau fie ayɛ sɛ sare;+ na wɔbɛhyew wɔn dwerɛbee. Na obiara remfi Esau fie nka,+ efisɛ Yehowa na waka. 19  Wɔbɛfa Negeb ne Esau bepɔw+ ne Sefela ne Filistifo nsase+ ne Efraim nsase+ ne Samaria nsase+ adi so. Na Benyamin bɛfa Gilead+ adi so. 20  Israel nnommum a wɔwɔ ban+ yi akyi no bɛfa Kanaan+ nsase akosi Sarefat.+ Na Yerusalem nnommum a wɔwɔ Sefarad no bɛfa Negeb nkurow no adi so.+ 21  “Na agyefo+ bɛba Bepɔw Sion+ so abebu Esau bepɔw no atɛn,+ na ahenni no ayɛ Yehowa dea.”+

Ase Hɔ Nsɛm