Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mika 6:1-16

6  Mesrɛ mo, muntie nea Yehowa reka.+ Monsɔre nka mo asɛm wɔ mmepɔw anim, na nkoko nte mo nne.+  Mmepɔw, nneɛma a etim hɔ daa, asase nnyinaso,+ muntie Yehowa asɛm, efisɛ Yehowa ne ne nkurɔfo anya asɛm na ɔne Israel bedi asɛm:+  “O me man,+ dɛn na mayɛ mo? Na dɛn na mede ahyɛ mo brɛ?+ Monka ɛ.+  Hwɛ, me na miyii mo fii Egypt asase so+ gyee mo fii nkoafie,+ na memaa Mose ne Aaron ne Miriam dii mo anim.+  Me man, mesrɛ mo, monkae+ nea Moab hene Balak bɔɔ ne tirim sɛ ɔbɛyɛ,+ ne mmuae a Beor ba Balaam de maa no,+ nea esii fi Sitim+ kosi Gilgal,+ na ama obiara ahu Yehowa adetrenee.”+  Dɛn na memfa mmra+ Yehowa anim? Dɛn na memfa mmɛkotow ɔsorosoroni Nyankopɔn no?+ Memfa mmoa mmɛbɔ ɔhyew afɔre+ mma no, nantwi mma a wɔadi afe afe anaa?  So Yehowa ani bɛsɔ adwennini mpempem ne ngo asuten mpem du du?+ So memfa m’abakan ntua m’atuatew ka, na memfa me yafunu mu aba mpata me kra bɔne anaa?+  Ɔdesani, waka nea eye akyerɛ wo.+ Na dɛn na Yehowa hwehwɛ fi wo hɔ? Ɛno ara ne sɛ wubedi asɛntrenee+ na woadɔ ayamye+ na woabrɛ wo ho ase+ ne wo Nyankopɔn anantew.+  Yehowa refrɛ kurow no,+ na onyansafo besuro wo din.+ Muntie abaa no ne nea ɔde mae no.+ 10  So ademude a wɔbɔɔ apoo nyae no bi da so ara wɔ ɔbɔnefo fie?+ Na susude a wɔamia ho a ɛyɛ abusude nso ɛ? 11  So nsenia bɔne ne bɔtɔwa a nkontompo nkaribo wom bɛma me ho atew anaa?+ 12  Amumɔyɛsɛm ahyɛ kurow no mu adefo mã, na emufo ka atosɛm,+ na wɔn tɛkrɛma to brada wɔ wɔn anom.+ 13  “Na me nso mɛbɔ wo ma woayare,+ na wo bɔne nti wobɛdan amamfõ.+ 14  Wubedidi nanso woremmee, na wo yafunu bɛda mpan.+ Wobɛtwe wo nneɛma nanso worentumi nkora so, na nea wobɛkora so mpo no mede bɛma nkrante.+ 15  Wubedua nanso worentwa. Wobɛboro ngo aba nanso worennya ngo nsra. Wubekyi nsã nanso worennya nsã nnom.+ 16  Omri ahyɛde+ ne Ahab fie nnwuma nyinaa na mudi akyi,+ na wɔn agyinatu mu na monantew.+ Enti mɛma mo ho ayɛ aman pii nwonwa na wɔde hwiremabɔ ahuro kurow no mufo,+ na amanaman bedi mo ho fɛw.”+

Ase Hɔ Nsɛm