Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Luka 14:1-35

14  Na bere bi a ɔkɔɔ Farisifo atumfoɔ no mu biako fie homeda sɛ ɔrekodidi no,+ na nkurɔfo no rehwɛ no komm.+  Na hwɛ! na obi wɔ n’anim a wahonhon.  Enti Yesu bisaa wɔn a wonim Mmara no ne Farisifo no sɛ: “Mmara ma kwan sɛ wɔsa yare homeda anaasɛ ɛmma kwan?”+  Nanso wɔyɛɛ dinn. Enti osoo no mu saa no yare na ɔma ɔkɔe.  Na ɔka kyerɛɛ wɔn sɛ: “Mo mu hena na sɛ ne ba anaa ne nantwi tɔ abura mu a,+ ɔrenyi no mfi mu ntɛm ara homeda?”+  Na wɔantumi anyi saa nsɛm yi ano.+  Afei ɔtoaa so maa mfatoho bi kyerɛɛ nnipa a wɔato nsa afrɛ wɔn no, bere a ohuu sɛnea na wɔrepaw mpanyin tenabea no; osee wɔn sɛ:+  “Sɛ obi to nsa frɛ wo ayeforohyia ase a, ntena mpanyin tenabea.+ Ebia na wato nsa afrɛ obi a odi mũ sen wo,  na nea ɔtoo nsa frɛɛ wo ne no no bɛba abɛka akyerɛ wo sɛ, ‘Ma onipa yi ntena hɔ.’ Afei wode aniwu befi hɔ akɔtena baabi a ɛba fam koraa.+ 10  Mmom sɛ wɔto nsa frɛ wo a, kɔ na kɔtena baabi a ɛba fam koraa,+ na sɛ nea wato nsa afrɛ wo no ba a, waka akyerɛ wo sɛ ‘Damfo, foro kɔ soro.’ Ɛno bɛma woanya nidi wɔ wo mfɛfo a wɔahyia no nyinaa anim.+ 11  Na obiara a ɔma ne ho so no wɔbɛbrɛ no ase, na nea ɔbrɛ ne ho ase no wɔbɛma no so.”+ 12  Na ɔka kyerɛɛ ɔbarima a ɔtoo nsa frɛɛ no no nso sɛ: “Sɛ woto pon awia anaa anwummere a, mfrɛ wo nnamfo anaa wo nuanom anaa w’abusuafo anaa wo mfɛfo adefo. Ebia da bi wɔn nso bɛto nsa afrɛ wo na ayɛ sɛ wɔretua wo ka. 13  Na mmom sɛ woto pon a, to nsa frɛ ahiafo, mmubuafo, mpakye, ne anifuraefo;+ 14  na wubenya anigye, efisɛ wɔn de wonni biribiara a wɔde betua wo so ka. Na wubenya akatua wɔ treneefo wusɔre+ no mu.” 15  Bere a wɔn a wɔahyia hɔ no mu biako tee nsɛm yi no, ɔka kyerɛɛ no sɛ: “Anigye ne nea odidi wɔ Onyankopɔn ahenni mu.”+ 16  Yesu ka kyerɛɛ no sɛ: “Ná onipa bi reto pon kɛse anwummere bi, na ɔtoo nsa frɛɛ nnipa pii.+ 17  Na dɔn a wɔde bedi aduan no dui no, ɔsomaa n’akoa kɔɔ wɔn a wɔato nsa afrɛ wɔn no hɔ sɛ, ‘Mommra+ na afei wɔasiesie biribiara awie.’ 18  Nanso wɔn nyinaa fii ase yiyii wɔn ho ano.+ Nea odi kan no ka kyerɛɛ no sɛ, ‘Matɔ asase na ehia sɛ mekɔhwɛ; mesrɛ wo, yi me fi mu.’+ 19  Na ɔfoforo kae sɛ: ‘Matɔ anantwi mpamho anum na merekɔhwɛ sɛnea wɔte; mesrɛ wo, yi me fi mu.’+ 20  Ɔfoforo nso kae sɛ: ‘Mewaree me yere nkyɛe+ enti merentumi mma.’ 21  Enti akoa no bɛkaa nsɛm yi kyerɛɛ ne wura. Ɛnna ofiewura no bo fuwii na ɔka kyerɛɛ n’akoa no sɛ, ‘Kɔ kurow no akwan ne mmorɔn so ntɛm kɔfa ahiafo ne mmubuafo ne anifuraefo ne mpakye bra.’+ 22  Akyiri yi akoa no kae sɛ, ‘Owura, mayɛ nea wohyɛe no nanso kwan da so wɔ hɔ.’ 23  Na owura no ka kyerɛɛ akoa no sɛ, ‘Kɔ akwan so+ ne ban ho na hyɛ wɔn ma wɔmmra mu, na ama me fie ayɛ mã.+ 24  Na meka kyerɛ mo sɛ, nnipa a wɔtoo nsa frɛɛ wɔn no mu biara nni hɔ a m’aduan no bi bɛka n’ano.’”+ 25  Afei na nnipakuw kɛse bi ne no nam, na ɔdan ne ho ka kyerɛɛ wɔn sɛ: 26  “Sɛ obi ba me nkyɛn na ɔntan ne papa ne ne maame ne ne yere ne ne mma ne ne nuabarimanom ne ne nuabeanom ne n’ankasa mpo kra a,+ ɔrentumi nyɛ me suani.+ 27  Obiara a ɔnsoa n’asɛndua na onni m’akyi no ntumi nyɛ me suani.+ 28  Sɛ nhwɛso no, mo mu hena na ɔpɛ sɛ osi aban na onni kan ntena ase nsēsē+ nhwɛ sɛ ɔwɔ nea ɛdɔɔso a ɔde bewie? 29  Anyɛ saa a, ɔbɛto fapem no nanso ɔrentumi nwie, na wɔn a wɔhwɛ nyinaa befi ase adi ne ho fɛw, 30  aka sɛ, ‘Onipa yi fii ase sii nanso wantumi anwie.’ 31  Anaa ɔhene bɛn na sɛ ɔresim akohyia ɔhene foforo wɔ ɔko mu a, onni kan ntena ase ntu agyina nhwɛ sɛ obetumi de asraafo mpem du akohyia nea ɔde mpem aduonu reba no so no?+ 32  Nokwarem no, sɛ ɔrentumi nyɛ saa a, ɛnde bere a obiako no wɔ akyiri nohoa no, ɔsoma ahemmɔfo ma wɔkɔsrɛ sɛ wonni no asomdwoe mu.+ 33  Enti, munhu sɛ, mo mu biara a onnyaw n’ahode nyinaa hɔ+ no ntumi nyɛ me suani. 34  “Ɛyɛ nokware sɛ nkyene ye. Nanso sɛ nkyene ahoɔden fi mu a, dɛn na wɔde bɛhyɛ nkyene no?+ 35  Enye mma asase anaa sumina. Nkurɔfo tow gu abɔnten. Ma nea ɔwɔ aso a ɔde betie no ntie.”+

Ase Hɔ Nsɛm