Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Luka 3:1-38

3  Tiberio Kaesare ahenni afe a ɛto so dunum mu, bere a na Pontio Pilato yɛ Yudea amrado, na Herode+ di Galilea mantam so na ne nua Filipo di Iturea ne Trakoniti amantam so, na Lisania di Abilene mantam so,  wɔ asɔfo mpanyin Anas ne Kaiafa+ nna no mu no, Onyankopɔn asɛm baa Sakaria ba Yohane+ nkyɛn wɔ sare so.+  Enti ɔbaa nkurow a atwa Yordan ho ahyia nyinaa mu bɛkaa asubɔ a ɛyɛ adwensakra ho sɛnkyerɛnne ma bɔne fafiri no ho asɛm,+  sɛnea wɔakyerɛw no odiyifo Yesaia nhoma mu sɛ: “Tie! Obi reteɛm wɔ sare so sɛ, ‘Munsiesie Yehowa kwan, momma n’akwan nteɛ.+  Momma abon nyinaa nyɛ mã, na munnwiriw mmepɔw ne nkoko nyinaa ngu fam, na nea akyea no momma ɛnteɛ na abonkyiabonkyi nnan akwan toromtorom;+  na ɔhonam nyinaa behu nea Onyankopɔn nam so gye nkwa no.’”+  Ɛnna ɔka kyerɛɛ nnipakuw a wɔreba sɛ ɔmmɔ wɔn asu no sɛ: “Nhurutoa mma,+ hena na ɔka kyerɛɛ mo sɛ munguan abufuw a ɛreba no?+  Monsow aba a ɛkyerɛ adwensakra.+ Na monnka wɔ mo mu sɛ, ‘Yɛn agya ne Abraham.’ Na mise mo sɛ Onyankopɔn betumi ama Abraham anya mma afi abo yi mu.  Nokwarem no, wɔde akuma no ato nnua no ntini ho dedaw; enti dua biara a ɛnsow aba pa no wobetwa de agu ogya mu.”+ 10  Nea na nnipakuw no bisa no ne sɛ: “Dɛn na yɛnyɛ?”+ 11  Na ɔno nso bua wɔn sɛ: “Nea ɔwɔ fam ntade abien no mma nea onni bi no bi, na nea ɔwɔ biribi di nyɛ saa ara.”+ 12  Na towgyefo mpo bae sɛ ɔmmɔ wɔn asu, na wobisaa no sɛ: “Ɔkyerɛkyerɛfo, dɛn na yɛnyɛ?”+ 13  Ɔka kyerɛɛ wɔn sɛ: “Munnnye mmmoro ɛtow a wɔatwa ato hɔ no.”+ 14  Asraafo nso bisabisaa no sɛ: “Dɛn na yɛn nso yɛnyɛ?” Ɛnna ɔka kyerɛɛ wɔn sɛ: “Munnnwoodwoo obiara na mommfa asɛm nnto+ obiara so, mmom momma mo ani nsɔ nea munya.”+ 15  Bere a na nnipa no hwɛ kwan na wɔn nyinaa susuw Yohane ho wɔ wɔn koma mu sɛ: “Gyama ɔno ne Kristo no anaa?” no,+ 16  Yohane bua see wɔn nyinaa sɛ: “Me de, mede nsu na ɛbɔ mo asu, na nea ɔwɔ tumi sen me reba a ne mpaboa hama mpo memfata sɛ mesan.+ Ɔno na ɔde honhom kronkron ne ogya bɛbɔ mo asu.+ 17  Okura ne nhuwso apaawa wɔ ne nsam a ɔde bɛpra n’awiporowbea fitafita, na waboaboa+ awi no ano agu n’asan so, na ntɛtɛwa+ no de, ɔde ogya+ a ennum da bɛhyew.” 18  Enti ɔsan de afotu bebree mae, na ɔkɔɔ so kaa asɛmpa kyerɛɛ nkurɔfo no. 19  Nanso esiane sɛ oyii Herode a ɔyɛ ɔmantam sodifo no ntɛn wɔ ne nua yere Herodia ho, ne nneɛma bɔne a Herode ayɛ nyinaa ho nti,+ 20  nea ɔyɛ kaa eyinom nyinaa ho ne sɛ, ɔde Yohane too afiase.+ 21  Bere a ɔbɔɔ nnipa no nyinaa asu no, ɔbɔɔ Yesu+ nso asu, na ɔrebɔ mpae no ɔsoro+ buei, 22  ɛnna honhom kronkron sian baa no so te sɛ aborɔnoma, na nne bi fi soro bae sɛ: “Woyɛ me Ba a medɔ wo; magye wo atom.”+ 23  Afei bere a Yesu ankasa hyɛɛ n’adwuma ase no,+ na wadi bɛyɛ mfe aduasa,+ na wohuu no sɛYosef+ ba,+Heli ba, 24  Matat ba,Lewi ba,Melki ba,Yanai ba,Yosef ba, 25  Matatia ba,Amos ba,Nahum ba,Esli ba,Nagai ba, 26  Mahat ba,Matatia ba,Semein ba,Yosek ba,Yoda ba, 27  Yoanan ba,Resa ba,Serubabel+ ba,Sealtiel+ ba,Neri ba, 28  Melki ba,Adi ba,Kosam ba,Elmadam ba,Er ba, 29  Yesu ba,Elieser ba,Yorim ba,Matat ba,Lewi ba, 30  Simeon ba,Yuda ba,Yosef ba,Yonam ba,Eliakim ba, 31  Melea ba,Mena ba,Matata ba,Natan+ ba,Dawid+ ba, 32  Yese+ ba,Obed+ ba,Boas+ ba,Salmon+ ba,Naason+ ba, 33  Aminadab+ ba,Arni+ ba,Hesron+ ba,Peres+ ba,Yuda+ ba, 34  Yakob+ ba,Isak+ ba,Abraham+ ba,Tera+ ba,Nahor+ ba, 35  Serug+ ba,Reu+ ba,Peleg+ ba,Eber+ ba,Sela+ ba, 36  Kainan ba,Arfaksad+ ba,Sem+ ba,Noa+ ba,Lamek+ ba, 37  Metusala+ ba,Enok+ ba,Yared+ ba,Mahalaleel+ ba,Kainan+ ba, 38  Enos+ ba,Set+ ba,Adam+ ba,Onyankopɔn ba.

Ase Hɔ Nsɛm