Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Kwadwom 1:1-22

א [ʼAʹleph] 1  O kurow a anka nnipa ayɛ mu mã no,+ hwɛ sɛ aka ne nkutoo!+Ɔbea a kan no na ɔwɔ dɔm sen aman nyinaa no,+ hwɛ sɛ wayɛ sɛ okunafo!+Amanaman mu ɔhemmaa no, hwɛ sɛ wadan afenaa!+ ב [Behth]   Osũ ara na osũ anadwo,+ na ne nusu nenam n’afono ho.+Onni ɔwerɛkyekyefo bi, n’adɔfo nyinaa mu.+Ne mfɛfo nyinaa atwa no nkontompo.+ Wɔadan n’atamfo.+ ג [Giʹmel]   Amanehunu ne nkoadwuma bebrebe+ nti, Yuda kɔ nkoasom mu.+Wakɔtena amanaman mu.+ Onnya homebea.N’ataafo nyinaa ato no, ahohia mu.+ ד [Daʹleth]   Sion akwan redi awerɛhow, efisɛ obi mma afahyɛ no ase.+N’aponkɛse nyinaa adeda mpan;+ n’asɔfo resi apini.+Awerɛhow ahyɛ ne mmaabun ma, na ɔno nso redi abooboo.+ ה [Heʼ]   N’asɛefo abedi ti.+ N’atamfo ayi wɔn ani ato nkyɛn.+Yehowa na ɔde awerɛhow aba no so, ne mmarato bebrebe no ho.+Ɛno nti na ne mma nso adi atamfo anim kɔ nkoasom mu no.+ ו [Waw]   Sion babea anuonyam nyinaa atu ayera.+Ne mpanyimfo ayɛ sɛ aforote a wonnya adidibea;+Wɔnenam ataafo anim a ahoɔden bi nni wɔn mu.+ ז [Zaʹyin]   Yerusalem ahokyere nna ne ne manfo adedamfikyiri mu no,Wakae ne kan nna mu afɛfɛde no nyinaa.+Bere a ne manfo kodii atamfo nsam na wannya ɔboafo no,+Atamfo huu no, na wɔserew no n’asehwe ho.+ ח [Chehth]   Bɔne na Yerusalem ayɛ.+ Ɛno nti na wadan atantanne no.+Wɔn a wodii no ni nyinaa abu no sɛ ade fõ,+ efisɛ wɔahu n’adagyaw.+Ɔno nso resi apini+ na wadan ne ho. ט [Tehth]   Ne ho fĩ akeka n’atade mu.+ Wankae daakye asɛm,+Na wabɔ fam ma ayɛ nwonwa. Onni ɔwerɛkyekyefo bi.+O Yehowa, hwɛ m’amanehunu,+ na ɔtamfo ama ne ho so.+ י [Yohdh] 10  Ɔtamfo atrɛw ne nsam n’afɛfɛde nyinaa so.+Wahu sɛ amanaman aba ne kronkronbea hɔ,+Wɔn a wohyɛe sɛ wɔmmma w’asafo mu no. כ [Kaph] 11  Ne manfo nyinaa resi apini; wɔrehwehwɛ aduan.+Wɔde wɔn afɛfɛde asesa aduan de ama wɔn kra amee.+O Yehowa, hwɛ na hu, na madan ohuhuni.+ ל [Laʹmedh] 12  Mo a moretwam ɔkwan no so nyinaa, enti ɛmfa mo ho? Monhwɛ na munhu.+So ɛyaw bi wɔ hɔ a ɛte sɛ me yaw a aka me yi,+Ɛyaw a Yehowa de ahow me werɛ n’abufuhyew+ da no? מ [Mem] 13  Ɔde ogya fi soro adu me nnompe mu,+ na odi ebiara so nkonim.Ɔde atena asum me nan afiri.+ Wama masan m’akyi.Wama mayɛ pasaa. Ɔyare abɔ me da mu nyinaa.+ נ [Nun] 14  Ɔde n’ani asi me bɔne so.+ Abobare ho wɔ ne nsam.Abedu me kɔn mu.+ M’ahoɔden asa.Yehowa de me ahyɛ wɔn a mintumi nnyina wɔn anim nsa.+ ס [Saʹmekh] 15  Yehowa atow me nnɔmmarima nyinaa afi me mu agu.+Wafrɛ nhyiam atia me sɛ wommubu me mmerante mu asinasin.+Yuda babea, ɔbaabun no, nsã-kyi-amoa+ mu na Yehowa atiatia.+ ע [ʽAʹyin] 16  Eyinom ho na meretew nusu.+ M’aniwa, m’aniwa rekyĩ nusu gu fam.+Ɔwerɛkyekyefo afi me ho kɔ akyirikyiri, nea obedwudwo me kra no.Me mma ayɛ pasaa,+ na ɔtamfo ama ne ho so.+ פ [Peʼ] 17  Sion atrɛw ne nsam.+ Onni ɔwerɛkyekyefo bi.+Yehowa ahyɛ wɔ Yakob ho sɛ wɔn a wɔatwa ne ho ahyia nyinaa nyɛ n’atamfo.+Yerusalem adan atantanne wɔn mu.+ צ [Tsa·dhehʹ] 18  Yehowa teɛ,+ na n’anom asɛm so atua na matew.+Aman nyinaa, muntie na munhu me yaw.Me mmaabun ne me mmerante kɔ nkoasom mu.+ ק [Qohph] 19  Mefrɛɛ m’adɔfo,+ na wɔdaadaa me.M’asɔfo ne me nkwakoraa agyaagyaa mu kurow no mu,+Bere a wɔrehwehwɛ biribi adi ama wɔn kra amee no.+ ר [Rehsh] 20  O Yehowa, hwɛ, na me ho akyere me. Me nsono mu hyehye me.+Me koma adan abutuw wɔ me yam,+ efisɛ matew atua kɛse.+Nkrante akunkum me mma wɔ abɔnten so.+ Na ofie nso, owu na ɛwɔ hɔ.+ ש [Shin] 21  Nkurɔfo ate sɛ meresi apini.+ Minni ɔwerɛkyekyefo bi.+M’atamfo nyinaa ate m’amanehunu no.+ Wɔbɔ ose, efisɛ wo na woayɛ.+Wobɛma ɛda a woahyɛ no adu,+ na wɔn nso ayɛ sɛ me.+ ת [Taw] 22  Ma wɔn nnebɔne nyinaa mmedu w’anim, na wo ne wɔn nni no yayaayaw,+Sɛnea me bɔne nyinaa nti wo ne me dii no yayaayaw no.+M’apinisi adɔɔso,+ na me koma yare.+

Ase Hɔ Nsɛm