Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Mateo 22:1-46

22  Yesu kasa kyerɛɛ wɔn mfatoho mu bio sɛ:+  “Ɔsoro ahenni te sɛ ɔhene bi a ohyiaa ayeforo+ maa ne babarima.  Na ɔsomaa ne nkoa sɛ wɔnkɔfrɛ wɔn a wɔato nsa afrɛ wɔn no mmra ayeforohyia+ no ase, nanso wɔampɛ sɛ wɔbɛba.+  Ɔsan somaa nkoa+ foforo ka kyerɛɛ wɔn sɛ, ‘Monka nkyerɛ wɔn a wɔato nsa afrɛ wɔn no sɛ: “Hwɛ! Masiesie m’aduan,+ makum m’anantwi ne me nyɛmmoa a wɔadɔ, na wɔawie biribiara. Mommra ayeforohyia no ase.”’+  Nanso wobuu wɔn ani guu so na obiara kɔɔ ne baabi, obiako kɔɔ n’afuw mu, ɔfoforo kodii ne gua;+  wɔn a wɔaka no kyeree nkoa no yɛɛ wɔn basabasa na wokunkum wɔn.+  “Na ɔhene no bo fuwii, na ɔsomaa n’asraafo ma wɔkɔsɛee awudifo no hyew wɔn kurow.+  Afei ɔka kyerɛɛ ne nkoa sɛ, ‘Ayeforohyia no adu so, nanso wɔn a wɔtoo nsa frɛɛ wɔn no mfata.+  Enti monkɔ kurow no atempɔn so, na obiara a mubehu no no, monto nsa mfrɛ no mmra ayeforohyia no ase.’+ 10  Ɛnna nkoa no kɔɔ akwan no so kɔboaboaa wɔn a wohuu wɔn nyinaa ano, abɔnefo ne nnipa pa nyinaa,+ na wɔn a wɔbɛtenatenaa ɔpon no ho no yɛɛ ayeforohyia dan no mu mã.+ 11  “Bere a ɔhene no bɛhwɛɛ ahɔho no, n’ani bɔɔ obi a ɔnhyɛ ayeforohyia atade so wɔ hɔ.+ 12  Enti ɔka kyerɛɛ no sɛ, ‘Damfo, woyɛɛ dɛn na wobaa ha a wonhyɛ ayeforohyia atade?’+ Afei na watɔ mum. 13  Ɛnna ɔhene no ka kyerɛɛ ne nkoa sɛ, ‘Monkyekyere ne nan ne ne nsa na montow no nkyene sum mu wɔ abɔnten. Ɛhɔ na obesu atwɛre ne sẽ.’+ 14  “Na wɔn a wɔafrɛ wɔn no dɔɔso, nanso wɔn a wɔpaw wɔn no sua.”+ 15  Afei Farisifo no kɔbɔɔ pɔw na ama wɔanya biribi wɔ ne kasa mu de ayi no.+ 16  Enti wɔsomaa wɔn asuafo ne Herode akyidifo+ kɔɔ ne nkyɛn sɛ: “Ɔkyerɛkyerɛfo, yenim sɛ woka nokware na wokyerɛkyerɛ Onyankopɔn kwan nokware mu a wunsuro obiara, efisɛ wonhwɛ nnipa anim.+ 17  Enti ka kyerɛ yɛn, wudwen ho dɛn? So mmara ma kwan sɛ wotua tow ma Kaesare anaasɛ ɛmma kwan?”+ 18  Nanso esiane sɛ na Yesu ahu wɔn adwemmɔne no nti, ɔkae sɛ: “Nyaatwomfo, dɛn nti na moresɔ me ahwɛ?+ 19  Momfa tow sika no bi mmɛkyerɛ me.” Na wɔbrɛɛ no denare. 20  Na obisaa wɔn sɛ: “Hena mfonini ne ne nkyerɛwee ni?”