Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mateo 6:1-34

6  “Monhwɛ yiye na moanyɛ mo trenee+ wɔ nnipa anim sɛnea wobehu mo; anyɛ saa a morennya akatua biara mfi mo Agya a ɔwɔ soro no nkyɛn.  Enti sɛ worekɔyɛ adɔe+ a, nhyɛn torobɛnto+ nni w’anim, sɛnea nyaatwomfo no yɛ wɔ hyiadan ne mmɔnten so na ama nnipa ahyɛ wɔn anuonyam no. Nokwarem mise mo sɛ, Wɔanya wɔn akatua nyinaa awie.  Na wo de, sɛ woreyɛ adɔe a, mma wo nsa benkum nnhu nea wo nsa nifa reyɛ,  na ama w’adɔe ayɛ kokoam de; ɛno na w’Agya a ɔrehwɛ wɔ kokoam no betua wo ka.+  “Afei nso sɛ mobɔ mpae a, monnyɛ te sɛ nyaatwomfo no; efisɛ wɔpɛ sɛ wogyina+ hyiadan mu ne mmɔnten ntwea so bɔ mpae sɛnea nnipa behu wɔn.+ Nokwarem mise mo sɛ, wɔanya wɔn akatua nyinaa awie.  Nanso wo de, sɛ worebɔ mpae a, kɔ wo pia+ mu na to wo pon mu bɔ w’Agya a ɔwɔ kokoam no mpae;+ ɛno na w’Agya a ɔhwɛ kokoam no betua wo ka.  Na sɛ worebɔ mpae a, ntĩ nsɛm koro no ara mu nka no mpɛn pii+ sɛnea amanaman mufo yɛ no, wosusuw sɛ wɔn nsɛm dodow nti wobetie wɔn.  Enti monnyɛ sɛ wɔn, efisɛ mo Agya Onyankopɔn nim nneɛma a ehia+ mo koraa ansa na moabisa no.  “Enti mommɔ mpae sɛ:+ “‘Yɛn Agya a wowɔ soro, wo din+ ho ntew.+ 10  W’ahenni+ mmra. W’apɛde+ nyɛ hɔ wɔ asase+ so te sɛ ɔsoro. 11  Ma yɛn nnɛ aduan* wɔ da yi mu;+ 12  fa yɛn aka firi yɛn, sɛnea yɛn nso de afiri wɔn a wɔde yɛn aka no.+ 13  Na mfa yɛn nkɔ sɔhwɛ mu,+ na gye yɛn fi ɔbɔnefo no nsam.’+ 14  “Na sɛ mode nkurɔfo mfomso firi wɔn a, mo soro Agya nso de mo de befiri mo;+ 15  sɛ moamfa nkurɔfo mfomso amfiri wɔn a, mo Agya nso remfa mo mfomso mfiri mo.+ 16  “Sɛ moredi mmuada+ a, monnyɛ mo anim bosaa te sɛ nyaatwomfo no, efisɛ wɔyɛ wɔn anim basaa na ama nnipa ahu sɛ wɔredi mmuada.+ Nokwarem mise mo sɛ, wɔanya wɔn akatua nyinaa awie. 17  Na wo de, sɛ woredi mmuada a, sra wo tiri mu ngo na hohoro w’anim,+ 18  na nnipa anhu sɛ woredi mmuada, na mmom w’Agya a ɔwɔ kokoam no;+ ɛno na w’Agya a ɔrehwɛ wɔ kokoam no betua wo ka. 19  “Munnyae ademude+ a mohyehyɛ wɔ asase so no, baabi a nwewee ne nkannare sɛe no, na akorɔmfo bubu kowia. 20  Mmom no, monhyehyɛ mo ademude ɔsoro,+ baabi a nwewee anaa nkannare nsɛe no,+ na akorɔmfo mmubu nkowia. 21  Na baabi a w’ademude wɔ no, ɛhɔ na wo koma nso wɔ. 22  “Nipadua kanea ne aniwa.+ Enti sɛ w’aniwa hwɛ tẽẽ a, wo nipadua nyinaa bɛhyerɛn; 23  nanso sɛ w’aniwa di bɔne akyi*+ a, wo nipadua nyinaa bɛyɛ sum. Na sɛ hann a ɛwɔ wo mu no yɛ sum a, hwɛ sɛnea saa sum no bɛyɛ kɛse!+ 24  “Obiara ntumi nsom awuranom baanu; efisɛ sɛ wantan obiako na wannɔ ɔfoforo+ no a, ɔbɛbata obiako ho na wabu ɔfoforo no animtiaa. Muntumi nsom Onyankopɔn ne Ahonyade.+ 25  “Eyi nti mise mo sɛ: Munnyae sɛ mudwinnwen+ mo kra ho sɛ dɛn na mubedi anaa dɛn na mobɛnom, anaa mo nipadua ho sɛ dɛn na mobɛhyɛ.+ So ɔkra no nhia nsen aduan, na nipadua no nsen atade?+ 26  Monhwɛ ewim nnomaa;+ wongu aba na wontwa na wɔmmoaboa ano ngu asan so, nanso mo soro Agya ma wɔn aduan. So monsom bo pii nsen wɔn?+ 27  Mo mu hena na sɛ odwinnwen a obetumi de basafa biako aka ne nkwa nna ho?+ 28  Bio nso, ɛdefa atade ho no, dɛn nti na mudwinnwen? Monhwɛ wuram sukooko+ nsua biribi, sɛnea enyin; ɛnyɛ adwuma, na ɛnto asaawa; 29  nanso mise mo sɛ, Solomon+ anuonyam nyinaa akyi mpo no, wanhyehyɛ ne ho sɛ eyinom mu biako. 30  Afei sɛ Onyankopɔn hyɛ wuram afifide a ɛwɔ hɔ nnɛ na ɔkyena wɔde agu ogya mu no atade a, so ɔrenhyɛ mo atade mmoro so, mo a mo gyidi sua?+ 31  Enti munnnwinnwen+ nnka sɛ, ‘Dɛn na yebedi?’ anaasɛ, ‘Dɛn na yɛbɛnom?’ anaasɛ, ‘Dɛn na yɛbɛhyɛ?’ 32  Na eyinom nyinaa ne nneɛma a amanaman no di akyi denneennen. Na mo soro Agya nim sɛ muhia saa nneɛma yi nyinaa.+ 33  “Enti, monkɔ so nhwehwɛ ahenni no ne Onyankopɔn trenee+ kan, na ɔde nneɛma a aka yi nyinaa bɛka ho ama mo.+ 34  Munnnwinnwen ɔkyena ho,+ na ɔkyena ankasa benya ne dadwen. Da biara mu bɔne ankasa dɔɔso ma da no.

Ase Hɔ Nsɛm

Nea ɛkyerɛ ankasa ne, “paanoo.”
Nea ɛkyerɛ ankasa ne, “w’aniwa nye.”