Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mateo 23:1-39

23  Ɛnna Yesu ka kyerɛɛ nnipakuw no ne n’asuafo no+ sɛ:  “Mose agua so na akyerɛwfo+ ne Farisifo no te.+  Enti nea wɔka+ kyerɛ mo nyinaa, munni so na monyɛ, nanso monnyɛ wɔn nnwuma,+ efisɛ wɔka nanso wɔnyɛ.  Wɔkyekyere nnesoa a emu yɛ duru de to nnipa mmati so,+ nanso wɔn de wɔmpɛ sɛ wɔde wɔn nsateaa mpo ka.+  Nnwuma a wɔyɛ nyinaa, wɔyɛ sɛnea nnipa behu;+ wɔyɛ kyerɛwsɛm kotoku*+ a wɔde bɔ wɔn ho ban no atɛtrɛtɛ, na wɔyɛ wɔn ntade ano+ akɛse.  Wɔpɛ mpanyin tenabea+ wɔ anwummeduan ase ne hyiadan mu nkongua a ɛwɔ anim no,+  ne gua so nkyia+ ne sɛ nnipa bɛfrɛ wɔn Rabi.+  Nanso ɛnsɛ sɛ wɔfrɛ mo Rabi, efisɛ obiako ne mo kyerɛkyerɛfo,+ na mo nyinaa yɛ anuanom.  Bio nso, mommfrɛ obiara mo agya asase so, na obiako ne mo Agya,+ Ɔsorosoroni no. 10  Afei nso ɛnsɛ sɛ wɔfrɛ mo ‘akannifo,’+ efisɛ mo Kannifo yɛ biako, ɔne Kristo. 11  Mmom no, ɛsɛ sɛ nea ɔyɛ mo mu kɛse no yɛ mo somfo.+ 12  Obiara a ɔma ne ho so no wɔbɛbrɛ no ase,+ na obiara a ɔbrɛ ne ho ase no wɔbɛma no so.+ 13  “Munnue, akyerɛwfo ne Farisifo nyaatwomfo! efisɛ moto+ ɔsoro ahenni mu wɔ nnipa anim; mo+ a monkɔ mu, na wɔn a wɔrekɔ mu no nso momma wɔn kwan. 14  —— 15  “Munnue, akyerɛwfo ne Farisifo nyaatwomfo!+ efisɛ mufi adi kɔ po ne asase kesee so kɔsakra obi, na onya sakra a, moma ɔbɛfata ma Gehenna mmɔho abien sen mo ankasa. 16  “Munnue, akwankyerɛfo anifuraefo+ a moka sɛ, ‘Sɛ obi ka asɔrefie no ntam a, ɛnyɛ hwee, na sɛ ɔka asɔrefie hɔ sika no ntam a, asodi da no so.’+ 17  Nkwasea ne anifuraefo! Nea ɛwɔ he na ɛyɛ kɛse, sika no anaa asɔrefie a atew sika no ho no?+ 18  Afei nso, ‘Sɛ obi ka afɔremuka no ntam a, ɛnyɛ hwee; nanso sɛ obi ka ɛso ayɛyɛde no ntam a, asodi da no so.’ 19  Anifuraefo! Nea ɛwɔ he na ɛyɛ kɛse, ayɛyɛde no anaa afɔremuka+ a ɛma ayɛyɛde no ho tew no? 20  Enti obiara a ɔka afɔremuka no ntam no, ɔka ɛno ne ɛso nneɛma nyinaa ntam; 21  na nea ɔka asɔrefie no ntam no, ɔka ɛno ne nea ɔte mu no ntam;+ 22  na nea ɔka ɔsoro ntam no, ɔka Onyankopɔn ahengua+ ne nea ɔte so no ntam. 23  “Munnue, akyerɛwfo ne Farisifo nyaatwomfo! efisɛ muyi ɛme ne onunum ne kumin so ntotoso du du+ na Mmara no mu nsɛm a tumi wom a ɛne atɛntrenee+ ne mmɔborɔhunu+ ne nokwaredi no de, momfa nyɛ hwee.+ Eyinom na ɛyɛ asɛde sɛ anka moyɛ, na mummmu mo ani nngu nneɛma foforo no so. 24  Akwankyerɛfo anifuraefo+ a mosɔn nneɛma so yi nwansena+ nanso momene yoma!+ 25  “Munnue, akyerɛwfo ne Farisifo nyaatwomfo! efisɛ mohohoro kuruwa+ ne ayowa ho, nanso emu de, afowde+ ne adifudepɛ ayɛ no mã. 26  Farisini onifuraefo,+ hohoro kuruwa+ ne ayowa no mu kan, na ama ɛho nso afi. 27  “Munnue, akyerɛwfo ne Farisifo nyaatwomfo!+ efisɛ mote sɛ adamoa a wɔaka ho fitaa+ a ɛho yɛ fɛ, nanso emu de, awufo nnompe ne afide ahorow nyinaa ayɛ no mã. 28  Saa ara na mo nso, nnipa ani so de, mote sɛ treneefo,+ nanso nyaatwom ne mmarato ayɛ mo mã. 29  “Munnue, akyerɛwfo ne Farisifo nyaatwomfo!+ efisɛ moto adiyifo nna na musiesie treneefo ada,+ 30  na moka sɛ, ‘Sɛ na yɛwɔ yɛn agyanom bere so a, anka yɛremmoa wɔn mma wonhwie adiyifo no mogya ngu.’+ 31  Enti moredi adanse atia mo ho sɛ moyɛ wɔn a wokum adiyifo no mma.+ 32  Ɛnde, monhyɛ mo agyanom kuruwa+ mã. 33  “Awɔ, nhurutoa mma,+ mobɛyɛ dɛn aguan Gehenna atemmu?+ 34  Eyi nti, meresoma+ adiyifo ne anyansafo ne akyerɛkyerɛfo aba mo nkyɛn.+ Mubekum+ wɔn mu binom abɔ wɔn asɛndua mu, na mobɛka ebinom mpire+ mo hyia adan mu na moatan wɔn ani fi kurow so akɔ kurow so; 35  saa na ɛbɛma treneefo mogya a wɔahwie agu asase so nyinaa aba mo so,+ efi ɔtreneeni+ Habel+ mogya so kosi Barakia ba Sakaria mogya so, nea mukum no kronkronbea ne afɔremuka ntam no.+ 36  Nokwarem mise mo sɛ, nneɛma yi nyinaa bɛba saa awo ntoatoaso yi so.+ 37  “Yerusalem, Yerusalem, wo a wukum adiyifo+ no na wusiw wɔn a wɔsomaa wɔn wo nkyɛn no abo+—hwɛ mpɛn dodow ara a mepɛe sɛ meboaboa wo mma ano, sɛnea akokɔbaatan boaboa ne mma ano ne ntaban ase!+ Nanso moampɛ.+ 38  Hwɛ! Wɔagyaw mo fie+ ama mo.+ 39  Na mise mo sɛ, efi saa bere yi rekɔ no morenhu me da kosi sɛ mobɛka sɛ, ‘Nhyira ne nea ɔba Yehowa din mu!’”+

Ase Hɔ Nsɛm

Eyi yɛ adaka ketewa a kyerɛwsɛm wom a na Yudafo mmarima de bɔ wɔn moma so anaa wɔde to wɔn nsa de bɔ wɔn ho ban.