Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 33:1-33

33  Na Yehowa ka kyerɛɛ me sɛ:  “Onipa ba, wo ne wo man mma nkasa+ na ka kyerɛ wɔn sɛ, “‘Sɛ mede nkrante ba asase no so,+ na asase no sofo nyinaa yɛ nokoro yi ɔbarima bi sɛ wɔn wɛmfo,+  na ohu sɛ nkrante reba asase no so, na ɔhyɛn abɛn bɔ ɔman no kɔkɔ,+  na obi te abɛn no nanso wamfa kɔkɔbɔ no anyɛ hwee,+ na nkrante no bɛfa no kɔ a, ne mogya begu n’atifi.+  Ɔtee abɛn no, nanso wamfa kɔkɔbɔ no anyɛ hwee. Enti ne mogya begu n’atifi. Sɛ otiee kɔkɔbɔ no a, anka obegye ne kra.+  “‘Na sɛ ɔwɛmfo no hu sɛ nkrante reba na wanhyɛn abɛn+ ammɔ ɔman no kɔkɔ na nkrante no bɛfa ɔkra bi kɔ a, ɔno de, ne bɔne nti na afa no kɔ,+ nanso ne mogya de, mebisa afi ɔwɛmfo no nsam.’+  “Na wo onipa ba, mayɛ wo ɔwɛmfo ama Israel fie,+ enti tie m’anom asɛm na fa bɔ wɔn kɔkɔ ma me.+  Sɛ meka kyerɛ ɔbɔnefo sɛ, ‘Ɔbɔnefo, owu na wubewu,’+ na woankasa ankyerɛ ɔbɔnefo no ammɔ no kɔkɔ amma wamfi ne kwan so a,+ ɔbɔnefo no bewu n’amumɔyɛ mu,+ nanso ne mogya de, mebisa afi wo nsam.  Na sɛ wobɔ ɔbɔnefo kɔkɔ sɛ ɔnsan mfi ne kwan so na wansan a, obewu n’amumɔyɛ mu,+ na wo de, wubegye wo kra.+ 10  “Onipa ba, ka kyerɛ Israel fie sɛ, ‘Mo de, moka sɛ: “Esiane sɛ yɛn atuatew ne yɛn bɔne da yɛn so na ama yɛaporɔw atetew+ nti, yɛbɛyɛ dɛn anya nkwa?”’+ 11  Ka kyerɛ wɔn sɛ, ‘“Sɛ mete ase yi, m’ani nnye ɔbɔnefo wu ho,+ na mmom sɛ ɔbɔnefo bɛsan+ afi ne kwan so na wanya nkwa.+ Enti monsan, monsan mfi mo akwammɔne so.+ Adɛn koraa nti na morebewuwu yi, Israel fie?”’+ Awurade Tumfoɔ Yehowa asɛm ni. 12  “Onipa ba, ka kyerɛ wo manfo sɛ, ‘Da a ɔtreneeni bɛtew atua no, ne trenee ntumi nnye no.+ Na da a ɔbɔnefo bɛsan afi ne bɔne ho no, ne bɔne rento no hintidua.+ Saa ara na da a ɔtreneeni bɛyɛ bɔne no, ne trenee no rennye no nkwa.+ 13  Sɛ meka kyerɛ ɔtreneeni sɛ: “Wubenya nkwa,” na ɔde ne ho to ne trenee so na okodi amumɔyɛsɛm a,+ wɔrenkae ne trenee no koraa, na mmom n’amumɔyɛ nti, obewu.+ 14  “‘Na sɛ meka kyerɛ ɔbɔnefo sɛ: “Owu na wubewu,”+ na ɔsan fi ne bɔne ho+ na odi asɛntrenee yɛ nea ɛteɛ,+ 15  na ɔbɔnefo no de ohiani awowade san ma no,+ na otua nea ɔbɔɔ apoo gyei,+ na odi ahyɛde a ɛma nkwa no so, na wanni amumɔyɛsɛm biara a,+ obenya nkwa,+ ɔrenwu. 16  Wɔrenkae bɔne a wayɛ no mu biara.