Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Leviticus 12:1-8

12  Yehowa toaa so ka kyerɛɛ Mose sɛ:  “Ka kyerɛ Israelfo no sɛ, ‘Sɛ ɔbea nyinsɛn+ na ɔwo ɔbabarima a, ne ho rentew nnanson, te sɛ bere a wayɛ bra a ne ho ntew no ara.+  Da a ɛto so awotwe no wontwa abofra no twetia.+  Ma ɔntena fie nna aduasa abiɛsa bio mfa ntew ne ho mfi ne mogya mu. Ɛnsɛ sɛ ɔde ne nsa ka ade biara a ɛyɛ kronkron, na ɔmmma baabi a ɛhɔ yɛ kronkron kosi sɛ nna a ɔde bɛtew ne ho no bɛso.+  “‘Sɛ ɔwo ɔbea a, ne ho rentew nna dunan te sɛ bere a wayɛ bra a ne ho ntew no ara. Ɛsɛ sɛ ɔtena fie nna aduosia asia bio de tew ne ho fi ne mogya mu.  Sɛ ɔwo ɔbabarima anaa ɔbabea na n’ahotew nna no sa a, ɔde odwennini kumaa a wadi afe bɛbrɛ ɔsɔfo no ma ɔde abɔ ɔhyew afɔre+ ama no, na ɔde aborɔnoma ba anaa aburuburuw+ nso bɛba ma ɔde abɔ bɔne ho afɔre; ɔde eyinom nyinaa bɛbrɛ no wɔ ahyiae ntamadan no ano.  Ɔsɔfo no de bɛba Yehowa anim na wɔde apata ama no, na ne ho atew wɔ ne mogya mu.+ Eyi ne mmara a ɛwɔ hɔ ma ɔbea a ɔbɛwo ɔbarima anaa ɔbea no.  Na sɛ ne nsa ansõ oguan so a, ɛnde ɔmfa mmuruburuw abien anaa mmorɔnoma mma abien+ mmra, na wɔmfa biako mmɔ ɔhyew afɔre na wɔmfa biako nso mmɔ bɔne ho afɔre, na ɔsɔfo no mfa mpata+ mma no na ne ho atew.’”

Ase Hɔ Nsɛm