Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mateo 16:1-28

16  Ɛhɔ na Farisifo+ ne Sadukifo no kɔɔ ne nkyɛn, na esiane sɛ wɔpɛ sɛ wɔsɔ no hwɛ nti, wɔka kyerɛɛ no sɛ ɔnyɛ sɛnkyerɛnne bi a efi soro nkyerɛ wɔn.+  Obua see wɔn sɛ: “[[Sɛ edu anwummere a, moka sɛ ‘ewim bɛtew, efisɛ ɔsoro abere’;  anɔpa nso, ‘Ewim bɛyɛ nwini ma osu atɔ nnɛ, efisɛ ewim abere na ayɛ kusuu.’ Mutumi kyerɛ ewim tebea ase, nanso mmere no ho nsɛnkyerɛnne de muntumi nkyerɛ ase.]]+  Abɔnefo ne awaresɛefo awo ntoatoaso kɔ so hwehwɛ sɛnkyerɛnne, nanso wɔremma wɔn sɛnkyerɛnne biara+ sɛ Yona sɛnkyerɛnne no.”+ Ɛnna ogyaw wɔn hɔ kɔe.+  Afei asuafo no twaam kɔɔ asuogya na wɔn werɛ fii sɛ wɔbɛfa paanoo.+  Yesu ka kyerɛɛ wɔn sɛ: “Momma mo ani nna hɔ na monhwɛ yiye wɔ Farisifo ne Sadukifo mmɔkaw ho.”+  Enti wofii ase dwinnwen ho kae sɛ: “Yɛamfa paanoo biara.”  Yesu huu saa no, ɔkae sɛ: “Dɛn nti na paanoo a munni nti moredwinnwen, mo a mo gyidi sua?+  So munnya ntee ase, na monkae paanoo anum a wɔde maa nnipa mpemnum no ne nkɛntɛn dodow a mosesawee no?+ 10  Anaasɛ paanoo ason a wɔde maa nnipa mpemnan no ne nkɛntɛn dodow a mosesawee no?+ 11  Dɛn nti na munhu sɛ ɛnyɛ paanoo ho asɛm na meka kyerɛɛ mo? Mmom no, monhwɛ yiye wɔ Farisifo ne Sadukifo mmɔkaw ho.”+ 12  Ɛnna wohui sɛ ɛnyɛ paanoo mmɔkaw ho na ose wɔnhwɛ yiye, na mmom Farisifo ne Sadukifo nkyerɛkyerɛ+ ho. 13  Afei bere a Yesu baa Kaesarea Filipi mpɔtam no, obisaa n’asuafo no sɛ: “Nkurɔfo se onipa Ba no ne hena?”+ 14  Wɔkae sɛ: “Ebinom ka sɛ Yohane Suboni,+ ebinom nso ka sɛ Elia,+ na ebinom nso se Yeremia anaasɛ adiyifo no mu biako.” 15  Ɔka kyerɛɛ wɔn sɛ: “Na mo nso muse meyɛ hena?”+ 16  Simon Petro buae sɛ: “Wone Kristo no,+ Onyankopɔn teasefo no Ba.”+ 17  Yesu bua see no sɛ: “Yona ba Simon, anigye ne wo, efisɛ ɛnyɛ honam ne mogya na eyii no adi kyerɛɛ wo, na mmom m’Agya a ɔwɔ soro no.+ 18  Afei mise wo sɛ, wone Petro,+ na ɔbotan+ yi so na mesi m’asafo, na Adamoa*+ apon renni so nkonim.+ 19  Mede ɔsoro ahenni nsafe bɛma wo, na biribiara a wobɛkyekyere asase so no bɛyɛ nea wɔakyekyere wɔ soro, na biribiara a wobɛsan wɔ asase so no bɛyɛ nea wɔasan wɔ soro.”+ 20  Afei ɔhyɛɛ asuafo no katee sɛ wɔnnka nnkyerɛ obiara sɛ ɔno ne Kristo no.+ 21  Efi saa bere no Yesu Kristo fii ase kyerɛɛ n’asuafo no sɛ etwa sɛ ɔkɔ Yerusalem kohu amane pii mpanyimfo ne asɔfo mpanyin ne akyerɛwfo no nsam na wokum no, na da a ɛto so abiɛsa no wɔanyan no.+ 22  Eyi maa Petro de no kɔɔ nkyɛn, na ofii ase kaa n’anim sɛ: “Awurade, ka asɛmpa ma wo ho; eyi remma wo so koraa.”+ 23  Na ɔdan ne ho ka kyerɛɛ Petro sɛ: “Fi me so, Satan!+ Woyɛ hintidua ma me, efisɛ wunnwen Onyankopɔn adwene,+ na mmom nnipa adwene.” 24  Afei Yesu ka kyerɛɛ n’asuafo no sɛ: “Sɛ obi pɛ sɛ odi m’akyi a, ma ɔmpa ne ho akyi na ɔmfa n’asɛndua na onni m’akyi daa.+ 25  Na obiara a ɔpɛ sɛ ogye ne kra nkwa no bɛhwere; nanso obiara a me nti ɔbɛhwere ne kra no nsa bɛka.+ 26  Na sɛ onipa nya wiase nyinaa na ɔhwere ne kra a, mfaso bɛn na obenya?+ anaasɛ dɛn na obi de bɛsesa ne kra?+ 27  Etwa sɛ onipa Ba no ba n’Agya anuonyam mu a n’abɔfo ka ne ho, na obetua obiara ka sɛnea ne nneyɛe te.+ 28  Nokwarem mise mo sɛ, wɔn a wogyina ha yi mu bi wɔ hɔ a wɔrenka owu nhwɛ da kosi sɛ wobehu sɛ onipa Ba no reba n’ahenni mu.”+

Ase Hɔ Nsɛm

Anaa “Hades.” Nea ɛkyerɛ ne adesamma adamoa. Hwɛ Nkekaho 4.