Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 27:1-36

27  Na Yehowa san ka kyerɛɛ me sɛ:  “Onipa ba, twa Tiro ho kwadwom.+  Na ka kyerɛ Tiro sɛ: “‘Wo a wote po abobow ano,+ oguadini a wo ne nsuano aman pii di gua,+ nea Awurade Tumfoɔ Yehowa aka ni: “O Tiro, wo na wokae sɛ, ‘M’ahoɔfɛ wie pɛyɛ.’+  W’asase da po komam tɔnn.+ Wɔn a wɔyɛɛ wo ama w’ahoɔfɛ awie pɛyɛ.+  Senir+ ɔpopaw mu mpuran na wɔde yɛɛ wo ho nyinaa, na Lebanon+ kyeneduru na wɔde yɛɛ wo hyɛnnua.  Basan adum na wɔde yɛɛ w’atabon. Na Kitim+ nsupɔw so kwabɔhɔrɔ a wɔde asommɛn asiesie ho na wɔde yɛɛ w’anim.  Egypt nwera a ɛyɛ fɛ+ na wɔde yɛɛ wo so ntama, wo mframatama. Na hama bruu+ ne ɔtankɔkɔɔ+ a efi Elisah+ nsupɔw so na wɔde yɛɛ wo nkataso.  “‘“Sidonfo+ ne Awadfo+ ne w’aharefo. O Tiro, w’animdefo+ a wɔwɔ wo mu no bɛyɛɛ w’ahyɛn mu adwumayɛfo.+  Gebal+ mpanyimfo ne emu animdefo na wotuatuaa wo mu ntokuru.+ Na po so ahyɛn ne emu adwumayɛfo nyinaa baa wo nkyɛn ne wo bedii gua. 10  Persia+ ne Ludim+ ne Put+ mmarima yɛ w’asraafo, w’akofo. Wɔde ɔkyɛm ne dade kyɛw sensɛn wo ho;+ wɔn na wɔma woyɛɛ kɛse. 11  Awadfo+ ne w’asraafo atwa w’afasu ho ahyia, na mmarima akokodurufo wɔ w’aban so. Wɔde wɔn akyɛm sensɛn w’afasu ho hyiae,+ na wɔmaa w’ahoɔfɛ wiee pɛyɛ. 12  “‘“Wo ne Tarsis+ dii gua, nnepa ahorow pii nti.+ Wode wo nneɛma maa no de gyee ne dwetɛ, dade, sanyaa, ne sumpii.+ 13  Wo ne Yawan+ ne Tubal+ ne Mesek+ dii gua. Na wode w’aguade maa wɔn de gyee nnipa akra+ ne kɔbere nneɛma. 14  Wɔde apɔnkɔ ne ako-pɔnkɔ ne mfurumpɔnkɔ fi Togarma+ fie bae de begyee wo nneɛma. 15  Dedanfo+ ne wo dii gua; na nsuano aman bebree dii gua maa wo, na wɔde asommɛn+ ne duabo tuaa wo ka. 16  Edomfo ne wo dii gua, w’aguade pii nti. Na wode wo nneɛma maa wɔn de gyee nsrammabo,+ ɔtankɔkɔɔ, nwentama, mmota, ne aboɔden abo kɔkɔɔ. 17  “‘“Wo ne Yuda ne Israel dii gua. Wode w’aguade maa wɔn+ de gyee Minit+ awi,+ aduan pa, ɛwo,+ ngo, ne balsam aduhuam.+ 18  “‘“Wo ne Damasko+ dii gua wɔ nneɛma pii mu, efisɛ na wowɔ nnepa pii, na ɔno nso maa wo Helbon nsã+ ne oguan nhwi a ani dum. 19  Wedan ne Yawan fi Usal bae ne wo bedii gua. Wɔde dade nneɛma ne kasia dua ne sibiri huamhuam+ brɛɛ wo de gyee w’aguade. 20  Wo ne Dedanfo+ dii gua ma wɔmaa wo nwentama a wɔde to apɔnkɔ so tena so. 21  Arabiafo+ ne Kedar+ abirɛmpɔn nyinaa dii gua maa wo. Wodii nguammaa ne adwennini ne mpapo+ ho gua maa wo. 22  Wo ne Saba+ ne Raama+ aguadifo dii gua, na wode wo nneɛma maa wɔn de gyee nnuhuam papa ne aboɔden abo nyinaa bi ne sika kɔkɔɔ.+ 23  Wo ne Haran+ ne Kane ne Eden+ a wɔyɛ Saba,+ Asur+ ne Kilmad aguadifo dii gua. 24  Wɔne wo dii gua, na wɔde ntade fɛfɛ, nguguso a wɔde ntama bruu ne ntama ahorow ahorow ayɛ, kuntu a wɔde asaawa abien abom ayɛ, ne ahama a wɔakyinkyim no denneennen baa wo gua so. 25  “‘“Tarsis+ ahyɛn soaa w’aguade maa wo, na ama woayɛ mã na w’anim aba nyam wɔ po komam tɔnn.+ 26  “‘“Wɔn a wɔhare wo no de wo aba po bun mu pɛɛ,+ na apuei mframa abubu wo wɔ po komam tɔnn.+ 27  Wo nnepa ne nneɛma a wotɔn,+ w’aguade,+ w’ahyɛn mufo ne emu adwumayɛfo,+ wɔn a wotuatua wo mu ntokuru,+ w’aguadifo ne w’akofo+ nyinaa, w’asafo ne wɔn a wɔwɔ wo mu nyinaa bɛsɛe wɔ po komam tɔnn, da a wobɛhwe ase no.+ 28  “‘“Wo hyɛn mu adwumayɛfo bɛteɛm ama mpoano nsase awosow.+ 29  Wɔn a wokura atabon, ne hyɛn mufo, ne po so adwumayɛfo nyinaa besisi afi wɔn ahyɛn mu abegyinagyina asase so.+ 30  Wɔbɛma wɔn nne so asu wo yayaayaw.+ Na wɔde mfutuma begu wɔn atifi+ amunumunum wɔ nsõ mu.+ 31  Wo nti, wɔbɛbɔ tikwaw+ afurafura atweaatam+ na wɔn kra de awerɛhow asu wo yayaayaw.+ 32  Na wobetwa wo ho kwadwom atwa adwo sɛ,+ “‘“‘Hena na ɔte sɛ Tiro,+ hena na ɔte sɛ ɔno a wɔama wayɛ komm wɔ po mfinimfini yi?+ 33  Bere a wode w’aguade+ fi po so bae no,+ womaa aman pii mee.+ Wode wo nnepa pii ne w’aguade maa asase so ahene nyaa wɔn ho.+ 34  Afei po no abubu wo wɔ subun mu tɔnn.+ Wo ne w’aguade ne w’asafo+ nyinaa amem. 35  Nsuano aman+ nyinaa bɛtɛɛ wɔn anom ahwɛ wo, na awɔse begu wɔn ahene.+ Na obiara benyinyan n’anim.+ 36  Aguadifo a wofi aman horow so bɛbɔ wo so hwirema.+ Mɛma ehu abubu wo, na wɔrenhu wo bio da biara da.’”’”+

Ase Hɔ Nsɛm