Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mika 7:1-20

7  Asɛm ato me,+ efisɛ me tebea ayɛ sɛ bere a wɔatew ahohuru bere mu nnuaba na wɔasesaw bobe ase nkae,+ nanso bobe a medi ne borɔdɔma a edi kan a me kra kɔn dɔ nyinaa abɔ me!+  Ɔnokwafo ayera afi asase so, na adesamma mu nea ɔteɛ biara nni hɔ.+ Wɔn nyinaa kɔtɛw sɛ wobehwie mogya agu.+ Obiara kura asau a ɔrehwehwɛ ne nua ayi no.+  Wɔn nsa gu bɔne so pɛ sɛ wɔyɛ no frenkyemm.+ Mpanyimfo bisa ade, na atemmufo gye akatua na wɔabu atɛn,+ na atitiriw ka nea wɔn kra kɔn dɔ.+ Enti wɔka wɔn ti pam ho bɔ pɔw.  Wɔn mu nipa pa te sɛ ohwirom, wɔn mu nea ɔteɛ mpo sen nsɔe ban.+ W’awɛmfo da, bere a wubebu akontaa no, bɛba.+ Afei wɔn ani so bɛyɛ krakra.+  Munnnye adamfo nnni. Na mommfa mo werɛ nnhyɛ ɔyɔnko berɛbo mu.+ Ɔbea a ɔda wo kokom mpo no, hwɛ w’ano yiye wɔ ne ho.+  Na ɔbabanin bu ne papa animtiaa, ɔbabea sɔre tia ne maame,+ asew sɔre tia n’asebea.+ Obi fiefo yɛ n’atamfo.+  Nanso me de, Yehowa ara na mehwɛ no.+ Mede ntoboase bɛtwɛn me nkwagye Nyankopɔn no.+ Me Nyankopɔn betie me.+  Ɔbea, me tamfo, nni ahurusi wɔ me ho.+ Mahwe ase de, nanso mɛsɔre;+ mete sum mu de,+ nanso Yehowa bɛyɛ me hann.+  Mayɛ Yehowa bɔne,+ enti mɛsoa n’abufuw akosi sɛ obedi m’asɛm ama me na wabu atɛn ama me.+ Ɔde me bɛba hann mu ama mahu ne trenee.+ 10  Me tamfo behu, na nea obisaa me sɛ, “Wo Nyankopɔn Yehowa no wɔ he?”+ no ani bewu pɔtɔɔ.+ Mede m’ani bɛhwɛ no hãã.+ Afei wobetiatia no so te sɛ kwan so atɛkyɛ.+ 11  Da a wɔbɛto wo fasu no, ahyɛde no bɛkɔ akyirikyiri.+ 12  Saa da no wobefi Asiria ne Egypt nkurow mu aba wo nkyɛn, na wobefi Egypt akosi asubɔnten kɛse no ano,+ po ne po ntam, bepɔw ne bepɔw ntam aba.+ 13  Na kurow no sofo ne wɔn nneyɛe nti asase no bɛdan amamfõ.+ 14  Fa wo poma hwɛ wo man,+ wo nguan a wɔyɛ w’agyapade no, wɔn a wɔn nkutoo te kwae mu, turo mfinimfini no.+ Ma wonnidi wɔ Basan ne Gilead+ te sɛ tete bere no mu.+ 15  “Mɛma wɔahu anwonwade te sɛ bere a wufi Egypt asase so reba no.+ 16  Aman pii behu na wɔn ani awu, wɔn ahoɔden nti.+ Wɔde wɔn nsa bɛto wɔn ano,+ na wɔn aso besiw. 17  Wɔbɛtaforo dɔte te sɛ ɔwɔ,+ na wɔde anibere befi wɔn aban mu aba+ te sɛ mmoa a wɔtwe wɔn ho ase. Wɔde ahopopo bɛba Yehowa yɛn Nyankopɔn anim, na wobesuro wo.”+ 18  Hena ne Onyankopɔn te sɛ wo,+ nea ɔde mfomso firi+ na oyi n’ani fi n’agyapade nkae mmarato so?+ Ɔrenkura n’abufuw mu daa, efisɛ ɔpɛ adɔe.+ 19  Ɔbɛsan ahu yɛn mmɔbɔ+ na watiatia yɛn mfomso so.+ Wobɛtow wɔn bɔne nyinaa agu po ase tɔnn.+ 20  Wobɛda wo nokwaredi adi akyerɛ Yakob na woada w’adɔe adi akyerɛ Abraham sɛnea wokaa yɛn agyanom ntam fi teteete no.+

Ase Hɔ Nsɛm