Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Luka 18:1-43

18  Afei ɔtoaa so maa wɔn mfatoho bi de kyerɛɛ sɛnea ehia sɛ wɔbɔ mpae daa a wɔmpa abaw,+  sɛ: “Ná ɔtemmufo bi wɔ kurow bi mu a onsuro Onyankopɔn na ommu onipa biara,  na na okunafo bi wɔ saa kurow no mu a ɔtaa kɔ+ ne nkyɛn kɔka sɛ, ‘Hwɛ sɛ wubebu atɛntrenee ama me wɔ me nkurobɔfo ho.’  Ɔtwentwɛn ne nan ase kakra, nanso akyiri yi ɔkae wɔ ne tirim sɛ, ‘Ɛwom sɛ minsuro Onyankopɔn na mimmu onipa de,  nanso, sɛnea okunafo yi kɔ so haw me nti,+ mɛhwɛ ma wanya atɛntrenee, na wamma ammeguan+ me ho koraa.’”  Afei Awurade kae sɛ: “Muntie nea ɔtemmufo a ɔnteɛ no mpo kae!  Nokwasɛm ni, ɛwom sɛ Onyankopɔn ma ne bo dwo kyɛ+ ma wɔn de, nanso so ɔremmu atɛntrenee+ mma wɔn a wɔapaw wɔn a wɔteɛm frɛ no awia ne anadwo no?  Mise mo sɛ, Obebu atɛntrenee ama wɔn ntɛm so.+ Nanso sɛ onipa Ba no ba a, obehu gyidi ankasa wɔ asase so?”  Na ɔde mfatoho yi nso maa ebinom a wogye wɔn ho di sɛ wɔyɛ treneefo+ na wommu wɔn a wɔaka no hwee no:+ 10  “Mmarima baanu kɔɔ asɔrefie kɔbɔɔ mpae, obiako yɛ Farisini na nea ɔka ne ho no yɛ towgyeni. 11  Farisini no sɔre gyinae+ na ofii ase bɔɔ mpae+ yi wɔ ne tirim sɛ, ‘O Onyankopɔn, meda wo ase sɛ mente sɛ nnipa a aka no, apoobɔfo, wɔn a wɔnteɛ, awaresɛefo, anaasɛ towgyeni yi mpo.+ 12  Midi mmuada mprenu nnawɔtwe, miyi nea minya nyinaa so ntotoso du du.’+ 13  Na towgyeni no a ogyina fã nohoa no ampɛ sɛ ɔma ne ti so hwɛ soro mpo, na mmom ɔbɔɔ ne koko+ ara kae sɛ, ‘O Onyankopɔn, hu me ɔdebɔneyɛfo+ yi mmɔbɔ.’ 14  Meka kyerɛ mo sɛ, ɔbarima yi san kɔɔ ne fie sɛ ɔtreneeni+ sen ɔbarima biako no; efisɛ obiara a ɔma ne ho so no wɔbɛbrɛ no ase, na nea ɔbrɛ ne ho ase no wɔbɛma no so.”+ 15  Afei nkurɔfo fii ase de wɔn mma nkokoaa brɛɛ no sɛ ɔmfa ne nsa nka wɔn; na n’asuafo no hui no wɔkaa wɔn anim.+ 16  Nanso, Yesu frɛɛ mmofra no baa ne nkyɛn kae sɛ: “Momma mmofra nkumaa no mmra me nkyɛn, na munnsiw wɔn kwan, efisɛ wɔn a wɔte saa+ na Onyankopɔn ahenni no yɛ wɔn dea. 17  Nokwarem mise mo sɛ, obiara a onnye Onyankopɔn ahenni sɛ abofra kumaa no renkɔ mu ɔkwan biara so.”+ 18  Na otumfoɔ bi bisaa no sɛ: “Ɔkyerɛkyerɛfo pa, dɛn na meyɛ a menya daa nkwa?”+ 19  Yesu ka kyerɛɛ no sɛ: “Dɛn nti na wofrɛ me papa? Obiara nyɛ papa gye obiako pɛ, Onyankopɔn.