Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mika 3:1-12

3  Na mekae sɛ: “Yakob atitiriw ne Israel atumfoɔ, muntie.+ Ɛnyɛ mo na ɛsɛ sɛ muhu atɛntrenee?+  Mo a mukyi papa+ na modɔ bɔne,+ moworɔw nkurɔfo ho were na mowae wɔn nnompe ho nam.+  Mo na moawe me nkurɔfo nam,+ na moaworɔw wɔn ho were abubu wɔn nnompe mu, na moatwitwa no asinasin sɛ nnompe a wɔde agu kuku mu ne nam a egu kwansɛn mu.+  Saa bere no wobesu afrɛ Yehowa nanso ɔremmua wɔn.+ Ɔde n’anim behintaw wɔn saa bere no,+ wɔn nneyɛe bɔne nti.+  “Eyi ne asɛm a Yehowa wɔ ma adiyifo a wɔma me nkurɔfo fom kwan,+ wɔn a wɔde wɔn se keka+ na wɔteɛm ka sɛ, ‘Asomdwoe,’+ adiyifo a sɛ obi amfa biribi anhyɛ wɔn anom a, wohyira ɔko so ba ne so no:+  ‘Enti ade bɛsa mo+ na moanhu anisoade bio;+ esum bɛba mo so na moanhyɛ nkɔntoro. Owia bɛtɔ wɔ adiyifo no so na esum aduru wɔn awia ketee.+  Na adehufo+ ani bewu+ na nkɔmhyɛfo+ nsa asi fam. Wɔn nyinaa bɛkata wɔn mfemfem so,+ efisɛ wɔrennya mmuae biara mfi Onyankopɔn nkyɛn.’”+  Nanso me de, Yehowa honhom nti, tumi ne atɛntrenee ne akokoduru+ ahyɛ me mã sɛ menka Yakob atuatew nkyerɛ no na memfa Israel bɔne nsi n’anim.+  Yakob fie atitiriw ne Israel fie atumfoɔ muntie,+ mo a mukyi atɛntrenee na mokyea nea ɛteɛ biara;+ 10  mo a mode mogyahwiegu kyekye Sion na mode amumɔyɛ to Yerusalem.+ 11  Emu atitiriw gye adanmude bu atɛn,+ na emu asɔfo kyerɛkyerɛ gye akatua,+ na emu adiyifo gye sika hyɛ nkɔm;+ nanso wɔde wɔn ho to Yehowa so ka sɛ: “Ɛnyɛ Yehowa na ɔwɔ yɛn mu yi?+ Mmusu biara remma yɛn so.”+ 12  Mo nti wɔbɛfɛntɛm Sion sɛ afusase, na wobedwiriw Yerusalem asum hɔ,+ na asɔrefie bepɔw no bɛyɛ sɛ kwae mu nkoko.

Ase Hɔ Nsɛm