Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Mateo 5:1-48

5  Bere a ohuu nnipakuw no, ɔforo kɔɔ bepɔw no so; ɔtenaa ase no n’asuafo no baa ne nkyɛn,  na obuee n’ano fii ase kyerɛkyerɛɛ wɔn sɛ:  “Anigye ne wɔn a wonim wɔn honhom mu ahiade,+ efisɛ ɔsoro ahenni no yɛ wɔn dea.+  “Anigye ne wɔn a wodi awerɛhow, efisɛ wɔbɛkyekye wɔn werɛ.+  “Anigye ne wɔn a wodwo,+ efisɛ wobenya asase no.+  “Anigye ne wɔn a trenee ho kɔm ne sukɔm+ de wɔn, efisɛ wɔbɛmee.+  “Anigye ne mmɔborɔhunufo,+ efisɛ wobehu wɔn mmɔbɔ.  “Anigye ne wɔn a wɔn koma mu tew,+ efisɛ wobehu Onyankopɔn.+  “Anigye ne wɔn a wɔpɛ asomdwoe,+ efisɛ wɔbɛfrɛ wɔn ‘Onyankopɔn mma.’+ 10  “Anigye ne wɔn a trenee nti wɔtaa+ wɔn, efisɛ ɔsoro ahenni no yɛ wɔn dea. 11  “Anigye ne mo sɛ me nti nkurɔfo bɔ mo ahohora+ na wɔtaa+ mo na wodi atoro ka asɛmmɔne biara to mo so. 12  Momma mo ani nnye na munni ahurusi,+ efisɛ mo akatua+ sõ wɔ soro; saa ara na wɔtaa adiyifo+ a wodii mo anim no. 13  “Mone asase so nkyene,+ na sɛ nkyene ahoɔden fi mu a, ɛbɛyɛ dɛn na asan anya n’ahoɔden bio? Wɔrentumi mfa nyɛ hwee bio gye sɛ wɔtow gu+ abɔnten ma nnipa tiatia so. 14  “Mone wiase hann.+ Kurow a ɛda bepɔw so ntumi nhintaw. 15  Wɔnsɔ kanea mfa nhyɛ kɛntɛn ase,+ na mmom wɔde si kaneadua so, na ɛhyerɛn wɔn a wɔwɔ fie hɔ nyinaa so. 16  Saa ara na momma mo kanea+ nhyerɛn nnipa anim, na wɔahu mo nnwuma pa+ na wɔahyɛ mo Agya a ɔwɔ soro no anuonyam.+ 17  “Munnsusuw sɛ mebae sɛ merebɛsɛe Mmara+ anaa Adiyifo no. Mamma sɛ merebɛsɛe no, na mmom sɛ merebɛma aba mu;+ 18  nokwarem mise mo sɛ ɛbɛyɛ mmerɛw sɛ ɔsoro ne asase betwam akɔ+ ntɛm koraa sen sɛ nkyerɛwde no mu ketewaa biako anaa nkyerɛwde no bi ho nsensanee biako befi Mmara no mu atwam a ade nyinaa renyɛ hɔ.+ 19  Enti obiara a obu+ mmara nketewa yi mu biako so na ɔkyerɛkyerɛ nnipa sɛ wɔnyɛ saa no, wɔbɛfrɛ no ‘ɔketewa’ ɔsoro ahenni+ no mu. Na obiara a odi so na ɔkyerɛkyerɛ+ no, wɔbɛfrɛ onii no ‘ɔkɛse’+ ɔsoro ahenni no mu. 20  Na mise mo sɛ, sɛ mo trenee ammoro akyerɛwfo ne Farisifo+ no de so a, morenhyɛn+ ɔsoro ahenni mu ɔkwan biara so. 21  “Motee sɛ wɔka kyerɛɛ tetefo no sɛ, ‘Nni awu;+ obiara a odi awu+ no bedi fɔ wɔ asɛnnii.’+ 22  Nanso mise mo sɛ obiara a ɔkɔ so ma ne bo fuw+ ne nua no bedi fɔ+ wɔ asɛnnii; obiara a ɔka asɛm a ɛyɛ asefem tia ne nua no bedi fɔ wɔ Asɛnnii Kɛse* mu, na wɔde obiara a ɔka sɛ, ‘Woyɛ ɔkwasampani!’ no bɛto Gehenna+ gya a ɛredɛw mu. 23  “Afei sɛ wode w’akyɛde reba afɔremuka ho+ na wokae wɔ hɔ sɛ wo nua wɔ biribi tia wo a,+ 24  gyaw w’akyɛde no afɔremuka no anim na kɔ; di kan ne wo nua no nkosiesie mo ntam,+ na sɛ wosan ba a, woabɛbɔ w’afɔre.