+ Esiane sɛ wadi asɛntrenee ayɛ nea ɛteɛ nti, obenya nkwa.’+ 17  “Na wo manfo ka sɛ, ‘Yehowa akwan nteɛ.’+ Nanso wɔn mmom na wɔn akwan nteɛ. 18  “Sɛ ɔtreneeni dan fi ne trenee ho kodi amumɔyɛsɛm a, eyi mu na obewu.+ 19  Na sɛ ɔbɔnefo dan fi ne kwammɔne so bedi asɛntrenee na ɔyɛ nea ɛteɛ a, eyi ho nti obenya nkwa.+ 20  “Na moka sɛ, ‘Yehowa akwan nteɛ.’+ Nanso Israel fie, mebu mo mu biara atɛn sɛnea n’akwan te.”+ 21  Afei bere a wɔfaa yɛn nnommum no akyi afe a ɛto so dumien, ɔsram a ɛto so du no da a ɛto so anum no, obi guan fii Yerusalem baa me nkyɛn+ bɛka kyerɛɛ me sɛ: “Wɔabɔ kurow no!”+ 22  Na ansa na nea waguan no reba no, Yehowa nsa baa me so anwummere no,+ na obuee m’ano ansa na oyi reba me nkyɛn anɔpa, na m’ano buei ma mitumi kasae.+ 23  Na Yehowa ka kyerɛɛ me sɛ: 24  “Onipa ba, wɔn a wɔtete Israel mmeae a asɛe+ yi ka sɛ, ‘Ná Abraham yɛ obiakofo nanso odii asase no so.+ Yɛn de, yɛdɔɔso; wɔde asase no ama yɛn sɛ yɛmfa.’+ 25  “Afei ka kyerɛ wɔn sɛ, ‘Nea Awurade Tumfoɔ Yehowa aka ni: “Mudi mogya ka nam ho,+ moma mo ani so kyerɛ mo abosom fĩ,+ na daa muhwie mogya gu.+ Enti mubenya asase no adi so anaa?+ 26  Mode mo ho ato mo nkrante so,+ moayɛ akyide,+ na obiara agu ne yɔnko yere ho fĩ.+ Enti mubenya asase no adi so anaa?”’+ 27  “Ka kyerɛ wɔn sɛ, ‘Nea Awurade Tumfoɔ Yehowa aka ni: “Sɛ mete ase yi, wɔn a wɔtete mmeae a asɛe no bɛtotɔ nkrante ano;+ na nea ɔte wuram no, mɛma mmoa bɔne awe no;+ na wɔn a wɔtete abannennen ne abodan+ mu no, owuyare bekunkum wɔn. 28  Na mɛma asase no asɛe pasaa+ na ne tumi mu ahantan to betwa,+ na Israel mmepɔw bɛdan amamfõ,+ na obiara remfa so. 29  Sɛ akyide a wɔayɛ nyinaa nti,+ mesɛe asase no pasaa+ ma ɛdan amamfõ a, wobehu sɛ mene Yehowa.”’ 30  “O onipa ba, wo man mma rekeka wo ho nsɛm wɔ afasu ho ne afie apon ano.+ Oyi ka kyerɛ ne yɔnko, obiara ne ne nua sɛ, ‘Mommra mmetie asɛm a efi Yehowa hɔ aba.’+ 31  Na wɔbɛba wo nkyɛn yuu abɛtenatena w’anim te sɛ me man;+ na wɔbɛte wo nsɛm, nanso wɔrenni so,+ efisɛ akɔnnɔ bɔne ahyɛ wɔn anom mã, na wɔn koma di mfaso bɔne akyi.+ 32  Hwɛ, wote sɛ obi a ɔto ɔdɔ nnwom wɔ wɔn ani so, obi a ne nne yɛ dɛ a onim sankubɔ yiye.+ Wɔbɛte wo nsɛm, nanso obiara renni so.+ 33  Na sɛ enya ba mu a—hwɛ, ɛbɛba mu+ nso—wobehu sɛ odiyifo bi tenaa wɔn mu.”+

Ase Hɔ Nsɛm