Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 22:1-31

22  Yehowa san ka kyerɛɛ me sɛ:  “Onipa ba, wubebu atɛn,+ wubebu mogya kurow+ no atɛn ama wahu n’abofonode nyinaa?+  Na ka sɛ, ‘Nea Awurade Tumfoɔ Yehowa aka ni: “O kurow a ehwie mogya gu+ kosi sɛ ne bere bɛso,+ kurow a ayɛ abosom fĩ de agu ne ho fĩ,+  mogya a wuhwie gui no ama woadi fɔ,+ na abosom fĩ a woyɛe no ama wo ho agu fĩ.+ Woama wo nna abɛn, na wo mfe bɛba awiei. Ɛno nti mɛma amanaman abɔ wo ahohora na nsase nyinaa adi wo ho fɛw.+  Nsase a ɛbɛn wo ne nea ɛwɔ akyirikyiri nyinaa bedi wo ho fɛw, O kurow a wo din ho agu fĩ, kurow a basabasayɛ ahyɛ wo mã.+  Hwɛ, Israel abirɛmpɔn+ wɔ wo mu, na obiara ayere ne basa mu sɛ obehwie mogya agu.+  Wo mu na wobu agya ne ɛna animtiaa,+ wosisi ɔhɔho,+ na wɔteetee agyanka ne okunafo a wɔwɔ wo nkyɛn no.”’”+  “‘Wubu me kronkronbea animtiaa, na wugu me homeda ho fĩ.+  Ntwirifo a wɔpɛ sɛ wohwie mogya gu ahyɛ wo mu mã,+ na wodi abosonnuan wɔ wo bepɔw so+ bɔ ahohwibra wɔ wo mfinimfini.+ 10  Wo nkurɔfo yi wɔn papa adagyaw so,+ na ɔbea a brayɛ ama ne ho ntew no wɔbrɛ no ase.+ 11  Ɔbarima ne ne yɔnko yere yɛ adapaade,+ na obi de ahohwibra gu n’ankasa asebea* ho fĩ;+ na ɔbarima brɛ ne nuabea ase, n’ankasa ne papa ba.+ 12  Wogye adanmude hwie mogya gu.+ Wugye mfɛntom+ ne apempensika,+ na wobɔ wo mfɛfo apoo+ de nya wo ho,+ na me de, wo werɛ afi me,’+ Awurade Tumfoɔ Yehowa asɛm ni. 13  “‘Hwɛ, mabɔ me nsam+ agu wo mfaso bɔne+ ne mogyahwiegu a ɛwɔ wo mu no so.+ 14  Da a mɛba wo so no, so wo koma betumi agyina,+ na wubenya ahoɔden wɔ wo nsam?+ Me Yehowa na maka, na mɛyɛ nso.+ 15  Mɛbɔ wo apete aman so na mama woahwete akɔ nsase so,+ na mɛsɛe afide a ɛwɔ wo mu nyinaa.+ 16  Wo ho begu fĩ wɔ amanaman anim na woahu sɛ mene Yehowa.’”+ 17  Na Yehowa san ka kyerɛɛ me sɛ: 18  “Onipa ba, Israel fie ayɛ sɛ dwetɛ mu fĩ wɔ m’ani so.+ Wɔn nyinaa yɛ kɔbere ne sanyaa ne dade ne sumpii wɔ fononoo mu. Wɔayɛ sɛ dwetɛ mu fĩ pɔtɔɔ.+ 19  “Enti nea Awurade Tumfoɔ Yehowa aka ni, ‘Esiane sɛ mo nyinaa ayɛ sɛ dwetɛ mu fĩ+ nti, mɛboaboa mo ano wɔ Yerusalem mfinimfini.+ 20  Sɛnea wɔboa dwetɛ ne kɔbere ne dade+ ne sumpii ne sanyaa ano gu fononoo mu na wofita gya mu+ ma ɛnan no,+ saa ara na mɛboaboa wɔn ano wɔ m’abufuw ne m’anibere mu na mafita mu ma moanan. 21  Mɛboaboa mo ano na mafita m’abufuw gya mu agu mo so,+ na moanan wɔ kurow no mu.+ 22  Sɛnea dwetɛ nan wɔ fononoo mu no, saa ara na mobɛnan wɔ kurow no mu, na mubehu sɛ me Yehowa na mahwie m’abufuw agu mo so.’”+ 23  Na Yehowa san ka kyerɛɛ me sɛ: 24  “Onipa ba, ka kyerɛ no sɛ, ‘Woyɛ asase a ɛso ntew, asase a osu ntɔ ngu so abufuw da.+ 25  N’adiyifo pam apammɔne wɔ hɔ,+ te sɛ gyata a ɔbobom tetew hanam mu.+ Wɔmemene akra.+ Wɔfa ademude ne aboɔdenne,+ na wɔma akunafo dɔɔso wɔ hɔ.+ 26  N’asɔfo bu me mmara kɔn mu,+ na wogu me kronkronbea ho fĩ.+ Wɔmma nsonsonoe+ mmɛda akronkronne ne nea ɛnyɛ kronkron ntam,+ anaa nea ɛho tew ne nea ɛho ntew ntam.+ Wobu wɔn ani gu me homeda so,+ na wogu me ho fĩ wɔ wɔn mfinimfini.+ 27  Ne mu mpanyimfo te sɛ mpataku a wɔtetew hanam mu hwie mogya gu,+ na wɔsɛe akra de pɛ mfaso bɔne.+ 28  Nanso n’adiyifo de akado asra so ama wɔn,+ na wonya anisoadehu a ɛnyɛ nokware+ hyɛ nkɔntoro+ sɛ: “Nea Awurade Tumfoɔ Yehowa aka ni,” bere a Yehowa nkaa hwee. 29  Ɔman no mufo bɔ nkurɔfo apoo+ hwim wɔn nneɛma,+ wɔtan ɔbrɛfo ne ohiani ani,+ na wɔde atɛntrenee to nkyɛn bɔ ɔhɔho apoo.’+ 30  “‘Na mehwɛe sɛ menya ɔbarima bi wɔ wɔn mu a obesiesie kurow no ɔfasu+ na wagyina ntokuru no mu+ wɔ m’anim ama asase no na mansɛe no,+ nanso mannya obiara. 31  Enti mehwie m’abufuw+ agu wɔn so na matɔre wɔn ase wɔ m’anibere gya mu.+ Na mɛma wɔn akwan abua wɔn ti so,’+ Awurade Tumfoɔ Yehowa asɛm ni.”

Ase Hɔ Nsɛm

Kyerɛ sɛ ne babarima yere.