+ 25  “Sɛ obi samana wo a, bere a monam kwan so rekɔ no wo ne no nsiesie asɛm no ntɛm, na nea ɔrebɔ wo sobo+ no amfa wo anhyɛ ɔtemmufo nsa, na ɔtemmufo no amfa wo amma asɛnnibea somfo, na wɔamfa wo anto afiase. 26  Nokwarem mise wo sɛ, woremfi hɔ kosi sɛ wubetua sika no nyinaa a ketewaa bi mpo renka.+ 27  “Motee sɛ wɔkae sɛ, ‘Nsɛe aware.’+ 28  Nanso mise mo sɛ obiara a ɔbɛkɔ so ahwɛ ɔbea+ anya akɔnnɔ ama no no asɛe aware+ dedaw ne koma+ mu. 29  Na sɛ w’aniwa nifa reto wo hintidua a, tu na tow kyene.+ Efisɛ eye ma wo sɛ wobɛhwere wo honam akwaa biako sen sɛ wɔbɛtow wo nipadua mũ no nyinaa+ ato Gehenna. 30  Afei nso sɛ wo nsa nifa reto wo hintidua a, twa na tow kyene.+ Efisɛ eye ma wo sɛ wobɛhwere wo honam akwaa biako sen sɛ wo nipadua mũ no nyinaa bɛkɔ akowie Gehenna. 31  “Bio nso wɔkae sɛ, ‘Obiara a obegyaa+ ne yere no mma no awaregyae krataa.’+ 32  Nanso mise mo sɛ, sɛ ɛnyɛ aguamammɔ+ nti na obi gyaa ne yere a, ebetumi ama ɔbea no asɛe aware,+ na obiara a ɔbɛware ɔbea a wɔagyaa no no asɛe aware.+ 33  “Motee nso sɛ wɔka kyerɛɛ wɔn a wɔtenaa ase tete no sɛ, ‘Nka ntanhunu,+ na mmom sɛ wohyɛ Yehowa bɔ a, tua.’+ 34  Nanso mise mo sɛ: Monnka ntam+ koraa, ɔsoro mpo monnka, efisɛ ɛyɛ Onyankopɔn ahengua;+ 35  monnka asase nso, efisɛ ɛyɛ ne nan ntiaso;+ monnka Yerusalem nso, efisɛ ɛyɛ Ɔhenkɛse kurow.+ 36  Na saa ara na ɛnsɛ sɛ woka wo ti ntam, efisɛ wuntumi mma ti nhwi biako mpo nyɛ fitaa anaa tuntum. 37  Ɛno ara ne sɛ momma mo Yiw nyɛ yiw, na mo Dabi nyɛ dabi;+ nea ɛboro eyinom so no fi ɔbɔnefo no.+ 38  “Motee sɛ wɔkae sɛ, ‘Aniwa nsi aniwa ananmu na ɛse nsi ɛse ananmu.’+ 39  Nanso, mise mo sɛ: Mo ne ɔbɔnefo nnni asi; mmom obiara a ɔbɛbɔ w’aso nifa+ mu no, dan biako no nso ma no. 40  Na sɛ obi pɛ sɛ ɔde wo kɔ asɛnnii kogye w’atade nhyɛase a, fa w’atade nguguso nso ka ho ma no,+ 41  na sɛ obi a ɔwɔ tumi hyɛ wo sɛ monkɔ kwansin biako a, wo ne no nkɔ akwansin abien.+ 42  Nea obisa wo hɔ ade no, ma no, na nnan wo ho mfi nea ɔpɛ sɛ ogye wo hɔ bosea* no ho.+ 43  “Motee sɛ wɔkae sɛ, ‘Dɔ wo yɔnko+ na kyi wo tamfo.’+ 44  Nanso, mise mo sɛ: Monkɔ so nnɔ mo atamfo+ na mommɔ mpae mma wɔn a wɔtaa mo,+ 45  na moakyerɛ sɛ moyɛ mo Agya a ɔwɔ soro no mma,+ efisɛ ɔma n’awia pue nnipa bɔne ne nnipa papa so na ɔma osu tɔ gu treneefo ne abɔnefo so.+ 46  Na sɛ modɔ wɔn a wɔdɔ mo a, akatua bɛn na mowɔ?+ Ɛnyɛ saa ara na towgyefo nso yɛ anaa? 47  Na sɛ mukyia mo nuanom nkutoo a, dɛn na ɛyɛ nwonwa wɔ ho? Ɛnyɛ saa ara na amanaman mufo nso yɛ anaa? 48  Enti sɛnea mo Agya a ɔwɔ soro no yɛ pɛ no, mo nso monyɛ pɛ saa ara.+

Ase Hɔ Nsɛm

Kyerɛ sɛ, Yudafo Sanhedrin no.
Kyerɛ sɛ, “bosea a mfɛntom nka ho.”