Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Luka 6:1-49

6  Afei homeda bi dui no ɔkɔfaa awifuw mu, na n’asuafo no pempan+ awi mmɛtem, posae wɔ wɔn nsam wee.+  Ɛnna Farisifo no bi kae sɛ: “Dɛn nti na moreyɛ nea mmara mma kwan+ sɛ wɔyɛ homeda yi?”+  Nanso Yesu bua see wɔn sɛ: “Monkenkanee nea Dawid+ yɛe bere a ɔkɔm dee ɔne mmarima a wɔka ne ho no?+  Sɛnea ɔkɔɔ Onyankopɔn fie kogyee paanoo a wɔde aba Onyankopɔn anim+ a mmara mma kwan sɛ obiara di, gye asɔfo nkutoo no, na odii de bi maa mmarima a wɔka ne ho no?”+  Na ɔtoaa so ka kyerɛɛ wɔn sɛ: “Homeda Wura ne Onipa Ba no.”+  Homeda+ foforo dui no ɔkɔɔ hyiadan mu, na ofii ase kyerɛkyerɛe. Ná ɔbarima bi wɔ hɔ a ne nsa nifa awu.+  Enti na akyerɛwfo ne Farisifo no rehwɛ+ no komm sɛ ebia ɔbɛsa yare homeda na wɔanya ɔkwan bi afa so abɔ no sobo.+  Ná onim wɔn adwene,+ nanso ɔka kyerɛɛ ɔbarima a ne nsa awu no sɛ: “Sɔre gyina mfinimfini hɔ.” Na ɔsɔre gyinaa hɔ.+  Ɛnna Yesu ka kyerɛɛ wɔn sɛ: “Merebisa mo, so mmara ma kwan sɛ wɔyɛ adepa+ anaa adebɔne homeda, sɛ wogye obi anaa sɛ wɔsɛe ɔkra bi?”+ 10  Na ɔhwɛɛ wɔn nyinaa hyiae no, ɔka kyerɛɛ ɔbarima no sɛ: “Teɛ wo nsa.” Ɔyɛɛ saa, na ne nsa no san yɛɛ yiye.+ 11  Na ɛmaa wɔn ani beree denneennen, na wotuu agyina hwɛɛ nea wɔde bɛyɛ Yesu.+ 12  Saa nna no mu no ɔkɔɔ bepɔw so kɔbɔɔ mpae,+ na ɔbɔɔ Onyankopɔn mpae anadwo mũ no nyinaa.+ 13  Na ade kyee no, ɔfrɛɛ n’asuafo no baa ne nkyɛn, na ɔpaw wɔn mu dumien frɛɛ wɔn “asomafo”:+ 14  Simon, a ɔsan frɛɛ no Petro,+ ne ne nua Andrea, ne Yakobo ne Yohane,+ ne Filipo+ ne Bartolomeo, 15  ne Mateo ne Toma,+ ne Alfeo ba Yakobo, ne Simon a wɔfrɛ no “nsiyɛfo no,”+ 16  ne Yakobo ba Yuda, ne Yuda Iskariot a ɔdan ɔfatwafo no.+ 17  Na ɔne wɔn sian begyinaa baabi a ɛhɔ da fam, na n’asuafo pii, ne nnipadɔm+ a wofi Yudea ne Yerusalem, ne Tiro ne Sidon mpoano nyinaa, bae sɛ wɔrebetie no na wasa wɔn yare.+ 18  Ɔsaa wɔn a ahonhom fĩ haw wɔn mpo yare. 19  Na nnipadɔm no nyinaa hwehwɛe sɛ wɔde wɔn nsa ka+ no, efisɛ na tumi+ fi ne mu ba, na ɛsaa wɔn nyinaa yare. 20  Na ɔmaa n’ani so kyerɛɛ n’asuafo no fii ase kae sɛ:+ “Anigye ne mo ahiafo,+ efisɛ mo na Onyankopɔn ahenni no yɛ mo dea. 21  “Anigye ne mo a mprempren ɔkɔm+ de mo, efisɛ wɔbɛma moamee.+ “Anigye ne mo a mprempren moresu, efisɛ mobɛserew.+ 22  “Anigye ne mo bere a nnipa tan+ mo, ne bere a woyi mo fi nnipa mu na wɔbɔ mo ahohora, na woyi+ mo din tow kyene sɛ nnebɔneyɛfo esiane onipa Ba no nti. 23  Mo ani nnye na munni ahurusi saa da no, na hwɛ! mo akatua sõ wɔ soro, efisɛ adekoro no ara bi na wɔn agyanom de yɛɛ adiyifo no.+ 24  “Nanso mo adefo munnue,+ efisɛ morenya mo awerɛkyekye nyinaa dedaw.+ 25  “Munnue, mo a mprempren wɔama moamee, efisɛ ɔkɔm bɛde mo.+ “Munnue, mo a mprempren moreserew, efisɛ mo werɛ bɛhow na moasu.+ 26  “Munnue, sɛ nnipa nyinaa ka mo ho asɛmpa a, efisɛ saa ara na wɔn agyanom yɛɛ atoro adiyifo no.