Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 28:1-26

28  Yehowa toaa so ka kyerɛɛ me sɛ:  “Onipa ba, ka kyerɛ Tiro ɔkannifo sɛ, ‘Nea Awurade Tumfoɔ Yehowa aka ni: “‘“Esiane sɛ wo koma ahoman,+ na woka sɛ, ‘Meyɛ onyame,+ na mete anyamegua so+ wɔ po komam tɔnn,’+ bere a woyɛ ɔdesani+ na wonyɛ onyame,+ na woma wo koma yɛ sɛ onyame koma nti  hwɛ, wunim nyansa sen Daniel.+ Na ahintasɛm biara nni hɔ a ɛboro wo so.+  Wo nyansa ne wo nhumu ama woanya wo ho, na daa wunya sika ne dwetɛ wɔ w’akorae.+  Wode wo nyansa+ dodow ne w’aguade+ anya wo ho tam,+ na w’ahonya dodow ama wo koma ahoman.”’+  “‘Enti nea Awurade Tumfoɔ Yehowa aka ni: “Esiane sɛ woama wo koma ayɛ sɛ onyame koma nti,+  mede ahɔho bɛba wo so,+ atirimɔdenfo a wɔhyɛ aman so,+ na wɔde wɔn nkrante bɛsɛe wo nyansa fɛfɛ no na wɔahura w’anuonyam ho.+  Wɔde wo besian akɔ amoa mu tɔnn,+ na wubewu atɔfo wu wɔ po komam.+  So wobɛka akyerɛ nea ɔrekum wo no sɛ, ‘Meyɛ onyame,’+ bere a woyɛ ɔdesani na wonyɛ onyame no?+ Wobɛka saa wɔ wɔn a wɔrehura wo ho no nsam?”’ 10  “‘Wubewu momonotofo wu wɔ ahɔho nsam;+ me na maka,’ Awurade Tumfoɔ Yehowa asɛm ni.” 11  Na Yehowa toaa so ka kyerɛɛ me sɛ: 12  “Onipa ba, twa Tiro hene ho kwadwom,+ na ka kyerɛ no sɛ, ‘Nea Awurade Tumfoɔ Yehowa aka ni: “‘“Woyɛ pɛyɛ sɛso, nyansa ahyɛ wo mã,+ na w’ahoɔfɛ wie pɛyɛ.+ 13  Wote Eden, Onyankopɔn turom.+ Na aboɔden abo nyinaa yɛ wo nkataho, abo kɔkɔɔ, akraatebo, ahwehwɛbo, sikaberebo, sohambo,+ yasepe, hoabo, nsrammabo,+ ne ahabammonobo, na sika na wɔde hyehyɛɛ ne nyinaa. Da a wɔbɔɔ wo no na wɔde maa wo. 14  Mede wo sii hɔ sɛ kerubim a wɔasra no a ɔkata so. Onyankopɔn bepɔw kronkron so na wotenae.+ Na ogya abo ntam na wonantewee. 15  Da a wɔbɔɔ wo no, na w’akwan nyinaa teɛ+ kosii sɛ wohuu nea ɛnteɛ wɔ wo mu.+ 16  “‘“W’aguade dodow nti,+ wɔde amumɔyɛ hyɛɛ wo mã, na woyɛɛ bɔne.+ Enti metu wo sɛ abusude afi Onyankopɔn bepɔw so. O kerubim a ɔkata so, mɛsɛe wo+ atu w’ase afi ogya abo no ntam. 17  “‘“W’ahoɔfɛ nti, wo koma ahoman.+ Na w’anuonyam nti, woasɛe wo nyansa.+ Mɛtow wo akyene asase so+ na mede wo agyina ahene anim ma wɔahwɛ wo.+ 18  “‘“W’amumɔyɛ dodow+ ne w’aguadi bɔne nti,+ woahura wo kronkronbea ho. Mɛma ogya afi wo mu aba, na ɛno na ɛbɛhyew wo.+ Mɛma woadan nsõ wɔ asase so, wɔn a wɔhwɛ wo nyinaa anim.+ 19  Aman horow mufo a wonim wo nyinaa bɛtɛɛ wɔn anom ahwɛ wo.+ Na mɛma ehu abubu wo, na wɔrenhu wo bio da biara da.”’”+ 20  Na Yehowa toaa so ka kyerɛɛ me sɛ: 21  “Onipa ba, fa w’ani kyerɛ Sidon+ na hyɛ ne ho nkɔm. 22  Na ka sɛ, ‘Nea Awurade Tumfoɔ Yehowa aka ni: “O Sidon, me ne wo anya asɛm,+ na mɛhyɛ me ho anuonyam wɔ wo mu.+ Na sɛ mibu atɛn+ wɔ ne mu, na me din ho tew a,+ nnipa behu sɛ mene Yehowa. 23  Mɛma owuyare aba no so na mogya atene afa ne mmɔnten so.+ Nkrante bɛba no so wɔ afã nyinaa ma nnipa atotɔ,+ na nnipa behu sɛ mene Yehowa.+ 24  Na ohwirom bɔne+ biara remma Israel fie so bio, na nsɔe a ano yɛ yaw remfi wɔn a wɔatwa wɔn ho ahyia a wodi wɔn ho fɛw no mu mma bio; na wobehu sɛ mene Awurade Tumfoɔ Yehowa.”’ 25  “‘Nea Awurade Tumfoɔ Yehowa aka ni: “Sɛ meboaboa Israel fie ano fi aman a wɔapete wɔn kɔ so no mu a,+ me din ho bɛtew wɔ amanaman no anim.+ Na wɔbɛtena wɔn asase so,+ asase a mede maa m’akoa Yakob no.+ 26  Wɔbɛtena so dwoodwoo+ na wɔasisi adan+ ayeyɛ bobe nturo.+ Bere a mabu wɔn a wɔatwa wɔn ho ahyia a wodi wɔn ho fɛw no atɛn no,+ wɔbɛtena ase dwoodwoo;+ na wobehu sɛ mene Yehowa wɔn Nyankopɔn.”’”

Ase Hɔ Nsɛm