Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mateo 1:1-25

1  Abraham ba,+ Dawid ba+ Yesu Kristo ho abakɔsɛm nhoma:+   Abraham woo Isak;+Isak woo Yakob;+Yakob woo Yuda+ ne ne nuanom;   Yuda ne Tamar woo Peres+ ne Sera;Peres woo Hesron;+Hesron woo Ram;+   Ram woo Aminadab;Aminadab woo Naason;+Naason woo Salmon;+   Salmon ne Rahab+ woo Boas;Boas ne Rut+ woo Obed;Obed woo Yese;+   Yese woo Ɔhene+ Dawid.+ Dawid ne Uria yere woo Solomon;+   Solomon woo Rehoboam;+Rehoboam woo Abia;Abia+ woo Asa;+   Asa woo Yehosafat;+Yehosafat woo Yehoram;+Yehoram woo Usia;   Usia woo Yotam;Yotam+ woo Ahas;+Ahas woo Hesekia;+ 10  Hesekia woo Manase;+Manase+ woo Amon;+Amon+ woo Yosia; 11  Yosia+ woo Yekonia+ ne ne nuanom bere a wɔfaa wɔn nnommum kɔɔ Babilon no.+ 12  Bere a wɔfaa wɔn nnommum kɔɔ Babilon akyi no Yekonia woo Sealtiel;+Sealtiel woo Serubabel;+ 13  Serubabel woo Abihud;Abihud woo Eliakim;Eliakim woo Asor; 14  Asor woo Sadok;Sadok woo Akim;Akim woo Elihud; 15  Elihud woo Eleasar;Eleasar woo Matan;Matan woo Yakob; 16  Yakob woo Yosef a ɔyɛ Maria kunu no. Maria na ɔwoo Yesu+ a wɔfrɛ no Kristo no.+ 17  Enti awo ntoatoaso no nyinaa, efi Abraham so besi Dawid so no nyinaa yɛ awo ntoatoaso dunan, na efi Dawid so besi bere a wɔfaa wɔn nnommum kɔɔ Babilon no yɛ awo ntoatoaso dunan, na efi bere a wɔfaa wɔn nnommum kɔɔ Babilon no besi Kristo so no yɛ awo ntoatoaso dunan. 18  Na sɛnea wɔwoo Yesu Kristo ni. Bere a wɔde ne maame Maria maa Yosef sɛ ne siyere+ a wonnya nwaree no, wohui sɛ honhom kronkron+ ama wanyinsɛn. 19  Nanso, esiane sɛ na ne kunu Yosef teɛ na ɔmpɛ sɛ ogu n’anim ase nti,+ ɔyɛɛ n’adwene sɛ obegyaa+ no kokoam. 20  Na bere a osusuw eyinom ho wiei no, hwɛ! Yehowa bɔfo yii ne ho adi kyerɛɛ no ɔdae mu sɛ: “Yosef, Dawid ba, nsuro sɛ wobɛfa wo yere Maria akɔ fie, na honhom kronkron na ama wanyinsɛn.+ 21  Ɔbɛwo ɔbabarima, na ɛsɛ sɛ woto ne din Yesu,+ efisɛ ɔno na obegye+ ne manfo+ afi wɔn bɔne mu.”+ 22  Eyinom nyinaa sii na ama nea Yehowa nam ne diyifo so kae+ no aba mu sɛ: 23  “Hwɛ! Ɔbaabun+ no benyinsɛn na wawo ɔbabarima, na wɔbɛto ne din Imanuel,”+ a n’asekyerɛ ne sɛ, “Onyankopɔn ne Yɛn Wɔ Hɔ.”+ 24  Ɛnna Yosef nyan fii nna mu yɛɛ sɛnea Yehowa bɔfo kyerɛɛ no no, na ɔfaa ne yere kɔɔ fie. 25  Nanso ɔne no anna+ kosii sɛ ɔwoo ɔbabarima,+ na ɔtoo ne din Yesu.+

Ase Hɔ Nsɛm