Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mika 5:1-15

5  “O ɔbabea a atamfo atow ahyɛ no so, twitwa wo ho akam,+ efisɛ wɔatwa yɛn ho ahyia.+ Na wɔde abaa bɛhwe Israel temmufo asom.+  “Na wo, Betlehem Efrata,+ wo a wusua koraa sɛ wɔbɛkan wo afra Yuda mpempem mu,+ wo mu+ na mɛma obi afi abɛyɛ Israel sodifo.+ Ɔno na n’ase fi tete a enni ano.+  “Enti obeyi wɔn ama+ kosi sɛ nea awo aka no no bɛwo.+ Na ne nuanom a aka bɛsan abɛka Israelfo ho.  “Na ɔbɛsɔre agyina de Yehowa ahoɔden+ ne Yehowa, ne Nyankopɔn din kɛse no ayɛn wɔn.+ Wɔbɛtena hɔ dwoodwoo,+ na ne kɛseyɛ bedu asase ano.+  Oyi bɛyɛ asomdwoe.+ Na sɛ Asiria ba yɛn asase so betiatia yɛn aban mu a,+ yɛbɛma nguanhwɛfo baason, adesamma mu abirɛmpɔn baawɔtwe, ne no adi asi.  Na wɔde nkrante bɛyɛn Asiria asase+ ne Nimrod asase+ wɔ n’apon ano. Na sɛ Asiria ba yɛn asase so na ne nan tia yɛn hye so a, obegye yɛn afi ne nsam.+  “Na Yakob nkaefo+ no bɛyɛ aman bebree mu sɛ obosu a efi Yehowa nkyɛn,+ te sɛ osu a ɛpete gu nhabamma so+ a ɛmfa n’ani nto onipa so na ɛntwɛn ɔdesani.+  Na aman bebree behu Yakob nkaefo sɛ gyata wɔ kwae mu mmoa mu, te sɛ gyatanini wɔ nguankuw mu. Ɔno na ɔba a, otiatia wɔn so tetew wɔn mu+ a ogyefo biara nni hɔ.  Wobɛma wo nsa so wɔ w’atamfo so,+ na wɔn a wokyi wo nyinaa ase bɛhyew.”+ 10  Yehowa aka sɛ, “Saa da no, mekunkum w’apɔnkɔ asɛe wo nteaseɛnam.+ 11  Mɛsɛe w’asase so nkurow na madwiriw w’abannennen nyinaa agu.+ 12  Metu asumansɛm afi wo nsam na nkonyaayifo biara rentena wo nkyɛn bio.+ 13  Mɛsɛe w’ahoni ne w’abosom adum nyinaa, na worenkotow wo nsa ano adwuma bio.+ 14  Metutu w’abosonnua agu+ na masɛe wo nkurow. 15  Na mede anibere ne abufuhyew bɛtwe aman a wɔanyɛ osetie no aso.”+

Ase Hɔ Nsɛm