Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Hesekiel 2:1-10

2  Na ɔka kyerɛɛ me sɛ: “Onipa ba,+ sɔre gyina wo nan so na me ne wo nkasa.”+  Na bere a ɔne me kasae no ara na honhom bi baa me mu,+ na ɛma migyinaa me nan so tiee nea ɔne me rekasa no.+  Afei ɔtoaa so ka kyerɛɛ me sɛ: “Onipa ba, meresoma wo akɔ Israelfo nkyɛn,+ aman atuatewfo a wɔasɔre atia me no.+ Wɔne wɔn agyanom ayɛ me bɔne de besi nnɛ da yi.+  Mma a wɔn ani yɛ den+ na wɔn koma apirim+—eyinom nkyɛn na meresoma wo, na ka kyerɛ wɔn sɛ, ‘Nea Awurade Tumfoɔ Yehowa aka ni.’  Na sɛ wotie oo,+ wɔantie oo+—wɔyɛ atuatew fie+ nti—ɛnyɛ dɛn ara a, wobehu sɛ odiyifo bi tenaa wɔn mu.+  “Enti onipa ba, nsuro wɔn;+ na wɔn nsɛm nso nsuro. Nnipa a wɔasen wɔn kɔn+ ne nsɔe+ wɔ hɔ, na wo ne nkekantwɛre+ nso na ɛte de, nanso nsuro wɔn nsɛm,+ na mmɔ hu wɔ wɔn anim,+ efisɛ wɔyɛ atuatew fie.+  Wo de, sɛ wotie oo, wɔantie oo, ka m’asɛm kyerɛ wɔn, na wɔyɛ atuatewfo.+  “Na wo, onipa ba, tie nea mereka akyerɛ wo yi. Nyɛ wo ho otuatewfo te sɛ atuatew fie+ yi. Bue w’anom na di nea mede rema wo yi.”+  Na mihui sɛ nsa bi ateɛ akyerɛ m’anim+ a ekura nhoma mmobɔwee.+ 10  Afei ofii ase trɛw mu wɔ m’anim, na mihui sɛ wɔakyerɛw anim ne akyi nyinaa;+ na nea wɔakyerɛw wom no yɛ kwadwom ne abooboo ne osu.+

Ase Hɔ Nsɛm