Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 9:1-11

9  Na ɔteɛɛm denneennen guu m’asom sɛ: “Ma wɔn a wɔde kurow no ahyɛ wɔn nsa no mu biara mfa ne dade a ɔde bɛsɛe kurow no nkura ne nsam mmra!”  Na ɛhɔ ara na mmarima baasia fii atifi+ ponkɛse a ɛhwɛ atifi fam no kwan so bae a obiara kura dade a ɔde bɛsɛe kurow no, na na ɔbarima biako ka wɔn ho a ɔhyɛ nwera+ a ɔkyerɛwfo toa bɔ n’asen, na wobegyinagyinaa kɔbere afɔremuka+ no ho.  Afei woyii Israel Nyankopɔn anuonyam+ a ɛwɔ kerubim+ so no baa ofie no pon ano,+ na ɔfrɛɛ ɔbarima a ɔhyɛ nwera+ a ɔkyerɛwfo toa bɔ n’asen no.  Na Yehowa toaa so ka kyerɛɛ no sɛ: “Sen fa kurow no mu, Yerusalem abɔnten, na hyɛ wɔn a wɔresi apini na wɔredi akyide a wɔyɛ wɔ hɔ+ nyinaa ho abooboo+ no moma so agyirae.”  Na ɔka kyerɛɛ wɔn a wɔaka no sɛ: “Munni n’akyi mfa kurow no mu na munkunkum wɔn. Munnhu obiara mmɔbɔ na mommma mo yam nnhyehye mo mmma wɔn.+  Nkwakoraa, mmerante ne mmabaa, mmofra ne mmea,+ munkunkum wɔn pasaa. Na obiara a wɔahyɛ no agyirae no de, mommmɛn no,+ na mumfi ase mfi me kronkronbea hɔ.”+ Enti wofii ase wɔ nkwakoraa a wɔwɔ fie no anim no so.+  Na ɔka kyerɛɛ wɔn bio sɛ: “Mungu fie no ho fĩ na munkunkum nnipa nhyɛ adiwo hɔ mã.+ Monkɔ!” Na wofii adi kokunkum nnipa wɔ kurow no mu.  Afei bere a wɔrekunkum nnipa no a mihui sɛ aka me nkutoo no, mede m’anim butuw fam+ teɛɛm sɛ: “Ao,+ Awurade Tumfoɔ Yehowa! Enti wubehwie w’abufuw agu Yerusalem so asɛe Israelfo a wɔaka nyinaa?”+  Na ɔka kyerɛɛ me sɛ: “Israel fie ne Yuda+ bɔne sõ papaapa;+ mogyahwiegu+ ahyɛ asase no so mã, na akɔntɔnkyesɛm+ ahyɛ kurow no mã, na wɔka sɛ, ‘Yehowa agyaw asase no,+ na Yehowa nhu.’+ 10  Enti me nso merenhu obiara mmɔbɔ+ na meremma me yam nhyehye me mma wɔn.+ Mɛma wɔn akwan adan aba wɔn ti so.”+ 11  Afei ɔbarima a ɔhyɛ nwera a toa bɔ n’asen no bɛbɔɔ amanneɛ sɛ: “Mayɛ sɛnea wokae no pɛpɛɛpɛ.”+

Ase Hɔ Nsɛm