Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hiob 35:1-16

35  Elihu toaa ne nsɛm no so sɛ:   “Eyi na wubu no trenee no?Woka sɛ, ‘Meteɛ sen Onyankopɔn.’+   Ampa ara woka sɛ, ‘Mfaso bɛn na wunya?+Mfaso bɛn na ɛwɔ so sen sɛ anka mɛyɛ bɔne?’+   Mɛma wo mmuae,Wo ne wo nnamfo+ a wɔka wo ho no.   Ma w’ani so hwɛ ɔsoro,+Hwɛ omununkum+ sɛ ɛkorɔn sen wo koraa.   Sɛ woyɛ bɔne a, dɛn na woyɛ tia no?+Na sɛ w’atuatew dɔɔso a, dɛn na ɛyɛ no?   Sɛ woyɛ nea ɛteɛ a, dɛn na ɛde ma no,Na dɛn na onya fi wo nsam?+   Onipa te sɛ wo na w’amumɔyɛ betumi atia no,+Na sɛ woyɛ adetrenee a, onipa desani mmom na woyɛ ma no.+   Nhyɛso bebrebe nti wɔteɛm hwehwɛ mmoa;+Nnipa akɛse basa nti wosu hwehwɛ mmoa.+ 10  Nanso wɔn mu biara nka sɛ, ‘Ɛhe na Onyankopɔn, me Bɔfo Kɛse no wɔ,+Nea ɔma wɔto nnwom anadwo no?’+ 11  Ɔno na ɔkyerɛkyerɛ+ yɛn sen asase so mmoa,+Na ɔma yehu nyansa sen wim nnomaa. 12  Wɔteɛm, nanso ommua,+Nnebɔneyɛfo ahantan nti.+ 13  Efisɛ nkontompo de, Onyankopɔn ntie,+Na ade nyinaa so Tumfoɔ no nhwɛ.+ 14  Na sɛ woka sɛ wunhu no a, ɛnde obebu wo dɛn!+Asɛm no da n’anim, enti twɛn no ara.+ 15  Ɔmmɛtwee asõ n’abufuw mu,+Enti ɔmfaa n’adwene nkɔɔ kasa hunu no so.+ 16  Hiob bue n’ano kwa;Ɔkeka nsɛm pii kɛkɛ a nimdeɛ nnim.”+

Ase Hɔ Nsɛm