Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hiob 8:1-22

8  Ɛnna Bildad a ofi Suha+ no kae sɛ:   “Wobɛkeka nsɛm yi akosi da bɛn,+Bere a w’anom nsɛm nyɛ hwee sɛ mframa+ a ano yɛ den yi?   So Onyankopɔn bɛkyea atemmu,+Na ade nyinaa so Tumfoɔ bɛkyea atɛntrenee?+   Sɛ wo mma ayɛ no bɔne a,Wɔn atuatew so aba na wama wɔatwa.   Sɛ w’ankasa wobɛhwehwɛ Onyankopɔn,+Na woahwehwɛ ade nyinaa so Tumfoɔ anim dom a,   Sɛ woyɛ obi a ne ho tew na ɔteɛ+ a,Anka sesɛɛ wasɔre agyina ama wo,Na wasan ama woanya wo trenee tenabea.   Anka wo mfiase bɛyɛ ade ketewa de,Nanso w’awiei bɛyɛ kokuroo.+   Wo de, bisa awo ntoatoaso a abɛsen kɔ no,+Na pɛɛpɛɛ nea wɔn papanom hwehwɛ hui no mu.+   Yɛn de, nnɛra yi ara na yɛbae,+ na yennim hwee,Efisɛ yɛn nna wɔ asase yi so yɛ sunsuma.+ 10  So ɛnyɛ wɔn na wɔbɛkyerɛkyerɛ wo, na wɔaka akyerɛ wo?Na wɔrenyiyi nsɛm mfi wɔn komam anaa? 11  Mmɛw+ betumi anyin yiye nea ɔwora nni?Demmire betumi ayɛ kɛse baabi a nsu nni? 12  Bere a ennya nguu nhwiren na wonnya ntwae no,Ɛwo gyaw sare a aka nyinaa.+ 13  Saa na wɔn a wɔn werɛ fi Onyankopɔn no nyinaa akwan te,+Na ɔwaefo de, n’anidaso bɛyera;+ 14  Wotwa n’ahotoso fi hɔ,Na n’awerɛhyem yɛ ananse ntontan.+ 15  Obetweri ne dan, nanso ɛrennyina;Obeso mu, nanso ɛrenni gyina. 16  Nsu ayɛ no mã wɔ owia mu,Na ne mmaa atrɛtrɛw wɔ ne turo mu.+ 17  Ne ntini wurawura abokuw mu,N’aniwa hu abo dan. 18  Sɛ wɔmene no fi ne tenabea+ a,Ɛbɛpo no, na aka akyerɛ no sɛ, ‘Minhuu wo da.’+ 19  Hwɛ! Saa na ne kwan bɛsɛe;+Na mfutuma mu na afoforo befifi. 20  Hwɛ! Onyankopɔn rempo obiara a ne ho nni asɛm,Na adebɔneyɛfo nso, ɔrenso wɔn nsa; 21  Ɔde ɔserew bɛhyɛ w’anom ma,Na wama w’ano abɔ ose. 22  Aniwu na wɔde befura wɔn a wɔtan wo,+Na nnebɔneyɛfo ntamadan befi hɔ.”

Ase Hɔ Nsɛm