+ 27  “Nanso mise mo a moretie yi sɛ, monkɔ so nnɔ mo atamfo,+ na monyɛ wɔn a wɔtan mo no papa,+ 28  na munhyira wɔn a wɔdome mo, na mommɔ mpae mma wɔn a wɔyaw mo.+ 29  Nea ɔbɔ w’asom no,+ dan fã a aka no nso ma no; na nea ɔfa+ w’atade nguguso no, mfa ase atade no mpo nkame no. 30  Obiara a obisa wo biribi no, ma no,+ na nea wafa wo nneɛma no, mmisa no bio. 31  “Afei nso, sɛnea mopɛ sɛ nnipa yɛ mo no, monyɛ wɔn saa ara.+ 32  “Na sɛ modɔ wɔn a wɔdɔ mo a, mfaso bɛn na ɛwɔ so ma mo? Abɔnefo mpo dɔ wɔn a wɔdɔ wɔn.+ 33  Na sɛ moyɛ papa ma wɔn a wɔyɛ mo papa a, mfaso bɛn koraa na ɛwɔ so ma mo? Abɔnefo mpo yɛ saa ara.+ 34  Afei nso, sɛ moma wɔn a mowɔ anidaso sɛ mubenya biribi afi wɔn nkyɛn no bosea*+ a, mfaso bɛn na ɛwɔ so ma mo? Abɔnefo mpo ma abɔnefo bosea na ama wɔanya pii afi wɔn hɔ.+ 35  Mmom no, monkɔ so nnɔ mo atamfo na monyɛ papa na momma afoforo bosea+ a mo ani nna so sɛ mubenya biribi akyiri yi; na mo akatua bɛyɛ kɛse, na mobɛyɛ Ɔsorosoroni no mma,+ efisɛ ne yam ye+ ma bonniayɛfo ne abɔnefo. 36  Monkɔ so nhu mmɔbɔ sɛnea mo Agya hu mmɔbɔ no.+ 37  “Bio nso, munnyae atɛn a mubu nkurɔfo no na wɔammu mo atɛn;+ na munnyae sɛ mubu nkurɔfo fɔ na wɔammu mo fɔ. Momfa nkyɛ na wɔde akyɛ mo.+ 38  Monkɔ so mma na nkurɔfo ama mo.+ Susukora pa a wɔamia so, awosow no ma abu so na wɔde begu mo ntama mu. Na susukora a mode susuw ma nkurɔfo no, ɛno ara na wɔde besusuw ama mo.”+ 39  Afei nso ɔmaa wɔn mfatoho bi sɛ: “So onifuraefo betumi akyerɛ onifuraefo kwan? So anka wɔn baanu nyinaa nkɔtɔ amoa mu?+ 40  Osuani nsen ne kyerɛkyerɛfo, nanso obiara a wɔakyerɛkyerɛ no yiye no bɛyɛ sɛ ne kyerɛkyerɛfo.+ 41  Ɛnde, dɛn nti na wohwɛ ntɛtɛwa a ɛda wo nua aniwa so, na wunhu mpuran a ɛda w’ankasa aniwa so?+ 42  Wobɛyɛ dɛn atumi aka akyerɛ wo nua sɛ: ‘Me nua, ma minyi ntɛtɛwa a ɛda w’aniwa so yi mma wo,’ bere a wunhu mpuran a ɛda w’ankasa aniwa so?+ Nyaatwomni! Di kan yi w’ankasa aniwa so mpuran no,+ na wubehu sɛnea wubeyi ntɛtɛwa a ɛda wo nua aniwa so no.+ 43  “Na dua pa biara nsow aba bɔne; bio nso dua bɔne biara nsow aba pa.+ 44  Na dua biara aba na wɔde hu.+ Sɛ nhwɛso no, nkurɔfo ntetew borɔdɔma mfi nsɔe so, na wontwa bobe mfi nkyɛkyerɛ so.+ 45  Onipa pa fi adepa a wakora so ne komam no mu yi adepa adi,+ nanso ɔbɔnefo fi nnebɔne a wakora so mu yi adebɔne adi; efisɛ nea ayɛ koma mã aboro so no na ano ka.+ 46  “Ɛnde, dɛn nti na mofrɛ me ‘Awurade! Awurade!’ nanso monyɛ nea meka no?+ 47  Obiara a ɔba me nkyɛn na ɔte me nsɛm na ɔyɛ no, mɛkyerɛ mo nea ɔsɛ no:+ 48  Ɔte sɛ ɔbarima bi a ɔresi dan, a otutuu fam kɔɔ akyiri na ɔtoo fapem wɔ ɔbotan so. Enti, bere a nsu yirii+ no, ɛbɛbɔɔ dan no, nanso antumi anwosow no, efisɛ wosii no yiye.+ 49  Nanso, nea ɔte me nsɛm na ɔnyɛ no,+ ɔte sɛ ɔbarima bi a osii ne dan sii asase so a wanto fapem. Na nsu yiri bɛbɔɔ no, na ebubui ntɛm ara, na saa dan no sɛee+ koraa.”+

Ase Hɔ Nsɛm

Kyerɛ sɛ, “bosea a mfɛntom nka ho.”