Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Kolosefo 2:1-23

2  Na mepɛ sɛ muhu aperepere+ kɛse a meredi ma mo ne wɔn a wɔwɔ Laodikea+ ne wɔn a wonhuu m’anim ɔhonam mu no nyinaa,  na ama wɔanya awerɛkyekye,+ sɛnea ɛbɛyɛ a wɔde biakoyɛ bɛbom wɔ ɔdɔ+ mu na wɔanya ahonyade a ɛne wɔn ntease a esi pi,+ na wɔanya Onyankopɔn ahintasɛm kronkron a ɛne Kristo no ho nokware nimdeɛ.+  Ɔno mu na wɔakora ademude nyinaa, nyansa de ne nimdeɛ de.+  Mereka eyi na obi amfa adɛfɛdɛfɛsɛm annaadaa mo.+  Na ɛwom sɛ minni hɔ ɔhonam mu de, nanso me ne mo wɔ hɔ wɔ honhom mu,+ na m’ani agye na mahu mo nhyehyɛe pa+ ne mo gyidi pintinn+ wɔ Kristo mu.  Enti sɛnea moagye Awurade Kristo Yesu no, monkɔ so nnantew ne mu+  nnye ntini,+ na wɔnto mo+ nsi no so na muntintim wɔ gyidi no mu,+ sɛnea wɔkyerɛkyerɛɛ mo no, na mo gyidi aboro so aseda mu.+  Monhwɛ yiye: anhwɛ a obi de nyansapɛ+ ne nnaadaa+ hunu a egyina nnipa atetesɛm ne wiase mu nneɛma+ so a ennyina Kristo so bɛfa+ mo nnommum;  efisɛ nyamesu+ ayɛ mã+ wɔ ne nipadua mu. 10  Enti monam ɔno a ɔyɛ nniso ne tumidi nyinaa ti no so ayɛ mã.+ 11  Ɔno a mo ne no bɔe+ no ama wɔatwa mo nso twetia+ a wɔamfa nsa na etwae na mmom woyii ɔhonam nipadua+ no fii hɔ wɔ Kristo twetiatwa mu, 12  efisɛ wosiee mo ne no wɔ n’asubɔ mu,+ na ɔno a mo ne no bɔe no ama wɔanyan+ mo abom nso denam Onyankopɔn a onyan no fii awufo mu+ no nnwuma+ mu gyidi a mowɔ so.+ 13  Bio nso, ɛwom sɛ na moawu wɔ mo mfomso ne mo honam momonotoyɛ mu de, nanso Onyankopɔn maa mo ne no baa nkwa mu bio.+ Ɔdom de yɛn mfomso nyinaa kyɛɛ yɛn,+ 14  na ɔpopaa+ nsaano nkyerɛwee+ a ahyɛde+ wom a na etia yɛn+ no fii hɔ; na wayi afi kwan mu de abɔ+ asɛndua mu.+ 15  Ɔpaa nniso ne tumidi+ ahorow no ho, na ɔde wɔn kyerɛe pefee wɔ baguam sɛ wadi wɔn so nkonim,+ na ɔnam asɛndua no so dii wɔn anim wɔ nkonimdi aperententu+ mu. 16  Enti mommma obiara mmmu mo atɛn+ wɔ adidi ne ɔnom+ anaa afahyɛ+ anaa ɔsram foforo+ anaa homedadi ho;+ 17  na saa nneɛma no yɛ nea ɛreba no sunsuma,+ na nea edi mũ ankasa+ no yɛ Kristo dea.+ 18  Mommma obi nnyɛ mmma nkonimbo+ no mmmɔ mo,+ obi a ɔwɔ ɔkraman ahobrɛase a ɔpɛ ɔsom a wɔde ma abɔfo, nea “ogyina” nneɛma a ohu mu na ne honam nsusuwii ma ɔyɛ ahomaso a ntease nnim, 19  a ɔmmata ti+ no ho, nea nipadua nyinaa nam n’akwaa ntini ahorow so nya nea ehia na ɛtoatoam wɔ koroyɛ mu,+ na ɛkɔ so nyin sɛnea Onyankopɔn de ma no sɛ ennyin no.+ 20  Sɛ mo ne Kristo wui+ wɔ wiase no mu nneɛma ho a,+ adɛn nti na moyɛ mo ade sɛnea moda so wɔ wiase na mode ahyɛde+ ahorow yi to mo ho so bio sɛ: 21  “Munnso mu, monnka nnhwɛ,+ na mommfa mo nsa nnka,”+ 22  wɔ nneɛma a wɔde ne nyinaa bɛyɛ ade ama asɛe ho, sɛnea nnipa ahyɛde ne wɔn nkyerɛkyerɛ te?+ 23  Saa nneɛma no nyinaa yɛ wɔn ankasa som mu ade a nnipa anim no, ayɛ sɛ nea nyansa wom nanso ɛyɛ ɔkraman ahobrɛase a ɛma wɔn ankasa nipadua mpo, wodi no nya;+ nanso tumi biara nnim a ebetumi ako atia ɔhonam akɔnnɔ.+

Ase Hɔ Nsɛm