Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Kolosefo 4:1-18

4  Mo, awuranom, monkɔ so ne mo nkoa nni wɔ ɔkwan a ɛteɛ na ɛfata so,+ efisɛ munim sɛ mo nso mowɔ Owura bi wɔ soro.+  Munkura mpaebɔ mu daa,+ na momfa aseda+ nkɔ so nwɛn wɔ mu,  na bere koro no ara nso mommɔ mpae mma yɛn+ na Onyankopɔn mmue ɔpon+ mma yɛnka Kristo ho ahintasɛm kronkron+ a enti mewɔ afiase mpokyerɛ+ mu no;  na ama mada no adi sɛnea ɛsɛ sɛ meka no.+  Monkɔ so nnantew nyansam wɔn a wɔnka mo ho+ no mu, na montɔ bere a mubenya+ biara.  Momma mo kasa ho mmra nyam+ bere nyinaa na nkyene+ mmra mu, na moahu sɛnea ɛsɛ sɛ mubua+ obiara.  Tihiko+ a ɔyɛ me nua a medɔ no ne ɔsomfo nokwafo ne me yɔnko akoa wɔ Awurade mu no bɛba abɛka me ho nsɛm nyinaa akyerɛ mo.  Nea ɛbɛyɛ na moate yɛn ho asɛm na afei wama mo koma atɔ mo yam+ no, meresoma no aba mo nkyɛn,  ɔne Onesimo,+ me nua ɔnokwafo a medɔ no, a ofi mo mu no. Wɔbɛma moate ɛha nsɛm nyinaa. 10  Aristarko+ a ɔyɛ me yɔnko deduani no kyia mo, na Barnaba busuani Marko+ (a wɔhyɛɛ mo sɛ, sɛ ɔba mo nkyɛn a, munnye no+ no) nso kyia mo, 11  ɛne Yesu a wɔfrɛ no Yusto no; wɔn na wofi wɔn a wɔatwa twetia mu. Eyinom nkutoo ne me mfɛfo adwumayɛfo wɔ Onyankopɔn ahenni no fam, na wɔabɛyɛ aboafo a wɔahyɛ me den. 12  Kristo Yesu akoa Epafra+ a ofi mo mu no kyia mo; daa ɔyere ne ho bɔ mpae ma mo, sɛnea ɛbɛyɛ a awiei koraa mubegyina hɔ pintinn,+ na moanya ahotoso kɛse wɔ Onyankopɔn apɛde nyinaa mu. 13  Na midi ne ho adanse sɛ ɔbɔ ne ho mmɔden pii ma mo ne wɔn a wɔwɔ Laodikea+ ne wɔn a wɔwɔ Hierapoli no. 14  Luka,+ yɛn dɔfo oduruyɛfo no kyia mo, ɔne Dema.+ 15  Munkyia anuanom a wɔwɔ Laodikea, na munkyia Nimfa ne asafo a ɛwɔ ne fie+ no mma me. 16  Na sɛ mokenkan krataa yi wɔ mo hɔ wie a, monyɛ nhyehyɛe mma wɔnkenkan+ wɔ Laodikeafo asafo no nso mu, na mo nso monkenkan Laodikea de no. 17  Afei nso monka nkyerɛ Arkipo+ sɛ: “Hwɛ ɔsom adwuma a wugyee no Awurade mu no so, na wie.” 18  Me Paulo, me nkyia a mede m’ankasa me nsa akyerɛw ni.+ Monkɔ so nkae mpokyerɛ mu a meda wɔ afiase+ no. Adom nka mo.

Ase Hɔ Nsɛm