Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Marko 13:1-37

13  Na ɔrefi asɔrefie hɔ no, n’asuafo no mu biako ka kyerɛɛ no sɛ: “Ɔkyerɛkyerɛfo, hwɛ! abo ne adan bɛn ara ni!”+  Nanso Yesu ka kyerɛɛ no sɛ: “Muhu adan akɛse yi?+ Wɔrennyaw ɔbo wɔ ɔbo+ so wɔ ha ɔkwan biara so a wonnwiriw ngu fam.”+  Na ɔte Ngo Bepɔw no so a n’ani tua asɔrefie no, Petro+ ne Yakobo ne Yohane ne Andrea fii ase bisaa no kokoam+ sɛ:  “Ka kyerɛ yɛn, bere bɛn na eyinom bɛba mu, na dɛn na ɛbɛyɛ bere a etwa sɛ nneɛma yi ba awiei no ho sɛnkyerɛnne?”+  Enti Yesu fii ase ka kyerɛɛ wɔn sɛ: “Monhwɛ yiye na obiara annaadaa mo.+  Nnipa bebree de me din bɛba abɛka sɛ, ‘Mene no,’ na wɔbɛdaadaa nnipa bebree.+  Bio nso, sɛ mote ɔko ne ɔko ho amanneɛbɔ a, mommmɔ hu; etwa sɛ eyinom sisi, nanso na awiei no nnya nnui.+  “Na ɔman bɛsɔre atia ɔman na ahenni atia ahenni,+ na asasewosow+ bɛba mmeaemmeae, na aduankɔm+ bɛba. Eyinom yɛ awoko yaw mfiase.+  “Mo de, monhwɛ mo ho yiye; nkurɔfo beyi mo ama baguafo,+ na me nti wɔbɛhwe mo hyia adan+ mu na wɔde mo agyina amrado ne ahene anim, na ayɛ adanse ama wɔn.+ 10  Afei nso ɛsɛ sɛ wɔka asɛmpa+ no wɔ amanaman nyinaa mu kan.+ 11  Na sɛ wɔde mo rekɔ akoyi mo ama a, munnnwinnwen nea mobɛka ho;+ na mmom nea wɔde bɛma mo dɔn no mu no, ɛno ara na monka, na ɛnyɛ mo na mokasa, na mmom honhom kronkron.+ 12  Bio nso, onua beyi onua ama ma wɔakum no, na papa ayi ɔba ama,+ na mma bɛsɔre atia awofo na wɔama wɔakum wɔn;+ 13  na me din nti nnipa nyinaa bɛtan mo.+ Na nea obegyina mu akodu awiei+ no, ɔno na wobegye no nkwa.+ 14  “Nanso sɛ muhu akyide+ a ɛbɔ ɔman+ no sɛ egyina nea ɛnsɛ sɛ egyina a (ma ɔkenkanfo no mfa nhumu nyɛ adwuma),+ afei momma wɔn a wɔwɔ Yudea no mfi ase nguan nkɔ mmepɔw so.+ 15  Mma nea ɔwɔ ɔdan atifi no nnsi fam nnkɔ ne fie nnkɔfa hwee mmfi hɔ;+ 16  na mma nea ɔwɔ afuw mu no nnsan mmma nneɛma a wagyaw no akyi ho sɛ ɔrebɛfa n’atade nguguso.+ 17  Nna no mu no, mmea a wɔanyinsɛn ne wɔn a wɔma nufu nnue!+ 18  Monkɔ so mmɔ mpae na ansi awɔw bere mu;+ 19  na saa bere no bɛyɛ ahohiahia+ bere a efi abɔde a Onyankopɔn bɔe no mfiase de besi saa bere no ebi nsii, na ebi nso remma bio.+ 20  Nokwarem no, sɛ Yehowa+ antwa nna no so a, ɔhonam biara nni hɔ a wobegye no nkwa. Nanso wɔn a wapaw+ wɔn no nti obetwa nna no so.+ 21  “Afei nso, sɛ obiara ka kyerɛ mo sɛ, ‘Hwɛ! Kristo wɔ ha,’ ‘Hwɛ! Ɔno na ɔwɔ hɔ no’+ a, munnnye nnni.+ 22  Na atoro Kristo ne atoro adiyifo bɛsɔre+ na wɔbɛyɛ nsɛnkyerɛnne ne anwonwade,+ na sɛ ɛbɛyɛ yiye a, wɔde atwe wɔn a wɔapaw wɔn no.+ 23  Enti monhwɛ+ yiye; madi kan aka biribiara akyerɛ mo.+ 24  “Nna no mu, saa ahohiahia no akyi no, owia beduru sum na ɔsram renhyerɛn, 25  na nsoromma befi soro ahwehwe fam, na wɔbɛwosow ɔsoro ahoɔden.+ 26  Na afei wobehu sɛ onipa Ba+ no nam omununkum mu de tumi ne anuonyam kɛse reba.+ 27  Na ɔbɛsoma abɔfo ma wɔabɛboaboa wɔn a wapaw+ wɔn no ano afi mframa anan no mu, fi asase ano kosi ɔsoro nohoa.+ 28  “Afei munsua biribi mfi borɔdɔma dua mfatoho no mu: Sɛ enya fefɛw na eyiyi nhaban ara pɛ a, munim sɛ ahohuru bere abɛn.+ 29  Saa ara na mo nso, sɛ muhu sɛ saa nneɛma yi rekɔ so a, munhu sɛ wabɛn apon ano.+ 30  Nokwarem mise mo sɛ saa awo ntoatoaso yi rentwam da kosi sɛ eyinom nyinaa bɛba mu.+ 31  Ɔsoro+ ne asase betwam, nanso me nsɛm+ rentwam.+ 32  “Ɛdefa saa da anaa dɔn no ho de, obiara nnim, abɔfo a wɔwɔ ɔsoro ne Ɔba no mpo nnim, gye Agya no.+ 33  Monkɔ so nhwɛ, monkɔ so nwɛn,+ efisɛ munnim bere a wɔahyɛ no.+ 34  Ɛte sɛ ɔbarima bi a ɔretu kwan+ a ogyaw ne fie na ɔde hyɛɛ ne nkoa nsa, maa wɔn mu biara adwuma, na ɔhyɛɛ ɔpon ano hwɛfo no sɛ ɔnkɔ so nwɛn. 35  Enti monkɔ so nwɛn,+ efisɛ munnim bere a ofiewura no reba, sɛ ɛyɛ adesae* anaa ɔdasum* anaa akokɔbɔnee* anaa ahemadakye;*+ 36  na sɛ ɔba mpofirim a, wammɛto mo sɛ moadeda.+ 37  Na nea mereka akyerɛ mo yi mereka akyerɛ nnipa nyinaa, monkɔ so nwɛn.”+

Ase Hɔ Nsɛm

“Adesae.” Helafo ne Romafo bere a edi kan a wɔde wɛn anadwo, efi ase bere a owia akɔtɔ kosi bɛyɛ anadwo nnɔnkron.
“Ɔdasum.” Helafo ne Romafo bere a ɛto so abien a wɔde wɛn anadwo, efi ase bɛyɛ anadwo nnɔnkron kosi ɔdasum.
“Akokɔbɔnee.” Helafo ne Romafo bere a ɛto so abiɛsa a wɔde wɛn anadwo, efi ase anadwo kɔnkɔn kosi bɛyɛ anɔpa nnɔnabiɛsa.
“Ahemadakye.” Helafo ne Romafo bere a ɛto so anan a wɔde wɛn anadwo, efi ase bɛyɛ anɔpa nnɔnabiɛsa kosi bere a owia pue.