Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hiob 30:1-31

30  “Afei de nkurɔfo reserew me,+ Nnipa a manyin sen wɔn,+ Wɔn a anka meremfa wɔn agyanom Nto me nguankuw akraman mpo mu.   Wɔn nsam tumi no—dɛn na ɛyɛ maa me? Ahoɔden biara nni wɔn mu.+   Ohia ne ɔkɔm nti wɔatwintwam, Na kwayow so na wodidi,+ Baabi a nnɛra na ahum ne ɔsɛe wɔ.   Nkyenhaban na wɔtetewee wɔ wura mu, Na sisia nnua na ɛyɛɛ wɔn aduan.   Wɔpampam wɔn fii nnipa mu;+ Nkurɔfo huroo wɔn sɛ ɔkorɔmfo.   Subon nsianee so na wɔtenatenae, Asase ntokuru ne abotan mu.   Nnua ntam na wɔteɛteɛɛm; Nsasono ase na wɔboaboaa wɔn ho ano.   Ogyimfo+ mma, ne nea onni din mma, Wɔde mpire apam wɔn afi asase no so.   Nanso afei de, wɔde me to dwom,+ Na mayɛ asereserede ama wɔn.+ 10  Wɔtan me, wɔatwe wɔn ho afi me ho kɔ akyirikyiri;+ Na wɔamfa ntasu nso ankame m’anim.+ 11  Onyankopɔn agow m’agyan hama mu na wabrɛ me ase; Nkurɔfo yi wɔn ano nnareka wɔ me so. 12  Me nifa so, wɔsɔre gyina sɛ ahuhufo asefo; Wogyaa me nan, Nanso wɔde ɔsɛe ban sisi m’anim.+ 13  Wɔadwiriw m’akwan; Hwee nni wɔn ho sɛ amanehunu nko na wɔde ba me so,+ Na wɔanhia obiara mmoa. 14  Wɔba sɛnea wɔnam ɔkwan a ɛtrɛw so; Ahum mu na wofi tu ba me so. 15  Mpofirim ahude adan aba me so; Wɔapam me nidi sɛ mframa, Na me nkwagye atwam kɔ sɛ omununkum. 16  Mprempren de, me kra rehi wɔ me mu;+ Amanehunu nna+ aso me mu. 17  Anadwo, me nnompe+ mu tutu me ma ehunhuan, Na nea ɛwe me no nnyae da.+ 18  Emu den ma m’atade sakra; Ɛkyekyere me sɛ m’atade kɔn. 19  Watow me akyene dɔte mu, Enti mayɛ sɛ mfutuma ne nsõ. 20  Misu frɛ wo sɛ boa me, nanso wunnye me so;+ Masɔre agyina hɔ sɛ tie me. 21  Woadan otirimɔdenfo ama me;+ Wode wo nsa mu ahoɔden nyinaa anya me ho menasepɔw. 22  Woma me so kyerɛ mframa, na wode me tena so; Afei wonan me hooyɛ mu. 23  Me de, minim sɛ owu mu na wobɛsan de me akɔ,+ Ne ofie a ateasefo nyinaa hyia mu. 24  Nanso obi nteɛ ne nsa nka nea asɛe awie yi,+ Na nea waporɔw no, obiara nhwehwɛ mmoa mma no n’ahohia mu. 25  Ampa ara, masu ama nea ɔwɔ amanehunu mu;+ Me kra adi ohiani ho awerɛhow.+ 26  Metwɛn adepa, nanso bɔne na ɛbae;+ M’ani daa hann so, nanso kusuuyɛ na ɛbae. 27  Me nsono hurui na anyɛ komm; Amanehunu nna hyiaa me. 28  Awerɛhow+ mu na menantewee esum mu; Mesɔree wɔ asafo no mu, na misu hwehwɛɛ ɔboafo. 29  Madan sakraman nua, Ne sohori mma adamfo.+ 30  Me were ayɛ tumm,+ na ɛwaewae fi me ho; Me nnompe awo ma ayɛ hyew. 31  Me sankuten adan awerɛhow, Na m’abɛn wɔ hɔ ma asufo nne.

Ase Hɔ Nsɛm