Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hiob 40:1-24

40  Na Yehowa buaa Hiob sɛ:   “Ɔtɛnyifo bi betumi ne ade nyinaa so Tumfoɔ no ayiyi nsɛm ano?+ Ma nea ɔteɛ Onyankopɔn so no mmua.”+  Ɛnna Hiob buaa Yehowa sɛ:   “Ao! Mensɛ hwee.+Dɛn na mede beyi wo ano?Mede me nsa ato m’ano.+   Pɛnkoro na makasa, na merenkasa bio,Ne mprenu, na merenka hwee bio.”  Ɛnna Yehowa fi ahum+ mu buaa Hiob sɛ:   “Bɔ w’asen sɛ dɔmmarima ɛ;+Ma mimmisa wo na kyerɛ me.+   Wubetumi anya asɛm aka wɔ m’atɛntrenee ho?Wubebu me ɔdebɔneyɛfo na woadi bem?+   Anaasɛ wowɔ nokware Nyankopɔn basa no bi,+Na wubetumi de ɛnne te sɛ ne de ama aprannaa abobom?+ 10  Fa kɛseyɛ+ ne tumidi+ hyehyɛ wo ho;Na fa nidi+ ne anuonyam+ fura. 11  Hwie w’abufuw a ɛboro so no,+Na hwehwɛ ɔhantanni biara na brɛ no ase. 12  Hwehwɛ ɔhantanni biara, brɛ no ase,+Na tiatia nnebɔneyɛfo so baabiara a wɔwɔ. 13  Fa wɔn nyinaa sie dɔte mu,+Kyekyere wɔn gu ahintawee mu, 14  Anka me na mɛkamfo wo,Efisɛ wo nsa nifa betumi agye wo. 15  Hwɛ susono a meyɛɛ no ne wo nyinaa no.Wura na ɔwe+ sɛ nantwi. 16  N’asen mu na ne tumi wɔ,Na n’ahoɔden dodow no+ wɔ ne yafunu ntini mu. 17  Ɔkõa ne dua sɛ kyeneduru;Ne srɛ mu ntini abobare ho. 18  Ne nnompe te sɛ kɔbere dorobɛn;Ne nnompe mu den te sɛ dade. 19  Ɔyɛ Onyankopɔn akwan mfiase;Ne Bɔfo+ na obetumi de nkrante abɛn no. 20  Mmepɔw na efifi aduan ma no,+Na ɛhɔ na wuram mmoa nyinaa di agoru. 21  Nsɔe nnua ase na ɔda,Demmire+ ahintawee ne ɔwora mu.+ 22  Nsɔe nnua nwini kata no so;Subon ano nnua twa ne ho hyia. 23  Asubɔnten ano yɛ den a, ɔmfa ahopopo nguan.Sɛ Yordan+ yiri bɔ ano mpo a, onsuro. 24  Obi betumi agyina n’anim akyere no anaa?Obi betumi de afiri ahwirew ne hwene mu?

Ase Hɔ Nsɛm