Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Nahum 1:1-15

1  Niniwe ho atemmusɛm:+ Elkosni Nahum anisoadehu nhoma:  Yehowa yɛ Onyankopɔn a ɔmpɛ sɛ ɔne obi bɛkyɛ ne som,+ na ɔyɛ ɔweredifo; Yehowa tua bɔne so ka+ na abufuw ahyɛ no mã.+ Yehowa tua wɔn a wɔne no di asi ka na n’ani sã n’atamfo.+  Yehowa bo kyɛ fuw+ na ne tumi so,+ na Yehowa remfa asotwe nkame nea ɛsɛ no.+ Kyinhyia mframa ne ahum mu na ne kwan wɔ, na omununkum yɛ ne nan ase mfutuma.+  Ɔka po anim+ ma ɛyow; ɔma nsubɔnten nyinaa yow wosee.+ Basan ne Karmel atwintwam+ na Lebanon nhwiren nso atwintwam.  Ɔno nti mmepɔw wosow, na nkoko nan.+ Asase behu n’anim abɔ birim, wiase ne emufo nyinaa.+  Hena na obetumi agyina n’abufuw anim?+ Na hena na obetumi asɔre atia n’abufuhyew?+ N’abufuw behwie sɛ ogya,+ na ne nti abotan bedwiriw agu.  Yehowa ye,+ na ɔyɛ abannennen+ wɔ ahohia bere mu.+ Na onim wɔn a woguan toa no.+  Ɔbɛma nsu ayiri ahohoro ne tenabea koraa,+ na esum betiw n’atamfo.+  Dɛn na mubedwen atia Yehowa?+ Ɔresɛe ade korakora. Ahohia rensɔre ne mprenu so.+ 10  Sɛ wɔanwene wɔn sɛ nsɔe+ na wɔayɛ twann sɛ nea nsã+ abobow wɔn mpo a, wɔbɛhyew korakora te sɛ buronan a awo wosee.+ 11  Nea odwen Yehowa ho adwemmɔne+ ne nea ɔbɔ pɔw bɔne+ nyinaa befi wo mu afi. 12  Nea Yehowa aka ni: “Sɛ wɔyɛ pirimpirim na wɔdɔɔso mpo a, wobetwitwa wɔn agu+ na wɔatwam akɔ. Na mɛma mo ho ahiahia mo, na ɛno akyi no, ɛremma sɛ mɛma mo ho ahiahia mo bio.+ 13  Ne kɔndua a ɛda wo so no,+ mebu mu, na matew ahama a ɛkyekyere wo no mu abien.+ 14  Wo ho asɛm a Yehowa ahyɛ ni, ‘Wɔrennua wo din bio.+ Mebubu ahoni a wɔasen ne nea wɔagu afi w’abosomfie.+ Mɛyɛ ɔdamoa ama wo,+ efisɛ mfaso biara nni wo so.’ 15  “Hwɛ, nea ɔde asɛmpa ba, nea ɔka asomdwoesɛm, no nan wɔ mmepɔw so.+ Yuda, di w’afahyɛ.+ Bɔ a woahyɛ no, tua,+ efisɛ ohuhuni biara rentwam mfa wo mu bio.+ Wobetwa no afi hɔ koraa.”+

Ase Hɔ Nsɛm