Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mateo 4:1-25

4  Afei honhom no de Yesu kɔɔ sare so+ ma Ɔbonsam kɔsɔɔ no hwɛe.+  Bere a odii mmuada adaduanan awia ne anadwo no,+ ɔkɔm dee no.  Afei, Ɔsɔhwɛfo+ no bɛka kyerɛɛ no sɛ: “Sɛ woyɛ Onyankopɔn ba a,+ kasa kyerɛ abo yi ma ɛnnan paanoo.”  Nanso obua see no sɛ: “Wɔakyerɛw sɛ, ‘Ɛnyɛ paanoo nkutoo so na onipa nam bɛtena ase, na mmom asɛm biara a efi Yehowa anom nso.’”+  Ɛnna Ɔbonsam de no kɔɔ kurow kronkron+ no mu, na ɔde no kogyinaa asɔredan no atifi,  na ɔka kyerɛɛ no sɛ: “Sɛ woyɛ Onyankopɔn ba a, gyaa wo ho kɔhwe fam;+ efisɛ wɔakyerɛw sɛ, ‘Wo nti ɔbɛhyɛ n’abɔfo, na wɔbɛsoa wo wɔn nsa so, na woamfa wo nan ampem ɔbo da biara da.’”+  Yesu ka kyerɛɛ no sɛ: “Wɔakyerɛw nso sɛ: ‘Nsɔ Yehowa wo Nyankopɔn nhwɛ.’”+  Ɔbonsam san de no kɔɔ bepɔw tenteenten bi so, na ɔkyerɛɛ no wiase ahenni+ nyinaa ne emu anuonyam,  na ɔka kyerɛɛ no sɛ: “Sɛ wobɔ wo mu ase som+ me a, mede eyinom nyinaa bɛma wo.”+ 10  Ɛnna Yesu ka kyerɛɛ no sɛ: “Fi me so kɔ, Satan! Wɔakyerɛw sɛ, ‘Yehowa wo Nyankopɔn na ɛsɛ sɛ wokotow no,+ na ɔno nkutoo+ na ɛsɛ sɛ wosom no.’”+ 11  Afei Ɔbonsam gyaw no hɔ,+ na hwɛ! abɔfo bae, na wofii ase som no.+ 12  Afei bere a ɔtee sɛ wɔakyere Yohane no,+ ofii hɔ kɔɔ Galilea.+ 13  Bio nso, bere a ofii Nasaret no, ɔbɛtenaa Kapernaum+ mpoano wɔ Sebulon ne Naftali+ mpɔtam, 14  na ama nea wɔnam odiyifo Yesaia so kae no aba mu sɛ: 15  “O Sebulon asase ne Naftali asase a ɛwɔ po kwan ho wɔ Yordan agya, amanaman mufo Galilea!+ 16  Nnipa a wɔte esum+ mu huu hann+ kɛse bi, na wɔn a wɔtete beae a owu sunsuma atɔ so no, hann+ puee+ wɔn so.” 17  Efi saa bere no, Yesu fii asɛnka ase na ɔkae sɛ: “Monsakra mo adwene+ na ɔsoro ahenni+ no abɛn.” 18  Ɔnam Galilea po* ho no, ohuu anuanom baanu bi, Simon+ a wɔfrɛ no Petro+ ne ne nua Andrea, sɛ wɔregu asau wɔ po mu, efisɛ na wɔyɛ mpataayifo. 19  Na ɔka kyerɛɛ wɔn sɛ: “Mummedi m’akyi, na mɛma moayɛ nnipa yifo.”+ 20  Ntɛm ara wogyaw asau+ no hɔ kodii n’akyi. 21  Ofi hɔ nso a ɔrekɔ no, ohui sɛ nnipa baanu bio+ a wɔyɛ anuanom, Sebedeo+ ba Yakobo ne ne nua Yohane, ne wɔn papa Sebedeo wɔ ɔkorow mu retuatua wɔn asau mu, na ɔfrɛɛ wɔn. 22  Ntɛm ara na wogyaw wɔn papa ne ɔkorow no hɔ kodii n’akyi. 23  Afei okyinkyin+ Galilea+ nyinaa, kyerɛkyerɛe wɔ wɔn hyia adan+ mu kaa ahenni no ho asɛmpa, saa nyarewa+ ne ahoɔmmerɛw ahorow a ɛwɔ nnipa no so nyinaa bi. 24  Na ne ho asɛm trɛw kɔɔ Siria+ nyinaa, na wɔde wɔn a biribi haw wɔn nyinaa brɛɛ no,+ wɔn a nyarewa ne ɔhaw ahorow ama wɔreteetee, wɔn a wɔwɔ adaemone ne wɔn a wotwa+ ne wɔn a wɔabubu, na ɔsaa wɔn yare. 25  Enti nnipadɔm pii dii n’akyi fii Galilea+ ne Dekapoli ne Yerusalem+ ne Yudea ne Yordan agya.

Ase Hɔ Nsɛm

Ɛyɛ ɔtare; Bible san frɛ no Genesaret Ɔtare, Galilea Po, ne Tiberia Po.