Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mateo 10:1-42

10  Enti ɔfrɛɛ n’asuafo dumien no maa wɔn tumi a wɔde betu ahonhom fĩ+ ne nea wɔde bɛsa nyarewa ne ahoɔmmerɛw ahorow nyinaa bi.  Asomafo dumien+ no din ni:+ Nea odi kan ne Simon, nea wɔfrɛ no Petro+ no, ne ne nua Andrea;+ afei Sebedeo+ ba Yakobo ne ne nua Yohane;  Filipo ne Bartolomeo;*+ Toma+ ne towgyeni Mateo;*+ Alfeo+ ba Yakobo, ne Tadeo;*  Nsiyɛfo+ Simon, ne Yuda Iskariot a akyiri yi oyii+ no mae no.  Saa dumien yi na Yesu somaa wɔn maa wɔn ahyɛde yi:+ “Mommman mmfa amanaman no kwan so, na monnhyɛn Samaria kurow biara mu;+  Israel fie nguan a wɔayera no mmom nkyɛn na monkɔ daa.+  Sɛ mokɔ a, monka sɛ, ‘Ɔsoro ahenni no abɛn.’+  Monsa ayarefo yare,+ munnyan wɔn a wɔawuwu, momma akwatafo ho mfi, muntu adaemone. Munyaa no kwa, momfa mma kwa.+  Mommpɛ sika anaa dwetɛ anaa kɔbere nnhyɛ mo abɔso mu,+ 10  na mommfa akwantu bɔtɔ nntu kwan no, anaa ntade abien, anaa mpaboa anaa poma; odwumayɛni aduan fata no.+ 11  “Kurow anaa akuraa biara a mobɛhyɛn mu no, monhwehwɛ obi a ɔfata wɔ mu, na montena hɔ nkosi sɛ mubefi hɔ akɔ.+ 12  Sɛ morehyɛn ofie bi mu a munkyia ofie no mufo; 13  sɛ ofie no fata a, momma asomdwoe a mopɛ sɛ enya no mmra so;+ nanso sɛ ɛmfata a, momma mo asomdwoe nsan mmra mo so. 14  Baabiara a obi annye mo anaasɛ wantie mo asɛm no, sɛ morefi saa ofie anaa kurow no mu akɔ a, momporoporow mo nan ase mfutuma.+ 15  Nokwarem mise mo sɛ, Atemmu Da no ɛbɛyɛ mmerɛw ama Sodom+ ne Gomora asase asen saa kurow no.+ 16  “Hwɛ! meresoma mo sɛ nguan akɔ mpataku mfinimfini;+ enti monyɛ anifere sɛ awɔ,+ na monyɛ kronn sɛ mmorɔnoma.+ 17  Monhwɛ mo ho yiye wɔ nnipa ho;+ wobeyi mo ama baguafo,+ na wɔbɛka mo mpire+ wɔ wɔn hyia adan mu.+ 18  Na me nti, wɔbɛtwe mo akɔ amrado ne ahene anim,+ na ayɛ adanse+ ama wɔne amanaman no. 19  Nanso, sɛ woyi mo ma a, munnnwinnwen sɛnea mobɛkasa anaasɛ nea mobɛka ho; wɔde nea mobɛka bɛma mo dɔn no mu;+ 20  ɛnyɛ mo ankasa na mokasa, mmom mo Agya no honhom na ɛnam mo so kasa.+ 21  Afei nso, onua+ beyi onua ama ma wɔakum no, na papa ayi ne ba ama, na mma bɛsɔre atia wɔn awofo na wɔama wɔakum wɔn.+ 22  Na me din nti nnipa nyinaa bɛtan mo;+ na nea obegyina mu akosi awiei no, ɔno na wobegye no nkwa.+ 23  Sɛ wɔtaa mo wɔ kurow biako mu a, munguan nkɔ foforo mu;+ nokwarem mise mo sɛ, morenwie Israel nkurow no nyinaa da+ na onipa Ba no aba.+ 24  “Osuani nsen ne kyerɛkyerɛfo, na akoa nsen ne wura.+ 25  Ɛdɔɔso ma osuani sɛ ɔbɛyɛ sɛ ne kyerɛkyerɛfo, na akoa ayɛ sɛ ne wura.+ Sɛ nnipa afrɛ ofiewura Beelsebub+ a, mpɛn ahe na wɔremfrɛ ne fiefo no saa ara? 26  Enti munnsuro wɔn; biribiara nni hɔ a wɔakata so a ɛrenna adi, na ahintasɛm biara nni hɔ a wɔrenhu.+ 27  Nea meka kyerɛ mo sum mu no, monka no hann mu; nea wɔka gu mo asom no, monka no adan atifi.+ 28  Na munnsuro+ wɔn a wokum nipadua nanso wontumi nkum ɔkra no; mmom munsuro nea+ obetumi asɛe ɔkra ne nipadua no nyinaa wɔ Gehenna.+ 29  Wɔntɔn nkasanoma abien nnye kaprɛ?*+ Nanso emu biako mpo ntɔ fam a mo Agya nnim ho hwee.+ 30  Na mo ti so nhwi koraa wakan.+ 31  Enti munnsuro: Mosom bo sen nkasanoma bebree.+ 32  “Na obiara a ɔbɔ me din nnipa anim no, me nso mɛbɔ ne din+ m’Agya a ɔwɔ soro no anim, 33  na obiara a ɔpa me nnipa anim no, me nso mɛpa+ no m’Agya a ɔwɔ soro no anim. 34  Munnnwen sɛ mede asomdwoe baa asase so; mamfa asomdwoe+ amma, na mmom nkrante. 35  Na mede mpaapaemu na ɛbae na ɔbarima asɔre atia ne papa, na ɔbabea asɔre atia ne maame, na ɔbea warefo asɔre atia n’asebea.+ 36  Nokwarem no, obi ankasa fiefo na wɔbɛyɛ n’atamfo. 37  Nea ɔpɛ ne papa anaa ne maame asɛm sen me no mfata me, na nea ɔpɛ ne babarima anaa ne babea asɛm sen me no nsɛ me.+ 38  Na obiara a onnye n’asɛndua nni m’akyi no nsɛ me.+ 39  Nea ɔkora ne kra no, ebefi ne nsa, na nea me nti ɔhwere ne kra no nsa bɛka.+ 40  “Nea ogye mo no gye me nso, na nea ogye me no gye nea ɔsomaa me no nso.+ 41  Nea ogye odiyifo bi sɛ ɔyɛ odiyifo nti no benya odiyifo akatua,+ na nea ogye ɔtreneeni sɛ ɔyɛ ɔtreneeni nti no benya ɔtreneeni akatua.+ 42  Na obiara a ɔma nketewa yi mu biako nsuonwini kuruwa mã nom esiane sɛ ɔyɛ osuani nti no, mise mo nokwarem sɛ, n’akatua remmɔ no ɔkwan biara so.”+

Ase Hɔ Nsɛm

Wɔsan frɛ no Natanael. Hwɛ Yoh 1:46; 21:2.
Wɔsan frɛ no Lewi. Hwɛ Lu 5:27.
Wɔsan frɛ no “Yakobo ba Yuda.” Hwɛ Lu 6:16; Yoh 14:22; Aso 1:13.
Nea ɛkyerɛ ankasa ne “assarion,” da koro akatua nkyem dunsia mu biako.