Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Kolosefo 3:1-25

3  Enti, sɛ wɔanyan mo+ ne Kristo a, monkɔ so nhwehwɛ nneɛma a ɛwɔ soro,+ baabi a Kristo te wɔ Onyankopɔn nsa nifa so+ no.  Momfa mo adwene nsi nneɛma a ɛwɔ soro so,+ na ɛnyɛ nneɛma a ɛwɔ asase so.+  Na muwui,+ na wɔde mo nkwa+ ne Kristo ahintaw Onyankopɔn mu.+  Sɛ wɔda Kristo, yɛn nkwa+ no, adi a, mo nso wɔbɛda mo adi+ aka ne ho anuonyam mu.+  Enti, munkum+ mo nipadua akwaa+ a ɛwɔ asase so no wɔ aguamammɔ, afide, nna ho akɔnnɔ,+ nkate bɔne, ne anibere+ a ɛyɛ abosonsom ho.  Saa nneɛma yi nti na Onyankopɔn abufuw reba.+  Mo nso bere bi a na mote eyinom mu no, monantew saa ara.+  Nanso afei munyi ne nyinaa ngu,+ bobɔne, abufuw, nnebɔne, ɔkasatia,+ na mommma kasafĩ+ mmfi mo anom mmpue.  Munnnidi atoro nnkyerɛ mo ho.+ Munyi nipasu dedaw+ no ne ne nneyɛe ngu, 10  na monhyɛ nipasu foforo+ a wɔnam nokware nimdeɛ so reyɛ no foforo sɛnea Onii a ɔbɔe no suban+ te, 11  baabi a Helani anaa Yudani nni hɔ, twetiatwa anaa momonoto nni hɔ, ɔnanani, Skiteni, akoa anaa ɔdehye+ nni hɔ, na mmom Kristo ne ade nyinaa wɔn nyinaa mu no.+ 12  Enti sɛ́ nnipa a Onyankopɔn apaw mo,+ akronkronfo ne adɔfo no, monhyɛ ayamhyehye,+ ayamye, ahobrɛase adwene,+ odwo,+ ne abodwokyɛre.+ 13  Sɛ obi wɔ asɛm+ tia ne yɔnko a, monkɔ so nnya mo ho abotare na momfa mfirifiri mo ho korakora.+ Sɛnea Yehowa de afiri mo+ no, mo nso monyɛ saa ara. 14  Na eyinom nyinaa akyi no, monhyɛ ɔdɔ+ efisɛ ɛyɛ koroyɛ hama+ a ɛyɛ pɛ. 15  Bio nso, momma Kristo asomdwoe+ nni mo koma+ so, na ɛno mu na wɔfrɛɛ mo bae wɔ nipadua biako+ mu. Monkyerɛ nneɛma ho anisɔ. 16  Momma Kristo asɛm no ntena mo mu mmoro so nyansa+ nyinaa mu. Monkɔ so mfa nnwom,+ ayeyi, ne honhom mu nnwom+ a ɛho wɔ nyam nkyerɛkyerɛ+ mo ho mfa ntutu mo ho fo, na monto nnwom mo koma mu mma Yehowa.+ 17  Na biribiara a moyɛ no, kasa mu oo, adwuma mu oo,+ monyɛ ne nyinaa wɔ Awurade Yesu din mu+ mfa no so nna Agya Onyankopɔn ase.+ 18  Ɔyerenom, mommrɛ mo ho ase+ mma mo kununom, sɛnea ɛfata Awurade mu. 19  Okununom, monkɔ so nnɔ mo yerenom+ na mommma mo bo mmfuw wɔn denneennen.+ 20  Mma, muntie mo awofo asɛm+ ade nyinaa mu, na eyi na ɛsɔ ani Awurade mu. 21  Agyanom, monnhyɛ mo mma abufuw+ na wɔn abam ammu. 22  Nkoa, muntie mo honam fam wuranom asɛm ade nyinaa mu,+ ɛnyɛ nnipa ani so som, sɛ wɔn a wɔsɔ nnipa ani,+ na mmom koma a emu tew mu, Yehowa suro+ mu. 23  Biribiara a moreyɛ no, mumfi ɔkra nyinaa mu nyɛ+ no sɛ moyɛ ma Yehowa+ na ɛnyɛ nnipa, 24  efisɛ munim sɛ Yehowa nsam+ na mubenya akatua a ɛfata no sɛ apɛgyade.+ Monsom Owura Kristo no sɛ nkoa.+ 25  Nokwarem no, nea ɔyɛ bɔne no benya adebɔne a ɔyɛe no so akatua,+ na animhwɛ nnim.+

Ase Hɔ Nsɛm