+ 20  Wunim mmara no,+ ‘Nsɛe aware,+ Nni awu,+ Mmɔ korɔn,+ Nni adansekurum,+ Di wo papa ne wo maame ni.’”+ 21  Ɛnna ɔkae sɛ: “Madi eyinom nyinaa so fi me mmofraase.”+ 22  Yesu tee ɛno no, ɔka kyerɛɛ no sɛ: “Nanso aka wo ade biako: Tɔn nea wowɔ nyinaa na kyekyɛ ma ahiafo, na wubenya ademude wɔ soro; na bra bedi m’akyi.”+ 23  Bere a ɔtee eyi no, ne werɛ howee paa, efisɛ na ɔyɛ ɔdefo ankasa.+ 24  Yesu hwɛɛ no kae sɛ: “Hwɛ den ara a ɛbɛyɛ ama wɔn a wɔwɔ sika sɛ wɔbɛkɔ Onyankopɔn ahenni mu!+ 25  Nokwarem no, ɛyɛ mmerɛw ma yoma sɛ ɔbɛfa paane aniwa mu sen sɛ ɔdefo bɛkɔ Onyankopɔn ahenni mu.”+ 26  Wɔn a wɔtee eyi no kae sɛ: “Ɛnde hena na obetumi anya nkwa ankasa?” 27  Ɔkae sɛ: “Nea ɛrentumi nyɛ yiye wɔ nnipa fam no betumi ayɛ yiye wɔ Onyankopɔn fam.”+ 28  Na Petro kae sɛ: “Hwɛ! Yɛagyaw yɛn nneɛma hɔ abedi w’akyi.”+ 29  Ɔka kyerɛɛ wɔn sɛ: “Nokwarem mise mo sɛ, obiara nni hɔ a wagyaw ofie anaasɛ ɔyere anaasɛ nuabarimanom anaasɛ awofo anaasɛ mma, Onyankopɔn ahenni nti,+ 30  a ɔrennya no mmɔho pii saa bere yi, ne daa nkwa+ wɔ bere* a ɛreba no mu.” 31  Afei ɔde dumien no kɔɔ nkyɛn kɔka kyerɛɛ wɔn sɛ: “Hwɛ! Yɛrekɔ Yerusalem na nea wɔnam adiyifo+ no so akyerɛw afa onipa Ba no ho nyinaa aba mu.+ 32  Sɛ nhwɛso no, wobeyi no ama amanaman mufo na wɔadi no ho fɛw+ na wɔabɔ no adapaa+ atete ntasu+ agu no so; 33  na wɔhwe+ no wie a wobekum+ no, na da a ɛto so abiɛsa no obenyan.”+ 34  Nanso, wɔante nneɛma yi mu biara ase; ná wɔde nsɛm yi ahintaw wɔn, na wonnim nea waka no.+ 35  Na bere a ɔrebɛn Yeriko no, na onifuraefo bi te kwankyɛn resrɛsrɛ ade.+ 36  Esiane sɛ ɔtee sɛ nnipakuw bi retwam nti, ofii ase bisabisaa nea eyi kyerɛ. 37  Wɔbɔɔ no amanneɛ sɛ: “Yesu, Nasareni no na ɔretwam!”+ 38  Ɛnna ɔteɛɛm sɛ: “Yesu, Dawid Ba, hu me mmɔbɔ!”+ 39  Na wɔn a wodi kan no teɛteɛɛ no sɛ ɔnyɛ komm, nanso ɛno koraa na ɔteɛteɛɛm denneennen kae sɛ: “Dawid Ba, hu me mmɔbɔ.”+ 40  Afei Yesu gyinae na ɔhyɛe sɛ wɔmfa ɔbarima no mmra ne nkyɛn.+ Oduu Yesu nkyɛn no, obisaa no sɛ: 41  “Dɛn na wopɛ sɛ meyɛ ma wo?”+ Ɔkae sɛ: “Awurade, ma minhu ade.”+ 42  Enti Yesu ka kyerɛɛ no sɛ: “Hu ade; wo gyidi ama wo ho asan wo.”+ 43  Na amonom hɔ ara ohuu ade,+ na ofii ase dii n’akyi a ɔrehyɛ Onyankopɔn anuonyam.+ Afei nso bere a nkurɔfo no nyinaa hui no, woyii Onyankopɔn ayɛ.

Ase Hɔ Nsɛm

Anaasɛ, “nneɛma nhyehyɛe,” Hela, ai·oʹni.