Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 29:1-21

29  Afe a ɛto so du, ɔsram a ɛto so du no da a ɛto so dumien no, Yehowa ka kyerɛɛ me sɛ:  “Onipa ba, fa w’ani si Egypt hene Farao+ so na hyɛ ɔne Egypt nyinaa ho nkɔm.+  Ka sɛ, ‘Nea Awurade Tumfoɔ Yehowa aka ni: “Hwɛ, me ne wo anya, Egypt hene Farao,+ asuboa kɛse+ a woda Nil asuasu mu,+ wo a woka sɛ, ‘Asubɔnten Nil yɛ me dea, na m’ankasa na meyɛ fae’+ no.  Mede akɔtɔkoro bɛhyehyɛ w’afono mu+ na mama Nil asuasu mu mpataa afomfam w’abona ho. Na meyi wo ne mpataa a ɛfomfam w’abona ho no nyinaa afi Nil asuasu mu.  Mɛtow wo ne Nil asuasu mu mpataa nyinaa agu sare so.+ Na wobɛkɔ akɔtɔ wuram wɔ petee mu.+ Wɔrentase wo na wɔremmoa w’ano. Na mede wo bɛma wuram mmoa ne wim nnomaa sɛ aduan.+  Na Egyptfo nyinaa behu sɛ mene Yehowa,+ efisɛ wɔbɛyɛɛ demmire poma maa Israel fie.+  Bere a wosoo wo mu no, wubukawee+ na womaa wɔn mmati hunhuanee. Na bere a wɔde wɔn ho twerii wo no, wububui+ ma wɔn sisi wosowee.”+  “‘Enti nea Awurade Tumfoɔ Yehowa aka ni: “Mede nkrante reba wo so,+ na metwitwa nnipa ne nyɛmmoa nyinaa afi hɔ.+  Egypt asase bɛsɛe adan amamfõ,+ na wobehu sɛ mene Yehowa, efisɛ ɔkae sɛ, ‘Asubɔnten Nil wɔ me, na m’ankasa na meyɛe.’+ 10  Enti me ne wo ne Nil asuasu anya,+ na mɛma Egypt asase asɛe, na ɛso awo, na adan amamfõ+ afi Migdol+ akosi Sine+ ne Etiopia ahye so nyinaa. 11  Ɔdesani+ anaa ayɛmmoa biara nan remfa so,+ na wɔrentena so mfe aduanan.+ 12  Na mɛma Egypt asase adan amamfõ mu amamfõ;+ na ne nkurow bɛda mpan wɔ nkurow a asɛe mu mfe aduanan,+ na mɛbɔ Egyptfo apete aman so na mabɔ wɔn apansam nsase so.”+ 13  “‘Nea Awurade Tumfoɔ Yehowa aka ni: “Mfe aduanan no ba awiei a,+ mɛboaboa Egyptfo ano afi aman a wɔbɔɔ wɔn pansam so no mu.+ 14  Na mede Egyptfo a wɔwɔ nkoasom mu no bɛsan aba wɔn akyi wɔ Patros+ asase so, na wɔbɛbrɛ wɔn ahenni no ase wɔ hɔ. 15  Na ɛbɛba fam asen ahenni a aka no, na ɛremma ne ho so wɔ aman a aka no so bio,+ na mɛma wɔn so ahuan na wɔanhyɛ amanaman no so.+ 16  Na Israel fie remfa wɔn ho nto no so bio,+ na wɔankodi wɔn akyi ankae wɔn bɔne.+ Na wobehu sɛ mene Awurade Tumfoɔ Yehowa.”’” 17  Afe a ɛto so aduonu ason, ɔsram a edi kan no da a edi kan no, Yehowa ka kyerɛɛ me sɛ: 18  “Onipa ba, Babilon hene Nebukadresar+ maa n’asraafo kɔyɛɛ Tiro ho adwuma.+ Na eti nyinaa so popae na mmati nyinaa ho worɔworɔwee.+ Nanso ɔne n’asraafo no annya akatua+ biara amfi dwuma a wokodii Tiro no mu. 19  “Enti nea Awurade Tumfoɔ Yehowa aka ni, ‘Mede Egypt asase bɛhyɛ Babilon hene Nebukadresar nsa,+ na ɔbɛfa n’ahode anya asade pii,+ na wafom emu nneɛma nyinaa; ɛno na ɛbɛyɛ n’asraafo no akatua.’ 20  “‘Na mede Egypt asase bɛma no sɛ ne som ho akatua, efisɛ wɔyɛ maa me,’+ Awurade Tumfoɔ Yehowa asɛm ni. 21  “Saa da no, mɛma abɛn bi afifi wɔ Israel fie+ na mama woabue w’ano wɔ wɔn mu;+ na wobehu sɛ mene Yehowa.”

Ase Hɔ Nsɛm