Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hosea 8:1-14

8  “Fa abɛn tua w’ano!+ Na ɔbɛba Yehowa fie so te sɛ ɔkɔre,+ efisɛ wɔabu m’apam so+ na wɔato me mmara.+  Wosu frɛ me sɛ, ‘O yɛn Nyankopɔn, yɛn Israelfo de, wo na yenim wo.’+  “Israel atow papa akyene.+ Enti ma ɔtamfo ntiw no.+  Wɔasisi ahene+ nanso me nsa nnim. Na wɔasisi abirɛmpɔn nanso minnim ho hwee. Wɔde wɔn dwetɛ ne wɔn sika ayeyɛ ahoni,+ enti wobetwa wɔn afi hɔ.+  O Samaria, wɔatwa wo nantwi ba no afi hɔ.+ M’abufuw asɔ wɔ wɔn so.+ Enkosi da bɛn na mobɛman afi bemdi ho?+  Eyi fi Israel.+ Samaria nantwi ba no yɛ odwumfo nsa ano adwuma,+ na ebebubu pasaa+ efisɛ ɛnyɛ Onyankopɔn.  “Wodua mframa, na wobetwa ahum.+ Awi biara nnyina hɔ.+ Na nea esi hɔ no wɔrennya esiam mfi mu.+ Na sɛ wonya bi mpo a, ahɔho na wobedi ne nyinaa.+  “Wɔbɛmene Israel.+ Na wɔbɛkɔ amanaman no mu+ te sɛ anwenne bi a obiara mpɛ.+  Wɔkɔ Asiria+ te sɛ sare so afurum a watew ne ho.+ Na Efraim abɔ adɔfo paa.+ 10  Na sɛ wɔbɔ wɔn paa wɔ amanaman+ no mu mpo a, mɛboaboa wɔn ano; na ɔhene ne abirɛmpɔn kɔndua nti, wobehu amane kakra.+ 11  “Efraim akeka afɔremuka abobɔ so de yɛ bɔne.+ Wanya afɔremuka bebree de yɛ bɔne.+ 12  Mekyerɛw me mmara nsɛm pii maa no;+ nanso wobuu ne nyinaa adehunu bi.+ 13  Wɔde nam bɔɔ m’ayɛyɛde afɔre,+ na wodii nea Yehowa ani nnye ho.+ Enti ɔbɛkae wɔn amumɔyɛ na wabu wɔn bɔne ho atɛn.+ Na wɔsan kɔɔ Egypt.+ 14  Israel werɛ fii ne Yɛfo,+ na osisii abosonnan;+ na Yuda nso kekaa nkurow dennen bɔɔ so.+ Enti mɛma ogya akɔ ne nkurow so akɔhyew emu aban akɛse nyinaa.”+

Ase Hɔ Nsɛm