+ 21  Wɔkae sɛ: “Kaesare de.” Ɛnna ɔka kyerɛɛ wɔn sɛ: “Ɛnde muntua Kaesare de mma Kaesare, na muntua Onyankopɔn de mma Onyankopɔn.”+ 22  Afei, bere a wɔtee saa no, ɛyɛɛ wɔn nwonwa, na wogyaw no hɔ kɔe.+ 23  Saa da no, Sadukifo a wɔka sɛ owusɔre nni hɔ no baa ne nkyɛn bebisaa no sɛ:+ 24  “Ɔkyerɛkyerɛfo, Mose kae sɛ, ‘Sɛ ɔbarima bi wu na onni mma a, ɛsɛ sɛ ne nuabarima ware ne yere no ne no wo ma ne nua no.’+ 25  Ná yɛne anuanom baason na ɛwɔ ha; nea odi kan no waree na owui, na esiane sɛ na onni mma nti, ogyaw ne yere maa ne nua.+ 26  Asɛm koro no ara na ɛtoo nea ɔto so abien ne nea ɔto so abiɛsa no, kosii baason no nyinaa so.+ 27  Awiei koraa no, ɔbea no wui. 28  Enti owusɔre mu no, nnipa baason no mu hena na ɔbea no bɛyɛ ne yere? Efisɛ wɔn nyinaa waree no.”+ 29  Yesu bua see wɔn sɛ: “Moredi mfomso, efisɛ munnim Kyerɛwnsɛm anaa Onyankopɔn tumi;+ 30  owusɔre mu no, mmarima renware na wɔremfa mmea nso mma aware,+ na mmom wɔbɛyɛ sɛ abɔfo a wɔwɔ soro. 31  Ɛdefa owusɔre ho no, monkenkanee nea Onyankopɔn ka kyerɛɛ mo no sɛ,+ 32  ‘Mene Abraham Nyankopɔn ne Isak Nyankopɔn ne Yakob Nyankopɔn’?+ Ɔnyɛ awufo Nyankopɔn na mmom ateasefo de.”+ 33  Nnipakuw no tee saa no, ne nkyerɛkyerɛ no yɛɛ wɔn nwonwa.+ 34  Bere a Farisifo no tee sɛ wama Sadukifo no aka wɔn ano atom no, wohyiaam. 35  Na wɔn mu biako a onim Mmara no yiye+ bisaa no asɛm de sɔɔ no hwɛe sɛ: 36  “Ɔkyerɛkyerɛfo, Mmara no mu ahyɛde bɛn na ɛyɛ kɛse?”+ 37  Ɔka kyerɛɛ no sɛ: “‘Fa wo koma nyinaa ne wo kra nyinaa ne w’adwene nyinaa dɔ Yehowa wo Nyankopɔn.’+ 38  Eyi ne ahyɛde a ɛyɛ kɛse sen ne nyinaa ne nea edi kan. 39  Nea ɛto so abien a ɛte sɛ ɛno ne sɛ, ‘Dɔ wo yɔnko sɛ wo ho.’+ 40  Ahyɛde abien yi so na Mmara no nyinaa ne Adiyifo no sɛn.”+ 41  Afei bere a Farisifo no nyinaa hyiae no, Yesu bisaa wɔn sɛ:+ 42  “Adwene bɛn na mowɔ wɔ Kristo no ho? Ɔyɛ hena ba?” Wɔka kyerɛɛ no sɛ: “Dawid.”+ 43  Osee wɔn sɛ: “Ɛnde afei dɛn nti na honhom+ no maa Dawid frɛɛ no ‘Owura,’ kae sɛ, 44  ‘Yehowa ka kyerɛɛ me Wura sɛ: “Tena me nsa nifa kosi sɛ mede w’atamfo begu wo nan ase”’?+ 45  Enti sɛ Dawid frɛɛ no ‘Owura’ a, ɛyɛɛ dɛn na ɔyɛ ne ba?”+ 46  Na obiara antumi anyi no ano, na efi saa da no obiara antumi ammisa no hwee bio.+

Ase Hɔ Nsɛm