Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 35:1-15

35  Na Yehowa san ka kyerɛɛ me sɛ:  “Onipa ba, fa w’ani kyerɛ+ Seir+ bepɔw na hyɛ nkɔm tia no.+  Na ka kyerɛ no sɛ, ‘Nea Awurade Tumfoɔ Yehowa aka ni: “Seir bepɔw,+ me ne wo wɔ asɛm, na mɛteɛ me nsa wɔ wo so+ na mama woasɛe pasaa adan amamfõ.+  Mɛma wo nkurow asɛe pasaa, na wo nso woadan amamfõ;+ na wubehu sɛ mene Yehowa,+  efisɛ wotan Israel daa+ na wuyii wɔn maa nkrante+ wɔn amanehunu bere mu,+ wɔn bɔne a etwa to mu.”’+  “Awurade Tumfoɔ Yehowa asɛm ni, ‘Sɛ mete ase yi, esiane sɛ misiesiee wo maa mogya nti, mogya bedi w’akyi.+ Wotan mogya, nanso mogya na ebedi w’akyi.+  Mɛma Seir bepɔw asɛe pasaa adan amamfõ,+ na metwa nea ɔretwam ne nea ɔresan nyinaa afi so.+  Na mɛma wɔakunkum nnipa ahyɛ ne mmepɔw so mã, na wɔn a wɔbɛtotɔ nkrante ano no bɛhyɛ wo nkoko ne w’abon ne wo nsubɔnten nyinaa mã.+  Mɛma woayɛ amamfõ daa na wo nkurow ada mpan,+ na mubehu sɛ mene Yehowa.’+ 10  “Esiane sɛ wokae sɛ, ‘Saa aman abien ne nsase abien yi bɛyɛ me dea, na yɛbɛfa ne nyinaa,’+ bere a Yehowa ankasa wɔ hɔ+ nti, 11  Awurade Tumfoɔ Yehowa asɛm ni, ‘Sɛ mete ase yi, esiane sɛ wotan wɔn na wo ne wɔn dii wɔ abufuw ne anibere so nti,+ me nso me ne wo bedi no saa ara; na sɛ mibu wo atɛn a, mɛma wɔahu me.+ 12  Na wubehu sɛ me Yehowa, mate nsɛm a woaka atia Israel mmepɔw+ no nyinaa sɛ: “Wɔadan amamfõ, na wɔde wɔn ama yɛn sɛ aduan.”+ 13  Mode mo ano ka akokurokosɛm+ woro nsɛm pii tia me.+ Mate ne nyinaa.’+ 14  “Nea Awurade Tumfoɔ Yehowa aka ni, ‘Bere a asase nyinaa di ahurusi no, mɛma woadan amamfõ. 15  Esiane sɛ w’ani gyei sɛ Israel fie agyapade asɛe pasaa nti, saa ara na mɛyɛ wo.+ O Seir bepɔw, wobɛdan amamfõ, Edom nyinaa, ne nyinaa;+ na wobehu sɛ mene Yehowa.’”+

Ase Hɔ Nsɛm